Магазин

Турскиот генерал Ердоѓан Ознал со факти за Македонија и Македонците

Ова капитално дело за првпат е објавено во Анкара, во 1993 година, кога силно ја разбранува и грчката јавност, а „Матица македонска“ го објавува во превод на македонски јазик. Македонија не е Грција и гледано низ историјата, никогаш не била грчка. Македонскиот народ, историски и етнички, никогаш не бил грчки – тој е посебен, вековен народ. Секој народ, сам си го избира своето име. Македонскиот јазик е единствен. Грција го лаже Балканот. Историските, културните и етничките вистини на Македонците треба да се признаваат. Ова се само дел од пораките испратени со насловите на поглавјата на оваа книга мала по обем, но голема според опфатот на нејзината содржина, напишана со користење документи и податоци од архивите на Отоманската империја, вклучително и од Турскиот воен архив.

Како што е наведено во соопштението од „Матица македонска“ , во 1993 година, Ердоѓан Ознал како раководител на Националното воено здружение на Турција учествуваше на симпозиум за Балканските војни во Грција. На брошури, книги и на транспаренти по ридовите на Атина, секаде читал иста реченица: „Македонија е Грција“. „Грците без престан повторуваа дека Македонија отсекогаш била грчка, дека нема македонски народ итн…“ – сведочи самиот Ознан. Иритиран, побарал збор на симпозиумот и пред 150 присутни рекол: „Македонија не е Грција“, по што настанал молк, без спротивставување од кој и да е друг учесник. Веднаш по враќањето во Турција ја пишува оваа книга којашто говори со јазикот на фактите и ја отсликува Македонија низ вековите во нејзината вистинска светлина. Всушност, „Македонија не е Грција“ е најуверлива негација на грчките небулози, пројавувани во подолг временски период и, особено, по осамостојувањето на Македонија.

– Кога ја пишував книгата бев главен на воените историчари, иако јас не сум историчар по вокација, туку воен пилот. Во Воениот архив имав на располагање 8 милиони документи од 1853. до 1974 година. Таму најдов дека од 1453 година кога султанот Мехмед Втори Фатих го освоил Истанбул, па сѐ до почетокот на XIX век, македонскиот народ бил оставен да живее под Грчката патријаршија. Бидејќи македонскиот народ бил под посебна пресија за асимилација, на 11 март 1870 на Македонците им се дозволило да формираат своја црква, што говори дека Македонците и тогаш биле посебен народ, напоменал Ознал.

Во книгата се презентирани дел од османлиските архиви за границите на Македонија во рамките на Отоманската империја, табеларни прикази за бројот на жителите, територијата како и пописот на населението од 1904 година за тоа кои народи живеаат во Македонија и колкав е бројот на жителите пооделно за секој од нив. Меѓу другото, турскиот генерал, низ податоци од Турскиот воен архив ја покажува жестоката асимилаторска политика на Грција кон Македонците.

-На пописот во 1904 година ги имаше 896.494, во 1913 година – 329.371, а на пописите во 1926 и 1940 година веднаш ги снема. Каде отиде македонскиот народ, што стана со него?“, прашува во книгата.

Притоа, Ознал пишува и за геноцидот врз Македонците од 1913-1918 година, кој го смета за многу поголем од голготата во 1948 година во Егејска Македонија, под Грција. Според турските архиви, турскиот Генералштаб располага со фрапантни податоци за масовен егзодус на Македонците од Егејска Македонија, присилно протерани во Бугарија. Ги издвојува и податоците за протерани Македонци од Егејскиот дел на Македонија по населени места: Кукуш 18.989, Серес 11.404, Зрнево 11.223, Демир Хисар 10.576, Сланик 7.285, Вардарски долен дел 7.257, Герман 5.195, Драма 4.233, Кесри 3.577, Селаник 1.782, Лерин 1.676, Лагадин 1.581, Зенес 1.442, Меглен 1.233, Воден 449, Кавала 381, Нигри 326, Бер 114, Ѓунеи 285 итн.

Ознал се осврнува и на проблемите актуелни по осамостојувањето на Македонија, поврзувајќи ги со историскиот контекст и претходниот однос на Грција кон Македонците, Македонија и македонското прашање.

