Свет

АЛАРМ ВО УКРАИНА: Запорожје БЕЗ НАПОЈУВАЊЕ, од Чернобил се шири РАДИЈАЦИЈА – дронови и ракети погодија критична инфраструктура

Украина се соочува со најтешката енергетска криза од почетокот на војната. Масирани руски напади ноќеска го оштетија електроенергетскиот систем, а нуклеарната електрана Запорожје накратко остана целосно без надворешно напојување – сценарио што меѓународните експерти одамна го означија како „најопасното можно“.

Премиерката Јулија Свириденко потврди дека во регионот Запорожје се оштетени повеќе енергетски објекти, а најмалку десет населби останале без струја. Веднаш бил одржан итен состанок со енергетските служби, а активирани се генератори за да се обезбеди водоснабдување и основна инфраструктура.

Запорожската нуклеарка неколку часа функционирала на резервни дизел генератори, откако системите за заштита ги исклучиле двата далековода што ја снабдуваат централата. Прекинот сѐ уште се истражува, но експертите предупредуваат дека повторувањето на вакви сценарија го зголемува ризикот од нуклеарен инцидент.

Свириденко предупреди на нови, чести и непредвидливи рестрикции низ целата земја поради обемните дефекти.

Зеленски: Русија го гаѓаше сѐ што има врска со струја

Украинскиот претседател Володимир Зеленски изјави дека цел на нападите биле токму енергетските објекти. Според него, употребени се над 650 дронови и 51 ракета, меѓу кои и аеробалистички и балистички проектили. Погодени биле Киев, Дњепропетровск, Чернихив, Запорожје, Одеса, Лавов, Волин и Николаев. Во Фастив е оштетена главната железничка станица.

„Нападот беше бесмислен од воена гледна точка, но со огромни последици за цивилите,“ порача Зеленски, барајќи силна меѓународна реакција и нов пакет санкции.

МААЕ: Чернобилскиот штит НЕ ГО СТОПИРА РАДИЈАЦИСКОТО ЗРАЧЕЊЕ

Меѓународната агенција за атомска енергија објави предупредување – челичниот саркофаг над реакторот број 4 во Чернобил, изграден за да ја блокира радијацијата, повеќе не ја извршува својата клучна функција.

Инспекцијата потврди дека ударот со дрон во февруари, за кој Украина ја обвинува Русија, ја оштетил структурата до степен што итните поправки не се доволни. Потребна е целосна реконструкција, а ситуацијата се оценува како „потенцијално опасна за регионот“.

Според извештајот на ОН, дронот носел високоексплозивна боева глава, предизвикал пожар и ја оштетил заштитната обвивка на нуклеарната постројка.

Украина влегува во зима со сериозно оштетена енергетска мрежа, ризични нуклеарни постројки и најмасовни напади во последните месеци.

Свет

Координирана акција низ Европа против Балкански картел

Тројца лица се уапсени, а имот во вредност од над пет милиони евра е запленет во рамки на координирана полициска акција против припадници на т.н. Балкански картел во Германија, со поддршка на Европол.

Истражувањето го вклучи органите за спроведување на законот од Австрија, Босна и Херцеговина, Хрватска, Германија и Србија. Според Европол, криминалната ќелија била одговорна за транспорт на повеќе тони кокаин од Колумбија, користејќи различни методи за шверц низ Европа.

Покрај трговијата со дрога, членовите на картелот се занимавале и со перење пари преку различни компании и инвестиции во недвижен имот во повеќе земји, како во рамките на Европската Унија, така и надвор од неа.

Свет

Западот спречил десетици страшни руски саботажи низ Европа

Европските разузнавачки служби тврдат дека во последниот период спречиле низа саботажи кои, според нив, биле планирани од Русија. Меѓу целите на заговорите се наводно уривање товарни авиони, труење водоводи, подметнување пожари и напади на инфраструктура, како и активирање прикриени агенти низ континентот.

Разузнавачките извори за „Фајненшл тајмс“ посочуваат дека руската кампања вклучувала експлозивни пратки испратени преку меѓународни курирски служби, кои експлодирале во логистички центри во Велика Британија, Полска и Германија. Според извештаите, секоја пратка имала доволно моќ да урне товарен авион доколку детонацијата се случела за време на лет.

Безбедносните служби велат дека биле спречени и обиди за саботирање преполни патнички возови, подметнување пожари во трговски центри, напади на хидросистеми и брани, како и труење водоводи. Исто така, биле идентификувани лица кои делувале како „заспани“ агенти со зададени мисии за диверзија.

Покрај тоа, земјите во Балтикот се соочиле со прекини на подводни кабли и серија координирани кибернапади, кои западните служби ги гледаат како дел од пошироката кампања.

„Уште не сме свесни колку многу работи се случуваат зад кулисите“, изјави Киир Џајлс од „Чатам хаус“, нагласувајќи дека целосната димензија на руските тајни операции сè уште не е разоткриена.

„Ројтерс“ пренесува дека западните разузнавачки служби забележале „остра ескалација“ на хибридните активности кои, доколку успеат, би можеле сериозно да ја загрозат европската инфраструктура и човечките животи.

Свет

Тензија кај Венецуела: американски специјалци запленија брод

Американската крајбрежна стража спроведе операција во која заплени танкер во близина на Венецуела, соопшти Ројтерс, повикувајќи се на анонимни извори.

Функционерите не открија повеќе детали за самата акција, ниту за името на танкерот и точната локација каде што било извршено пресретнувањето.

Крајбрежната стража ги упати новинарите на Белата куќа за дополнителен коментар, но засега нема официјален одговор.

Се очекува повеќе информации во наредните денови, додека медиумите шпекулираат за причините и можните последици од акцијата.