Актуелниот градоначалник на Битола, Тони Коњановски, оствари убедлива победа уште во првиот круг на локалните избори. Според неофицијални информации од неговиот изборен штаб, Коњановски освоил 18.753 гласа, односно околу 51% од излезените гласачи.

Далеку зад него е Габриела Илиевска од „Поинаку“ со приближно 7.900 гласа, а на трето место е Методија Куновски од СДСМ со околу 6.100 гласа. Следуваат неважечки ливчиња со околу 2.100 гласа, независниот Зоран Николовски поддржан од Левица и други кандидати.

Во Советот на Општина Битола, ВМРО-ДПМНЕ се очекува да има мнозинство од 16 советнички места со приближно 15.700 гласови. СДСМ освојува 5 мандати (5.350 гласа), „Поинаку“ 4 мандати, а Левица два. По еден мандат освојуваат ЛДП, новоформираната Граѓанска иницијатива ГРИН, ЗНАМ и ДУИ.

Вкупно на гласање во општината излегоа 36.816 граѓани.