Балкан

Грција: 37 лица ќе одговараат за измама со европски земјоделски субвенции вредна над 10 милиони евра

Грчките власти покренаа кривична постапка против 37 лица уапсени во голема полициска акција поврзана со скандалот за незаконско добивање европски земјоделски субвенции преку Агенцијата за управување со субвенциите од ЕУ (ОПЕКЕПЕ), јавуваат грчките медиуми.

Обвинетите, кои се товарат за измама, перење пари и учество во криминална организација, беа уапсени во координирана акција во градовите Солун, Пела, Едеса (Воден), Јанина, како и во областа Атика и на островот Крит. Утрово тие беа пренесени во Атина и изведени пред европските обвинители, а потоа ќе дадат исказ пред истражен судија.

Според проценките на грчката полиција, штетата нанесена на буџетот на Европската унија и грчката држава изнесува најмалку пет милиони евра, а се очекува по завршувањето на истрагата износот да надмине десет милиони евра.

Во обвинението се наведува дека осомничените прибегнувале кон лажни потврди, измами со грантови и перење пари, делувајќи во рамките на добро организирана криминална мрежа.

Портпаролот на грчката Влада, Павлос Маринакис, истакна дека исплатите на земјоделските субвенции ќе продолжат без застој и дека парите ќе одат кај „вистинските производители, а не кај измамниците“. Тој ја пофали полицијата за успешната операција и истрагата која доведе до апсењата.

Европската обвинителка Лаура Ковеши, која неодамна престојуваше во Атина, предупреди дека со години криминални групи, со поддршка на државни службеници и високи функционери, краделе европски средства. Таа изјави дека „ОПЕКЕПЕ стана симбол на корупција и непотизам“, нагласувајќи дека европските пари треба да завршуваат кај чесните земјоделци, а не во рацете на криминалци.

Балкан

Милијардите на зетот на Трамп се селат од Белград на остров во Албанија?

Проектот на Џеред Кушнер, зетот на американскиот претседател Доналд Трамп, добил дозвола за изградба на островот Сазан во Албанија уште во декември 2024 година. Преддоговорот за закуп на островот е потпишан на 99 години, што му овозможува пристап до поранешната воена база на Енвер Хоџа.

Комплексот, со инвестиција над една милијарда долари, добил статус на „стратешки инвеститор под посебна постапка“, што значи дека државата Албанија ќе му помогне со добивање на дозволи и подготовка на земјиштето. Кушнер најавил дека проектот ќе вклучува луксузни објекти, но дел од островот ќе остане достапен за посетители. Албанскиот премиер Еди Рама го нарекол проектот „вода во пустина“, посочувајќи дека ќе донесе нов туристички живот.

Сепак, проектот предизвикува загриженост поради можни ризици од корупција и нетранспарентност. Економисти и познати публицисти во Албанија предупредуваат дека големите инвестиции во јавен имот без бизнис-план и студија за изводливост се алармантни.

Ситуацијата дополнително се комплицира со актуелните истраги на Специјалното обвинителство (СПАК) за корупција во Албанија, кои опфаќаат инфраструктурни проекти во Валона, вклучително и аеродромот кој треба да го користи идното одморалиште на Кушнер. Дел од соработниците на премиерот Еди Рама веќе се под обвинение, вклучувајќи ја и поранешната министерка за инфраструктура Белинда Балуку.

Медиумите како „Блумберг“ и „Гардијан“ истакнуваат дека инвестицијата би можела да предизвика политички тензија помеѓу администрацијата на Трамп и западните партнери, поради можен конфликт на интереси. Ричард Гренел, поранешниот специјален пратеник на Трамп, ја предложил инвестицијата, што се гледа како знак за политичка поддршка, но и потенцијален судир помеѓу дипломатијата и приватниот капитал.

Балкан

Голема акција во Турција – Уапсени над 170 лица

Тој на социјалните мрежи информира дека осомничените се уапсени поради претходни активности во рамките на Исламска држава, како и финансирање на таа организација.

Јерликаја изјави дека операциите за апсење се спроведени во 32 провинции, во координација со државното обвинителство, генералниот директорат на разузнавачката служба и националната разузнавачка агенција, јави Анадолија.

– Продолжуваме со операциите, 365 дена во годината, со цел да обезбедиме мир и стабилност во секој регион на нашата земја, нагласи турскиот министер.

Балкан

Бугарските улици повторно преплавени со масовни демонстрации

Синоќа Софија и градовите ширум Бугарија беа преплавени од илјадници граѓани кои изразија гнев и незадоволство од власта, барајќи фер избори и независно судство способно да се бори против длабоко вкоренетата корупција.

Овие масовни демонстрации дојдоа по минатонеделните протести против контроверзниот буџетски план за 2026 година, кој предвидуваше повисоки даноци и зголемени владини трошоци. По бурните реакции, владата го повлече планот, но притисокот од улиците ја принуди да поднесе оставка, исполнувајќи го клучниот услов на граѓаните.

Сега Бугарија, членка на ЕУ од 2007 година, се наоѓа без буџет и редовна влада, на само неколку недели пред историското приклучување кон еврозоната на 1 јануари, кога ќе стане 21-та членка на еврозоната и ќе воведе еврото како официјално средство за плаќање.

Претседателот Румен Радев наскоро ќе назначи привремена влада и ќе закаже предвремени избори – веќе осми по ред од 2021 година.

Демонстрантите не бараат само оставки – тие инсистираат на избори кои нема да бидат компромитирани со манипулации, купување гласови и фалсификување резултати, како што се случи во претходните изборни циклуси.

Во центарот на гневот е влијателниот олигарх Делјан Пеевски, кој е под санкции од САД и Велика Британија. Неговата партија, Алијанса на права и слободи, ја поддржа коалицијата на партијата ГЕРБ предводена од поранешниот премиер Бојко Борисов, што само го засили чувството на незадоволство меѓу граѓаните.

Народот бараат слободни и фер избори, без манипулации, купување гласови и изборни фалсификати кои ја обележаа претходната кампања. Главната причина на нивната фрустрација е влијанието на олигархот Делјан Пеевски, санкциониран и од САД и од Велика Британија, чија што партија – Алијанса на права и слободи – го поддржа коалицискиот владин блок предводен од поранешниот премиер Бојко Борисов.