– Во весникот „Напредок“ што излегува во Солун, а се печати на француски јазик, во бројот што излезе на 26 октомври 1926 година, се констатира дека егејскиот дел на Македонија целосно се погрчил. Во големата енциклопедија на Грција, на страница 410 се вели: „Со вселувањето на Грците што се иселија од Турција во егејскиот дел на Македонија извршивме еден голем патриотски долг’, има забележано Ознал во книгата, за потоа да напомене и дека во 1990 година, службите за човекови права во САД јавно проговорија дека Македонците како што ги има во Република Македонија, во Бугарија и во Албанија, ги има и во Грција. Според него, иако Грција беше бесна, оваа констатација за постоењето на Македонци во оваа земја беше од голема полза светот да ја дознае вистината. Ако не постоеше овој народ и оваа нација, зошто Караманлис во 1992 леејќи крокодилски солзи на аеродромот во Солун рече дека Киро Глигоров ќе се кае за она што го вели и што го прави, прашува турскиот генерал во книгата.

„Македонија не е Грција“, како ретко која друга публикација има предизвикано реакции во Грција, со бројни написи во медиумите, со реакција, вклчително и за тоа што иако ставовите во книгата не се на официјална Турција, книгата е печатена во печатницата на турскиот Генералштаб и со тоа добива полуофицијален карактер.

Инаку, Ердоѓан Ознал има македонски корени – неговиот татко е роден во Дојран, а за време на Балканските војни со родителите бега за Турција. Генерал Ознал, во 2017 година, за првпат ја посети Македонија и ги обликоли местата за кои како дете слушал од татко му.

Во текот на месецов, меѓу другото, во „Матица македонска“ се одвива акција во која сите книги што се однесуваат на македонскиот национален идентитет се достапни по половина цена. До крајот на август, книгоиздавателството ќе објави и неколку нови изданија што се однесуваат на важни прашања за Македонија, за нејзината историја и за нејзината сегашност. „Македонија не е Грција“ е една од тие книги.

Магазин

Богати празници со „Лото 7“

7-ка над 1 000 000 евра може да оствари повеќе од еден сон

Празниците се време за среќа, а во декември, месецот на желби и надежи, треба да се сонуваат големи соништа. Играта на среќа „Лото 7“, е најдостапната дестинација за сонување и носи многу можности за изненадување.

Сите оние на коишто бројот 7 им е среќен број, ги потсетуваме дека од 10 до 31 декември играта на среќа „Лото 7“ дава уште точно 7 можности за 7-ка во 2025 година, преку 7-те кола во коишто ќе се извлекуваат добитните лото бројчиња.

Со предвремената уплата, можете однапред да учествувате во 7 последователни кола и безгрижно да ги прославите празниците, знаејќи дека вашата шанса за добивка е веќе обезбедена. Дозволете му на „Лото 7“ да ве изненади, уплатете навреме и уживајте во празничниот дух исполнет со надеж.

Со симболични 30 денари за една лото комбинација, си подарувате моменти исполнети со мечтаење, возбуда и она незаменливо чувство на исчекување. Секоја ваша лото уплата ви ја отвора вратата кон свет ‒ полн со нови можности и ви ја дава шансата да се запрашате: Што ако токму јас сум следниот добитник на големата седумка?

Тоа е патот по кој поминаа досегашните 28 среќни добитници на седумки од 2010 година до денес. Тие порачуваат дека секогаш треба да се верува во среќата и никогаш да не се изгуби надеж. За седумка досега се славеше во Битола, Куманово, Кичево, Кавадарци, Свети Николе, Тетово, Струмица, Неготино, Кочани, Охрид и во Скопје, а последната и најголема постигната седумка вредна над 1,7 милиони евра, беше освоена во Охрид во 2024 година.

Играта на среќа „Лото 7“ прерасна во традиција, којашто спојува генерации. Во исчекување на 29-тата седумка, потсетуваме дека со секоја уплатена комбинација се дава и придонес кон општествено корисни цели ‒ поддршка на науката, образованието, културата, спортот, животната средина и проекти од јавен интерес. И дека среќата е насекаде, само треба да ја побарате.

Магазин

Потегот што го направи милијардер: како Бил Гејтс изгради империја што го смени светот

Бил Гејтс денес важи за еден од најбогатите и највлијателни луѓе во светот, но патот до тоа место не бил ниту лесен, ниту вообичаен. Неговата приказна е пример за храброст, визија и подготвеност да се преземат ризици кои во тоа време малкумина би ги прифатиле.

