Балкан

Паника во западна Турција по земјотрес од шест степени – луѓето ноќта ја поминаа на отворено

Силен земјотрес со јачина од 6,0 степени според Рихтеровата скала ја погоди западна Турција вечерва околу 22:48 часот по локално време, предизвикувајќи паника меѓу жителите.

Епицентарот бил регистриран 62 километри југоисточно од градот Баликесир и 10 километри јужно од Синдирги, соопштија турските сеизмолошки служби. Земјотресот бил почувствуван во повеќе градови, меѓу кои и во Истанбул.

Според првичните информации, на социјалните мрежи се појавија снимки и фотографии на урнати објекти и напукнати фасади, но засега нема потврдени податоци за повредени лица или поголема материјална штета.

Очевидци за порталот EMSC изјавиле дека тресењето траело подолго од вообичаено и било многу силно. „Сѐ се нишаше неколку секунди, луѓето излетаа од домовите“, сведочат жители од регионот.

Локалните власти апелираа граѓаните да останат смирени и внимателни, бидејќи постои можност за нови послаби потреси во текот на ноќта.

Сеизмолозите потсетуваат дека западниот дел на Турција се наоѓа на активна тектонска линија и често е погоден од вакви земјотреси.

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.