Економија

За помалку од една недела започнува Викендот на сите викенди: Најголемото издание досега во Ровињ

Скопје, 12. септември 2025. – Уште само една недела нè дели од почетокот на Weekend.18, најголемиот регионален фестивал за комуникации, медиуми и бизнис.
Од 18 до 21 септември нè очекува полнолетното издание на фестивалот во кое под еден покрив се собираат шест тематски целини: Weekend.18, HR.Weekend, AI.Weekend, Finance.Weekend, како и премиерните изданија на Investment.Weekend и Energy.Weekend, а една влезница важи за сите.

„Од поскромни почетоци до денес, Weekend Media Festival еволуираше во клучна платформа за размена на идеи, инспирација и професионално вмрежување. Оваа година, со гордост го претставуваме најобемниата програма досега, кој вклучува и неколку нови фестивали, за да одговориме на растечките барања на нашата публика за подлабоки увиди и поширок тематски опсег,“ истакна Томо Рицов, директор на програмата Weekend.18 и сопственик на агенцијата Pepermint.

Борис Ковачек, директор на фестивалот и исто така сопственик на агенцијата Pepermint, додава: „Weekend не е само платформа за учење, туку место каде што се спојуваат луѓе, идеи и креативни решенија. Секоја секунда помината на фестивалот е прилика за раст, учење и создавање нови соработки.“

Критички пристап кон медиумите, индустријата и младите генерации

Weekend.18 и оваа година собира импресивни имиња. Лара Боро, CEO на The Economist Group, ќе зборува за улогата на медиумите во време на геополитички превирања, додека легендарниот американски новинар и автор Мајкл Волф ќе зборува за актуелната политика на претседателот Трамп. Наградуваната новинарка Мариана ван Зелер, авторка на серијалот Trafficked, ќе ја поведе публиката зад кулисите на глобалниот црн пазар, додека уредничката и водителка на RTL, Мојмира Пасторчиќ, ќе се осврне на женското преземање на информативната програма. Покрај нив, доаѓаат и бројни други говорници кои ќе отворат теми како националните стереотипи, феноменот на „хејтери“ во општеството и предизвиците на известувањето во доба на глобални кризи.

На Weekend сцената ќе настапат и Зоран Шпрајц, уредник и водител на „Состојбата на нацијата“ на RTL, Борис Јокиќ, психолог и директор на Институтот за општествени истражувања. Во разговорот за општествените и културните разлики во регионот ќе придонесат Драгoљуб Петровиќ, уредник на дневниот весник Danas, Анте Томиќ, писател и колумнист, како и кантавторот Зоран Предин.

На Weekend сцената пристигнуваат и Џејмс Тејлор, наградуван мотивациски говорник за креативност, иновации и вештачка интелигенција, Федерико Падерни, извршен директор за пазари во развој во регионот EMEA во X, Адриан Јежина, претседател на управата на Telemach, Пит Радовиќ, висок креативен директор и потпретседател на продукција во CBS Sports и Дамјан Рудеж, директор на Sunset Sports Festival, кои заедно со Хрвоје Крешиќ, ТВ репортер на N1, ќе ја поврзат темата спорт и лидерство.

Овагодишниот Weekend ќе опфати различни теми – од феноменот на најпопуларната тинејџерска серија во Хрватска, употребата на вештачка интелигенција во театарот, медиумската етика и општествените феномени до спортски стратегии, иновации на дигиталните платформи и кампањи за паметење – со што ја потврдува својата позиција како место на средба за знаење, инспирација и вмрежување.

Како HR гради доверба и лидери на иднината

HR.Weekend по трет пат носи увиди во трансформацијата на човечките ресурси и новите модели на работа. Илија Бониќ, претседател на секторот за кариери и директор на стратегија во Mercer, ќе зборува за иднината на талентите, додека Ален Премужак, бизнис-тренер и коуч, ќе открие зошто стратешкото размислување е клучно за HR. Аслі Октај, директорка за човечки ресурси во BAT Adria, ќе покаже како се развиваат талентите од јуниор ниво до лидерски позиции.

Прашањето за транспарентноста на платите ќе биде во центарот на разговорот меѓу Антонија Каповиќ, директорка за човечки ресурси во Bugatti Rimac, и Далиборка Штулиќ, сениор експерт за наградување и HR дигитализација во INA Група, со модерација од Нивес Раич од Ericsson Nikola Tesla. Дополнително, Тања Јурин, доцент на Филозофскиот факултет во Загреб и сексуална терапевтка, ќе зборува за романтичните односи на работното место, додека д-р. Борис Балент, спортски психолог на ГНК Динамо, ќе покаже што HR може да научи од светот на спортот.

Вештачката интелигенција во акција – креативност и етички предизвици

Второто издание на AI.Weekend ги собира најистакнатите имиња од домашната и регионалната AI сцена. Срѓан Ковачевиќ, коосновач и извршен директор на Orqa, Ервин Јагатиќ, директор на производи во Infobip, Божидар Павловиќ, партнер во Aymo Ventures, Алекс Бувач, CEO на Own.Solutions, Матеј Кухар, директор на секторот за data science во Aircash и Дина Храстовиќ, членка на управниот одбор на CroAI ќе зборуваат за конкретните примени на вештачката интелигенција и развојот на домашниот AI екосистем.

