Скопје

Ѓорѓиевски: „Во Гази Баба ќе испишеме историја во вториот круг!“

Кандидатот за градоначалник на Град Скопје, Орце Ѓорѓиевски, вечерва од Идризово и Стајковци порача дека очекува историска победа во вториот изборен круг. Тој се заблагодари на жителите од овие населени места за, како што рече, убедливата поддршка и најголемата разлика во гласови во првиот круг.

„Тоа, покрај чест, е и огромна одговорност што ја прифаќам со целото срце“, рече Ѓорѓиевски, додавајќи дека со новиот мандат ќе следуваат значајни инфраструктурни инвестиции, особено во водоснабдувањето.

„Ќе го подобриме водоснабдувањето преку приклучок на главната цевка, а на булевар ‘Хрватска’ ќе се градат две нови ленти, две пешачки зони и нова водоводна мрежа. Со тоа конечно, после три децении, Црешево и Смилковци ќе имаат нормално водоснабдување“, најави тој.

Ѓорѓиевски посочи дека проблемите во јавните претпријатија ќе се решаваат веднаш, со силна поддршка од премиерот Христијан Мицкоски. „60 автобуси се подготвени и само чекаат зелено светло, а со уште 40 што ќе ги сервисираме, Скопје ќе добие 100 функционални автобуси уште веднаш“, изјави кандидатот за градоначалник.

Тој најави и инвестиција од еден милион евра за нова фекална канализација во Идризово, потенцирајќи дека доаѓа пред граѓаните „со кредибилитет, со работа зад себе и со јасна визија напред“.

„Заедно со Боби ги засукуваме ракавите и веднаш почнуваме со работа. Време е за конкретни дела и нова страница на развој во Гази Баба и Скопје“, порача Ѓорѓиевски, повикувајќи на масовна излезност и поддршка во вториот круг.

Скопје

Николоски: Карпош добива нов урбан лик со реконструкција на над 15 улици

Преку петнаесетина улици ќе се реконструираат во општина Карпош со подршка на Владата. Општината полека ќе го смени урбаниот лик и ќе се развива, истакна вицепремиерот и министер за транспорт Александар Николоски при денешната посета на општина Карпош.

Николоски заедно со градоначалникот Сотир Лукровски извршија увид во реконструкција на ул. Јуриј Гагарин, проект кој се реализира со подршка на Министерството за транспорт, а во заедничка соработка со општината.

“ Ова беше заглавен проект, ова беше проект без разлика што имавме обезбедено средства, не можевме да го реализираме. Откако беше избран за градоначалник, заедно со службите во општината, успееја да ги решат сите предизвици на овој проект, да се решат проблемите и еве веќе се гради и ако се оди добро и не послужи времето до Нова година може да се заврши оваа улица, паркингот зад зградите и да се добие нов урбан лик на овој простор. Сакам да најавам дека дополнително на ова имаме уште еден проект кој се реализира со Светска банка во вредност од над 13 милиони денари, тоа е улицата Петар Чаулев, целосна реконструкција околу 600 метри што дополнително се надевам ќе допринесе за урбаниот развој на општината. На тоа додаваме уште дванаесетина проекти кои што ги резлизираме преку вториот повик на Владата и севкупно имаме значајни проекти за општина Карпош. Тука е и подршката на Владата, мојата лична подршка за дополнителни работи кои треба да ги направиме во Карпош. Со изборот на новиот градоначалник, со неговата напорна работа се гледаат промените и навистина сите имаме желба да помогнеме и да се случуваат убави работи во општина Карпош”-изјави вицепремиерот Николоски.

Скопје

Прекин на електрична енергија денеска во Горно Нерези, Глуво и Мирковци

Регионалниот центар за управување со кризи (РЦУК) информира, повикувајќи се на известување од ЕВН Македонија, дека денес од 9:00 до 15:00 часот ќе има прекин во снабдувањето со електрична енергија за корисниците од неколку населени места.

Прекинот ги опфаќа корисниците од селото Горно Нерези и корисниците од селата Глуво и Мирковци.

Станува збор за планиран прекин, а корисниците се повикуваат на трпение до завршувањето на работите.

Скопје

Жителите на одредени делови од Аеродром денес без вода

Јавното претпријатие „Водовод и канализација“ – Скопје информираше за привремен прекин во водоснабдувањето за дел од корисниците лоцирани на булеварот „АСНОМ“, во населбата Аеродром.

Прекинот, кој започна вечерва во 18:45 часот, е предизвикан од уличен водоводен дефект на цевка со дијаметар Ф100 мм, конкретно кај број 74 на булеварот.

Погодени корисници ќе бидат корисниците лоцирани на булевар „АСНОМ“ од број 70 до број 116.

Екипите на ЈП „Водовод и канализација“ се на терен и работат на отстранување на дефектот. Водоснабдувањето ќе биде нормализирано веднаш по завршувањето на работните активности, за што јавноста ќе биде дополнително известена.