Северна Кореја испука неколку балистички ракети со краток дострел, соопшти јужнокорејската војска – само една недела пред самитот на АПЕК што ќе се одржи во Јужна Кореја.

Според податоците, ракетите биле лансирани од област во близина на Пјонгјанг и прелетале околу 350 километри пред да паднат на копно. Ова е прво тестирање од мај годинава.

Властите во Сеул веднаш свикаа итен состанок за безбедност, а претседателот Ли Џае Мјунг бил информиран за ситуацијата.

Јапонската премиерка Санае Такаичи соопшти дека ракетите не претставуваат директна закана за Јапонија, но дека Токио останува во постојана координација со САД и Јужна Кореја.

Лидерите Доналд Трамп и Ли Џае Мјунг треба да се сретнат следната недела на самитот во Сеул, каде е најавен и билатерален состанок меѓу Трамп и кинескиот претседател Си Џинпинг.

И покрај санкциите на ОН, Пјонгјанг продолжува со ракетните тестирања – а овој потег се смета за нова демонстрација на сила пред големите меѓународни разговори.