Црна Хроника

Семјството на Бит Пазар доби закана, полицијата откри бомба во автомобил

Во раните утрински часови на 6 ноември 2025 година, на СВР Скопје е пријавено дека во гаража на семејната куќа на Е.Р. на Бит Пазар е поставена бомба. Сопственикот на возилото моментално престојува во Италија, а по кратко време добил порака со закана и известување дека неговото возило е бомбирано.

Полициски службеници излегле на терен и кај возилото „фиат“ со скопски регистарски ознаки била пронајдена експлозивна направа М75, врзана со жица на рачката на возачката врата.

Дополнително, при преглед на друго возило „фиат“ со италијански регистарски ознаки, сопственост на братот на Е.Р., А.Е., пронајдена е кутија со 100 куршуми калибар 7,62 мм за автоматско оружје.

Полицијата презема мерки за целосно расчистување на случајот, додека истрагата е во тек.

Црна Хроника

Полицијата реагирала брзо: фатен дрвокрадец со возило без регистрација во Тетовско

На 15.12.2025 година во 14:30 часот полициски службеници од ПО Жеровјане во с.Челопек, кај место викано „Бриони” го лишиле од слобода Б.С.(31) од с.Челопек. Тој бил забележан како сече дрва, без да поседува соодветна дозвола. При тоа биле пронајдени и одземени дабови дрва и патничко моторно возило ,,мицубиши пајеро” без регистерски таблици. По документирање на случајот против него ќе следува соодветен поднесок.

Црна Хроника

Исчезна 30-годишен скопјанец

На 15.12.2025 во 01:50 часот во Полициската станица Гази Баба, И.Т.(51) од с.Инџиково, скопско, пријави дека од домот се оддалечил неговиот син А.Т.(30).

Се преземаат мерки за пронаоѓање на лицето.

Црна Хроника

Примил мито од 50.000 евра за да влијае кај судија – МВР со детали

Полициски службеници по наредба на јавен обвинител од Основното јавно обвинителство за гонење на организиран криминал и корупција го лишија од слобода Ф.С. поради сторено кривично дело – Примање награда за противзаконито влијание.

Во периодот од октомври до 13.12.2025 година осомничениот примил вкупен износ од 50.000 евра за да посредува и да го искористи своето реално влијание за да интервенира кај судија во Апелациониот суд Скопје и за со поткуп кон судијата да влијае за да се изврши службено дејствие што не би смеело да се изврши.

Првично, осомничениот побарал 100.000 евра за да влијае за укинување на мерка притвор определена кон лице кое е недостапно на органите на прогонот и против кого ОЈОГОКК води друга постапка за кривични дела против јавните финансии, платниот промет и стопанството. На 06.10.2025 година примил дел од побараниот износ и тоа 30.000 евра, што му ги предала сестрата на лицето во бегство. На 13.12.2025 година директно побарал и примил уште 20.000 евра како дел од поткупот што го барал за да го даде на судијата.

Непосредно по примањето на паричните средства осомничениот е лишен од слобода и кај него се пронајдени парите.