Црна Хроника

Исчезнати две малолетнички од Штип – родителите со полицијата трагаат по нив

На 26 ноември 2025 година, околу 22 часот, во СВР Штип било пријавено исчезнување на две малолетнички од градот. Случајот го пријавиле нивните родители, С.М. (39) и Ѓ.М. (31) од Штип, кои информирале дека нивните ќерки, 15-годишната Ѓ.М. и 13-годишната Б.М., се оддалечиле од семејниот дом и не се вратиле.

Од Министерството за внатрешни работи потврдуваат дека веднаш се преземени мерки и активности за пронаоѓање на девојчињата, а за случајот се известени сите надлежни служби.

Полицијата апелира доколку некој има информации што можат да помогнат во потрагата, да го извести најблиското полициско одделение или да се јави на телефонскиот број 192.

Црна Хроника

Тројца приведени по физички напад во Тетовско

На 07.12.2025 во 04:00 часот во с.Желино, полициски службеници од ПО Групчин и ПС Тетово, ги лишија од слобода А.Ф.(37) и Ќ.Б.(33), двајцата од с.Желино и С.И.(46) од с.Требош, кои биле пријавени од И.К.(37) од с.Прељубиште дека во угостителски објект во с.Желино физички го нападнале. Исто така, според пријавеното, И.К. на паркингот на објектот оштетил две паркирани возила. По документирање на случајот ќе биде изготвен соодветен поднесок.

Црна Хроника

Со пиштол ограбена обложувалница – МВР со детали

На 06.12.2025 во 20:40 часот, во ОВР Струга е пријавено дека во обложувалница во Струга едно лице со закана со пиштол, од вработената одзело пари.

Се преземаат мерки за расветлување на настанот, по што против сторителот ќе биде поднесена соодветна пријава.

Црна Хроника

Пред Поликлиника Ченто пронајден починат маж!

На 06.12.2025 во 07:00 часот во СВР Скопје, од Поликлиника Ченто е пријавено дека околу 06:00 часот пред Поликлиниката бил пронајден починат Е.Е.(44) од Скопје.

Лекар констатирал смрт без видливи траги на насилство, а по наредба на јавен обвинител телото на починатиот е предадено за обдукција.