Република

Општина Битола – Општина со најмногу проекти

Општина Битола е општината со најмногу одобрени проекти на вториот јавен повик за поддршка објавен од Владата, со вкупно 65 проекти. Во предстојниот период, ќе се реализираат капитални проекти во висина од 707милиони денари – најголемата инвестиција што Владата на Република Македонија ја направила во градот во рамките на една година. Во првиот повик објавен во септември 2024 година, општина Битола доби 16 проекти. Преку овие проекти општината се позиционира како една од водечките во реализација на капитални инвестции.

Најголемиот дел од средствата, односно 144 милиони денари, ќе бидат насочени кон подобрување на училишната инфраструктура.Предвидена е изградба на три нови спортски сали во:

• ОУ „Стив Наумов“

• ОУ „Тодор Ангелевски“

• ОУ „Даме Груев“ – подрачно училиште во Долно Оризари

Покрај тоа, инвестициите за поддршка на младите се зголемуваат за уште 112 милиони денари, кои ќе бидат наменети за изградба на нови и реконструкција на постојни игралишта во:

• ОУ „Даме Груев“

• ОУ „Климент Охридски“

• ОУ „Трифун Пановски“

• ОУ „Ѓорѓи Сугарев“

• ОУ „Гоце Делчев“ – кај „турското училиште“

• ОУ „Коле Канински“ – Буковски Ливади

• Подрачно училиште ОУ „Тодор Ангелевски“ во Горно Оризари

Во Буковски Ливади ќе се реконструира објект со пренамена во училиште, во вредност од 30 милиони денари.

Значителни средства се издвојуваат и за спортско-рекреативни објекти. Изградбата на атлетска патека на стадионот „Петар Милошевски“ ќе чини 77 милиони денари, а за реконструкција на игралиштата во населба Стрелиште и тениското игралиште во Брусничка населба ќе се вложат 28 милиони денари.

Се предвидува и изградба на шест нови паркинзи, во вредност од 30 милиони денари, кои ќе обезбедат 150 паркинг места на локациите:

• Овчи Пазар,

• Ат Пазар

• улица Браќа Џаферови

• поранешната касарна

• кај Хеликоптерот

• Кифлата

Во делот на сообраќајната инфраструктура во градот, ќе се гради и реконструира поголем број улици. Ќе се изврши комплетна инфраструктурна изградба на:

• Улица „Донка Ушлиова“ во Јени маало

• Инфраструктура во АРМ Четврт 2 (поранешната касарна)

• Улиците околу болницата Плодност

Предвидена е реконструкција на улиците:

• „Влатко Миленковски“

• „Христо Ботев“

• „Димитар Тодоровски“ (ул. „11-та“)

• „Бегова чешма“

• „Булевар 1-ви Мај“ (кај стара Треска)

• „Ѓорѓи Димитров“

• „Даме Груев“ – Мал Париз крак 1, 2 и 3

• „Дебарска“

• „Караорман“

• „Мукос“

• „Љубојно“

• „5-та“ во населба Баир

• Дел од „Паца Ванчова“

• Дел од „Гаврило Принцип“

• „Васко Каранѓелевски“

• „Романија“

Проектите опфаќаат и изградба и реконструкција на улици во населените места од општината. Ќе се градат улици во:

• село Карамани

• патот до манастирот Св. Меркјури во село Барешани

• село Ротино

• село Раштани

• село Трн,

• село Братиндол и

• село Горно Ореово

Од општината истакнуваат дека ова е најголемата инвестиција во Битола во изминатите 30 години. Тие нагласуваат дека проектите не се дел од предизборна кампања, туку резултат на долгогодишна подготовка на проектната документација.

Република

ВЛЕН најавува изборна офанзива: Работа за Гостивар, обединување за Врапчиште

Општините не смеат да бидат прибежиште за политичко преживување, туку одговорност за работа, развој и вистинска услуга кон граѓаните. Во тој дух, коалицијата ВЛЕН го продолжува консолидирањето на изборните структури во пресрет на локалните избори закажани за 11 јануари.

Во Гостивар, како што се посочува, граѓаните добро паметат дека последниот период на сериозна и посветена работа бил за време на раководењето на Невзат Бејта. Денес, велат од ВЛЕН, време е градот повторно да се врати на вистинскиот пат, да се работи и да се санираат штетите од импровизациите. Во таа насока се зајакнува и изборната организација, при што Бахар Шабани ја презема одговорноста за раководење со изборниот штаб.

Во Врапчиште, потребата од поголемо внимание, развој и подобра благосостојба е очигледна. Зулхајрат Демири, независен кандидат поддржан од ВЛЕН, се истакнува како обединувачка фигура со широка поддршка од граѓаните. Тоа, според коалицијата, се одразува и во организацијата на кампањата, каде за раководител на изборниот штаб е избран Буњамин Кадриу.

Од ВЛЕН порачуваат дека локалните избори на 11 јануари се избор меѓу работа и импровизација, меѓу одговорност и политичко преживување, нагласувајќи дека секогаш ќе бидат на страната на граѓанинот, работникот и секој глас што бара функционални општини и подобар живот.

Република

Четири тетовски села утре ќе бидат без струја

Дел од тетовските села Цепчиште, Јажинце, Доброште и Слатино утре, 23 декември 2025 година, ќе бидат без електрична енергија поради планирани прекини во дистрибутивната мрежа.

Според најавата, прекинот ќе трае од 09:00 до 14:00 часот. Во селото Џепчиште без струја ќе останат објекти кои се наоѓаат кон центарот на селото, додека во Јажинце прекинот ќе ги зафати објектите во близина на џамијата. Во Доброште и Слатино без напојување ќе бидат делови од селата, согласно планираните активности.

Од надлежните апелираат граѓаните навреме да ги планираат своите обврски и да преземат потребни мерки за време на прекинот.

Република

Хумана новогодишна акција: Дедо Мраз пристигна на мотор кај децата од „Кочо Рацин“ во Битола

Моторџиите од МК Конзули Битола денеска организираа хумана новогодишна посета во Ресурсниот центар Кочо Рацин во Битола, носејќи го Дедо Мраз на мотор за да им подели пакетчиња на децата.

Настанот помина во празнична атмосфера, исполнета со детска радост, насмевки и искрена возбуда. Од МК „Конзули“ истакнаа дека ваквите моменти се потсетник на вистинската смисла на празниците – хуманост, споделување и грижа за најмладите.

Тие упатија благодарност до вработените во ресурсниот центар за топлиот пречек и посветеноста што секојдневно ја вложуваат во грижата и образованието на децата, најавувајќи дека и во иднина ќе продолжат со вакви хуманитарни активности.

Извор: Апла.мк