Црна Хроника

Кривична за поранешниот градоначалник на Струмица и уште пет лица за јавната набавка на електрични автобуси

Полицијата поднесе кривична пријава против поранешниот градоначалник на Општина Струмица, Костадин Костадинов, и уште пет лица за злоупотреба на постапката за јавна набавка при набавката на 10 електрични автобуси за ЈСП „Струмица-Транспорт“.

Според МВР, пријавата е поднесена против К.К. (35) од Струмица за сомнеж за „злоупотреба на постапката за јавен повик, доделување на договор за јавна набавка или јавно-приватно партнерство“. Против Д.П.С. (61), К.Б. (37), Л.Ј. (63), Л.Ѓ. (62) и Г.П. (58) се поднесени кривични пријави за „несовесно работење во службата“ и помагање во извршувањето на истите кривични дела.

Со овие дејствија, набавен е 10 електрични автобуси за износ од 429.933.595 денари, со што е причинета материјална штета од поголеми размери. Според истрагата, отсуството на лице со потребни стручни квалификации и лиценца за надзор од областа на електротехниката довело во прашање реалната вредност, квалитетот и безбедноста на автобусите.

Костадинов, како поранешен градоначалник, го ангажирал Г.П. за технички надзор и евалуација на понудите, иако тој немал соодветни квалификации и лиценца А. Тендерската документација била подготвена така што спецификациите речиси идентично одговарале на набавените автобуси.

Д.П.С., како директор на ЈСП „Струмица-Транспорт“, го потпишал договорот за набавката преку финансиски лизинг, иако контролата на постапката и имплементацијата била несоодветна. К.Б., Л.Ј. и Л.Ѓ., како членови на комисијата за јавни набавки, го определиле Г.П. за надзор, иако тој поседувал само лиценца Б и немал право да одговара на технички прашања или да учествува во евалуацијата и реализацијата на договорот.

МВР потенцира дека со овие дејствија се доведени во прашање квалитетот и безбедноста на набавените електрични автобуси.

Црна Хроника

Лажен полицаец измами старица за 23.300 евра, уапсен на граница

Полицијата од Опатија уапси 46-годишен хрватски државјанин кој измами 79-годишна жена за 23.300 евра. Измамникот се претставувал како полицаец и ја убедил старицата дека истражува хакерски напад врз нејзините банкарски сметки. Тој ја натера да ги подигне сите свои пари за наводна проверка на истрагата.

На 12 декември, жртвата му ги предала парите пред својата куќа, по што измамникот се обидел да ја напушти земјата. Благодарение на брза и координирана акција на полицијата, тој бил уапсен на граничниот премин во Брод-Посавина, а целата украдена сума веднаш била вратена на сопственичката.

Против осомничениот е поднесена кривична пријава, тој е предаден на надзорникот на притвор, а истрагата продолжува.

Црна Хроника

Апсење на граничниот премин „Табановце“ – Полицијата со детали

На граничниот премин „Табановце“ вчера бил уапсен О.А.(27) од Турција. При излез од државата тој не поседувал никакви документи, а по извршени проверки утврдено е дека по барање на Интерпол по него е распишана меѓународна потерница и бил баран за издржување на затворска казна од осум години.

Тој е пренесен во прифатен центар за странци во Скопје за понатамошна постапка.

Црна Хроника

Кривична пријава за поранешен директор – Финансиска полиција со детали

Управата за финансиска полиција поднесе кривична пријава до Основното јавно обвинителство Делчево против С.С., поранешниот директор на Јавното комунално претпријатие „Брегалница“ – ПО Делчево, и против М.К., раководител на сектор во истото претпријатие, поради сомнение за кривично дело „Несовесно работење во службата“.

Според пријавата, С.С., во периодот од 2019 до 2023 година, не постапил согласно своите овластувања и должности, пропуштајќи да иницира и даде налог за поднесување тужби за наплата на побарувања од физички и правни лица за користена вода, подигнат смет и закуп на простории. Како резултат, дел од побарувањата застареле и претпријатието не можело да ги наплати.

Второпријавениот М.К., раководител на секторите за општи, правни и финансиски работи, не воспоставил соодветен систем на интерна контрола и не доставувал редовни предлози за поведување постапки за присилна наплата до директорот.

Со овие дејствија, според финансиската полиција, причинета е штета на буџетот на ЈКП „Брегалница“ – ПО Делчево во износ од 7.588.894 денари.