Уште како млад, Гејтс донел одлука што целосно го променила текот на неговиот живот – го напуштил престижниот Универзитет Харвард за да се посвети на развојот на софтверска компанија во време кога компјутерите сè уште биле реткост. Заедно со Пол Ален, ја основал „Мајкрософт“, компанија која подоцна ќе стане доминантна сила во светската технолошка индустрија.

Клучниот момент во неговото збогатување бил договорот со ИБМ, кога Мајкрософт го обезбедил оперативниот систем за нивните персонални компјутери, но ги задржал авторските права. Тоа му овозможило на Гејтс не само огромен финансиски раст, туку и долгорочна контрола врз развојот и дистрибуцијата на софтверот.

Со текот на годините, богатството на Гејтс континуирано растело, а неговото влијание се проширило и надвор од технологијата. Денес, преку фондацијата „Бил и Мелинда Гејтс“, тој е еден од најголемите филантропи во светот, инвестирајќи милијарди долари во здравство, образование и борба против сиромаштијата.

Приказната за Бил Гејтс останува доказ дека комбинацијата од визија, знаење и храброст за неконвенционални потези може да создаде империја – но и дека вистинското влијание се мери со тоа што се прави со стекнатото богатство.

Магазин

Дневен хороскоп за понеделник, 15ти декември

Овен
Понеделник ви носи ментална брзина и желба да ги „исчистите“ заостанатите обврски. Добро е да бидете внимателни со брзите реакции – посебно околу партнерот. Нови контакти може да се развијат спонтано, но со трпение. Здравјето е стабилно, само внимавајте на стресот.

Бик
Фокусот е на практична работа и стабилни чекори напред. Ако сте во врска, ги цените едноставните, топли разговори. Слободните може да „најдат“ некому доверлив и приземјен збор. Здравјето е добро.

Близнаци
Вашиот ум работи на високи вртежи – полни со идеи. Клучно е да изберете една насока и да се фокусирате за да не се расеете. Во љубовта, комуникацијата бара повеќе внимание, а нервниот систем бара одмор.

Рак
Организацијата и поставувањето граници ќе направат денес да ве почувствувате посилни. Во врската барајте разбирање наместо исцрпувачки разговори. Слободните можат да забележат заинтересирачка личност. Внимавајте на стомакот под стрес.

Лав
Денот ве мотивира да преземете иницијатива, но не „гасете“ други со вашето темпо. Во љубовта барајте вистински момент за длабоки разговори. Слободните привлекуваат внимание со самодоверба. Малку проблеми со грбот – опуштете се.

Девица
Вашата концентрација е на високо ниво и лесно ги решавате практичните задачи. Во љубовта настојувајте на јасност, но избегнувајте премногу критики. Слободните можат да запознаат интересна личност во секојдневна средина. Здравјето е стабилно.

Вага
Соработката со другите денес носи најдобри резултати ако јасно ги искажете ставовите. Во врската тежнеете кон рамнотежа и мир. Слободните многу лесно можат да воспостават пријатен контакт. Добро здравје.

Шкорпија
Фокусираноста и решителноста ви помагаат да ги завршите битните задачи, но не преземате туѓи обврски. Во љубовта ќе сакате подлабок, искрен разговор. Слободните можат да привлечат силни емотивни енерги. Добро здравје.

Стрелец
Влегувате во ритам на работа и со добра организација лесно ќе се справите со обврските. Во врската координацијата е клуч. Слободните можат да започнат возбудлив флерт. Енергијата е голема – искористете ја паметно.

Јарец
Понеделник е идеален за планирање и поставување долгорочни цели. Во врската стремете се кон стабилност и конкретни договори. Здравјето е одлично, а одговорноста ве води напред.

Водолија
Креативни идеи и нови пристапи ви се под рака, но прилагодете ги на реалноста. Во врската ќе посакате повеќе простор и разбирање. Слободните имаат шанса да запознаат интелектуално привлечна личност. Добро здравје.

Риби
Интуицијата ви носи лесни одлуки, па денот минува без брзина. Во врската уживате во мирни, нежни моменти. Слободните можат да почувствуваат привлечност кон некој емотивно блискиот. Здравјето е многу добро.