Ученици од трето одделение од ООУ „Илинден“ во Крива Паланка денеска биле ограбени додека биле на училишна екскурзија во Битола. Од автобусот им биле украдени мобилни телефони, паричници и други лични предмети.

За инцидентот извести агенцијата „Црво експрес“, која ги превезувала учениците. Според објавата на Фејсбук, кражбата се случила на паркингот кај Ракометната сала, а автобусот бил уредно паркиран.

По пријава на настанот, полицијата интервенирала експресно. Со детална проверка на околината и преглед на видеонадзорот, крадците биле лоцирани и запленети за само 40 минути, а украдените предмети биле вратени на учениците и наставниците.

Агенцијата „Црво експрес“ упати јавна благодарност до СВР Битола и сите инволвирани полициски службеници и инспектори кои го расветлиле случајот.