Скопје

Скопската администрација под лупа: 500 отпуштени, но редизајнот продолжува

Новото раководство на Град Скопје продолжува со чистката во градската администрација. Градоначалникот Орце Ѓорѓиевски веќе отпушти 500 лица од јавните претпријатија, кои, како што се наведува, не се појавувале на работа со месеци, па дури и години, но сепак примале плата.

Сепак, прашањето дали ова е само почеток или ќе следи целосна реорганизација на администрацијата останува отворено. Со околу 10.000 вработени во градските служби и јавни претпријатија, многумина сметаат дека е потребно темелно прегледување на структурата и оптимизирање на бројот на вработени.

На пример, ЈП „Водовод и канализација“ долго време е познато како загубар, а бројот на вработени над илјада не се совпаѓа со ефикасноста на услугите. Слична состојба се забележува и во други јавни претпријатија, како и во седиштето на градоначалникот.

Ѓорѓиевски најави дека процесот на реорганизација и намалување на бројот на административни вработени нема да се одлага, во спротивност со практиките на претходните раководства, со цел градот да стане поефикасен и поодговорен кон проблемите на граѓаните.

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.

Скопје

Голем дефект на „Крсте Мисирков“ – утре без вода клучни институции и делови од центарот на Скопје

Утре од 7 часот наутро значаен дел од централното градско подрачје ќе остане без вода поради дефект на водоводната линија на булевар „Крсте Мисирков“, соопшти ЈП „Водовод и канализација“ – Скопје.

Прекинот ќе ги опфати објектите на МАНУ, Основен суд 2, Младинскиот културен центар, Универзитетската библиотека „Св. Климент Охридски“, Универзитетот „Св. Кирил и Методиј“, трговскиот центар „Мавровка“, делови од Старата скопска чаршија, Саат-кулата, улицата „Отокар Кершовани“, Адвокатската улица и дел од булевар „Крсте Мисирков“.

Од претпријатието информираат дека екипите ќе работат интензивно на терен и дека водоснабдувањето ќе биде вратено веднаш по отстранување на дефектот.