Црна Хроника

Прослава со истрели: Млад тетовец уапсен по видео објава на социјални мрежи

Семејна веселба во тетовското село Желино добила опасен тек откако 21-годишен жител на Голема Речица одлучил да „слави“ пукајќи во воздух од својот автомобил. Настанот бил снимен и објавен на социјалните мрежи, по што полицијата брзо реагирала.

Според информациите на МВР, младиот С.Ш. пукал со огнено оружје од патничко возило марка „БМВ“ со тетовски регистарски таблички. Инцидентот се случил вчера околу 10 часот наутро, додека осомничениот одел на семејна прослава во Желино. Неколку часа подоцна, по објавата на видеото, полициските службеници од СВР Тетово го уапсиле во 00:50 часот.

При претрес кај него бил пронајден и одземен пиштол „Зораки“, една празна рамка и кутија со 21 куршум, за кои немал дозвола. С.Ш. е задржан во полициска станица, а против него ќе биде поднесена соодветна кривична пријава по целосното документирање на случајот.

Полицијата информира дека сличен инцидент бил регистриран и во селото Житоше, каде што двајца мажи — В.Е. (26) и Б.Е. (57) — биле приведени поради пукање со огнено оружје во текот на семејна веселба пред нивната куќа.

Црна Хроника

Лажел дека е туристички агент и украл 6.080 евра

Кривична пријава за измама поднел СВР Куманово против Е.Б.(33) од Куманово.

Како што соопшти полицијата, тој се претставил како вработен во туристичка агенција во Куманово и на измама од едно лице, за резервација за летување за две семејства во Турција, зел 373 890 денари (6.080 евра), соопшти СВР Куманово.

Црна Хроника

Кривична за багеристот што го остави Тетово без струја

СВР Тетово поднесе кривична пријава против Б.А. (44) од с. Боговиње, како и против Ф.А. (45) од с. Боговиње, управител на правен субјект, товарејќи ги за сторено кривично дело „уништување или оштетување на јавни инсталации“.

На 29 септември, првопријавениот во дворот од Клиничка болница Тетово, додека работел со багер во сопственост на правното лице, оштетил електрични кабли за струја, по што, голем дел од градот Тетово останал без електрична енергија.

Црна Хроника

Интервентната полиција приведе тежок криминалец – МВР со детали

Лишено од слобода лице барано со потерница за издржување казна затвор

Денеска (18.12.2025) во 16:30 часот полициски службеници од Единицата за интервентна полиција при СВР Скопје по издадена судска наредба го лишија од слобода Е.Т. (26) од Скопје во врска со сторено кривично дело “Тешка кражба” за издржување на казна затвор во времетраење од три години.

По целосно документирање на случајот лицето ќе биде предадено во казнено-поправна установа.