Република

Утре без струја делови од Тетово и повеќе тетовски села

Поради планирани технички зафати во електро-мрежата, утре (20 ноември 2025) без напојување со електрична енергија ќе останат делови од Тетово и неколку околни села, соопштуваат од надлежните служби.

Од 9:00 до 14:30 часот струја ќе нема во населбата Агино Село, а без напојување ќе останат и делови од селото Теново, вклучувајќи ги и објектите на влезот во селото, како и делот кај Фармата на Жито Полог и водната пумпа Стенче. Други делови од Теново ќе бидат без електрична енергија од 9:00 до 12:30 часот.

Прекини се најавени и во селото Селце, каде што електричната енергија ќе биде исклучена од 9:01 до 14:01 часот, како и во Лавце, од 9:02 до 14:02 часот.

Во Тетово, без струја од 9:30 до 14:48 часот ќе останат објекти во дел од градот во близина на кафе „Дамаск“.

Надлежните апелираат граѓаните навреме да ги планираат своите обврски поради најавените прекини.

Република

ДЕЛ ОД ТЕТОВО И ШЕСТ СЕЛА УТРЕ БЕЗ СТРУЈА

Утре, 12 декември 2025 година, дел од Тетово и повеќе тетовски села ќе останат без електрична енергија поради најавени планирани прекини во снабдувањето.

Според објавата, без струја од 09:00 до 14:00 часот ќе бидат делови од градот Тетово, поточно објектите во близина на улицата Илинденска, кај стадионот.

Во истиот период, планиран прекин ќе има и во селата:
• Церово (повеќе локации, вклучително и репетитор Мобимак и целото село),
• Ново Село (две засегнати подрачја),
• Рогле,
• Теарце (од 09:00 до 10:00 часот),
• Челопек,
• Агино Село (ул. 114).

ЕВН најавува дека прекините се поради технички зафати во електро-мрежата и апелира граѓаните навреме да се прилагодат на измените.

Република

БИТОЛА БЛЕСНА ВО НОВА НОВОГОДИШНА СВЕТЛИНА

Битола и кажа добредојде на новогодишната магија. Претпразнично блеснаа улиците, плоштадите, сцените каде и годинава ќе се случува „Зимската приказна“.
Нова светлина, нова енергија, нова радост за граѓаните на Битола и сите гости.

Со оваа фотогалерија Ви пренесуваме дел од новогодишната магија во градот под Пелистер, подготвен за уште едно ново издание на предновогодишната програма на препознатливата „Зимска приказна“.

Република

Плакат од Киро Урдин во рацете на Коњановски како симбол на поддршката за „Браќа Манаки“

Директорот на Интернационалниот фестивал на филмската камера „Браќа Манаки“, Димитрија Доксевски, и извршниот директор Роберт Јазаџиски остварија средба со градоначалникот на Битола, Тони Коњановски, на која беше потврдена силната соработка меѓу фестивалот и Општина Битола.

На средбата се разговараше за долгогодишната партнерска врска која градот домаќин ја има со најстариот фестивал за филмска камера во светот, како и за подготовките за 47-то издание, чија цел е уште повпечатлива организација и достоинствен прием на меѓународните гости.

Како израз на благодарност, Доксевски и Јазаџиски на градоначалникот му врачија плакета со мотив од официјалниот плакат на 46-тото фестивалско издание, чиј автор е светски признатиот македонски сликар Киро Урдин.