Центарот за управување со кризи (ЦУК) денес одржа итен состанок поради обрушување на земјиште на Водно, во близина на улиците Белградска и Партеније Зографски.

На состанокот присуствуваа директорот на ЦУК Мухамед Али, градоначалникот на Општина Центар Горан Герасимовски и претставници од надлежните институции. Тие ја разгледаа ситуацијата на терен, проценија ризици по околните објекти и договорија координирани мерки за стабилизирање на критичната зона.

Од ЦУК истакнуваат дека ќе се воведе засилен надзор и ќе се изработи ургентен план за спречување на понатамошно лизгање на земјиштето. Заклучоците од состанокот ќе бидат проследени до Владата за натамошни постапки.