Република

Хаким Рамадани поднел приговори по вториот круг локални избори во Брвеница

До Државната изборна комисија (ДИК) до денеска претпладне се поднесени 16 приговори за постапката на сумирање и утврдување на резултатите од вториот круг на локалните избори одржани на 2 ноември. Рокот за поднесување приговори завршува денеска во 16:30 часот, односно 48 часа по објавувањето на првичните резултати.

Хаким Рамадани, поддржан од ВЛЕН, поднел приговори за резултатите на избирачките места 2032, 2033, 2034 и 2035 во Брвеница. Во оваа општина победник во вториот круг е Јовица Илиевски, поддржан од ВМРО-ДПМНЕ и коалицијата, со 4.374 гласа, додека Рамадани освоил 4.224 гласа.

Коалицијата „Твоја Македонија“ поднела 10 приговори за избирачките места во Шуто Оризари, а Сојузот на Ромите има поднесено приговори за гласачките места 2961, 2962 и 2966 во истата општина. Таму победник е Курто Дудуш од Унијата на Ромите со 3.894 гласа, а Ерџан Демир од коалицијата поддржана од ВМРО-ДПМНЕ добил 3.406 гласа.

Коалицијата „Искуство за успех“, која го поддржуваше Стевчо Јакимовски, поднела приговори за резултатите на избирачките места 2613 и 2631 во општина Карпош. Таму победник е Сотир Лукровски, кандидат поддржан од ВМРО-ДПМНЕ и коалицијата, со 13.512 гласа, додека Јакимовски освоил 12.378 гласа.

Според информациите од ДИК, седница за одлучување по приговорите најверојатно ќе се одржи утре.

Република

ДЕЛ ОД ТЕТОВО И ШЕСТ СЕЛА УТРЕ БЕЗ СТРУЈА

Утре, 12 декември 2025 година, дел од Тетово и повеќе тетовски села ќе останат без електрична енергија поради најавени планирани прекини во снабдувањето.

Според објавата, без струја од 09:00 до 14:00 часот ќе бидат делови од градот Тетово, поточно објектите во близина на улицата Илинденска, кај стадионот.

Во истиот период, планиран прекин ќе има и во селата:
• Церово (повеќе локации, вклучително и репетитор Мобимак и целото село),
• Ново Село (две засегнати подрачја),
• Рогле,
• Теарце (од 09:00 до 10:00 часот),
• Челопек,
• Агино Село (ул. 114).

ЕВН најавува дека прекините се поради технички зафати во електро-мрежата и апелира граѓаните навреме да се прилагодат на измените.

Република

БИТОЛА БЛЕСНА ВО НОВА НОВОГОДИШНА СВЕТЛИНА

Битола и кажа добредојде на новогодишната магија. Претпразнично блеснаа улиците, плоштадите, сцените каде и годинава ќе се случува „Зимската приказна“.
Нова светлина, нова енергија, нова радост за граѓаните на Битола и сите гости.

Со оваа фотогалерија Ви пренесуваме дел од новогодишната магија во градот под Пелистер, подготвен за уште едно ново издание на предновогодишната програма на препознатливата „Зимска приказна“.

Република

Плакат од Киро Урдин во рацете на Коњановски како симбол на поддршката за „Браќа Манаки“

Директорот на Интернационалниот фестивал на филмската камера „Браќа Манаки“, Димитрија Доксевски, и извршниот директор Роберт Јазаџиски остварија средба со градоначалникот на Битола, Тони Коњановски, на која беше потврдена силната соработка меѓу фестивалот и Општина Битола.

На средбата се разговараше за долгогодишната партнерска врска која градот домаќин ја има со најстариот фестивал за филмска камера во светот, како и за подготовките за 47-то издание, чија цел е уште повпечатлива организација и достоинствен прием на меѓународните гости.

Како израз на благодарност, Доксевски и Јазаџиски на градоначалникот му врачија плакета со мотив од официјалниот плакат на 46-тото фестивалско издание, чиј автор е светски признатиот македонски сликар Киро Урдин.