На сцената доаѓаат и глобални имиња: Лукаш Габлер, директор за јавни политики за Централно-Источна Европа во TikTok и Марек Бразина, раководител за инженеринг на клиенти во CEE во Google Cloud. Публиката ја очекуваат и Шил Мохнот, коосновач на Better Tomorrow Ventures, и Вишал Харнал, управен партнер во 500 Global – лидери кои ќе откријат како AI ги трансформира финансиите, инвестициите и глобалниот пазар.

Од инвестиции до енергија: примери и решенија од прва рака

Investment.Weekend ги собира глобалните инвеститори и лидери како што се Џорџ Јио, поранешен министер за надворешни работи на Сингапур, Луис Оганес, главен економист на J.P. Morgan, Мелк Бухер, менаџер за приватни инфраструктурни вложувања во Partners Group, Јоже Рант, CFO на Aircash, Виктор Додиг, претседател и CEO на Canadian Imperial Bank of Commerce и многу други.

Finance.Weekend се фокусира на модерните финансии и ESG иницијативи со практични студии на случај. Некои од говорниците се Мајкл Бојд, поранешен директор на ризницата на Apple, Матија Ковачевиќ, CFO на Hrvatski Telekom, Анита Лазовиќ, CFO на Orion Telekom, Матија Мандиќ, CFO на Telemach и Ивана Крајиновиќ, партнерка во EY.

Првиот Energy.Weekend Powered UP by E.ON носи решенија за енергетската транзиција, вклучувајќи обновливи извори, е-мобилност и нови бизнис модели. Предавањето на Корадо Колевиќ „Како изгледа светот во 2045 година?“ ќе го отвори фестивалот, а панелите „Производиме сопствена струја – и не, не сме хипи екипа powered by INA“ со Хрвоје Главаш од INA и Флавио Грегоровиќ од Valamar Riviera и „Електрана за 1 ЕУР. Каде е финтата?“ со Роман Шантар од TAPI и Томислав Вукмановиќ од E.ON ќе овозможат расправи за практични решенија и предизвици за индустријата и општеството.

Бизнис-разговори се водат и по полноќ

Покрај богатиот дневен програм, посетителите ги очекува и ноќниот дел поради кој Weekend со години ја носи титулата фестивал за паметење. Првата вечер ќе ја отвори Тихомир Поп Асановиќ со пријатели со jazz-fusion звук; петок носи спектакуларен настап на светската DJ ѕвезда Jax Jones и O-UNIVERSE party, додека во сабота The Swingers и легендарниот „90s party“ со Тајчи, Минеа, Илан Кабилио, Влатка Покос и Ивана Банфиќ ќе го забавуваат Ровињ до зори.

За полесно снаоѓање пред и за време на фестивалот, преземете ја апликацијата My.Weekend. Една влезница важи за сите фестивали, а целиот програм и повеќе информации се достапни на официјалната страница на фестивалот и преку социјалните мрежи Instagram, TikTok, LinkedIn и Facebook.

Економија

Броилата ќе се читаат и за празници: Вонредни екипи на Електродистрибуција по налог на РКЕ

По налог на Регулаторната комисија за енергетика, водни услуги и услуги за управување со комунален отпад, Електродистрибуција ДООЕЛ Скопје воведе сет активни мерки за подобрување на услугата и намалување на поплаките од потрошувачите. Процентот на отчитување на броилата е зголемен на 95 проценти на тримесечно ниво и 90 проценти на месечно ниво.

Како дел од мерките, таргетирани се околу 10.000 потрошувачи кои во изминатите две години поднеле приговори за фактури, со кои е воспоставена етапна телефонска комуникација. Во пресрет на зимскиот период, на иницијатива на РКЕ беше одржан координативен состанок со раководството на Електродистрибуција, на кој беа презентирани чекорите за подобрување на двонасочната комуникација и зајакнување на довербата и транспарентноста.

Регулаторите нагласија дека особено е важно редовното отчитување во првите недели од јануари. Од Електродистрибуција информираа дека поради искуствата од претходната година, се формирани вонредни екипи кои ќе вршат отчитување и за време на викендите и празниците, со цел граѓаните да добиваат сметки со реална, а не проценета потрошувачка.

Од 1 декември годинава проширени се и дигиталните услуги за корисниците, вклучително и новата можност за онлајн корекција на фактура, како и поддршка за креирање кориснички профили. И понатаму се достапни услугите „Пријави состојба“, „Е-фактура“ и јасната ознака на фактурите дали состојбата е отчитана или проценета.

РКЕ и Електродистрибуција упатија апел до потрошувачите за одговорно користење на електричната енергија во текот на зимскиот период.

Економија

Потврда за отчетноста и отвореноста: „Реплек“ ја освои наградата за најтранспарентна компанија на Македонската берза

„Реплек АД Скопје“ годинава е добитник на престижната награда „Кристално ѕвоно“ за најтранспарентно котирано акционерско друштво, по избор на медиумите, што традиционално ја доделува Македонската берза за хартии од вредност. Ова признание се врачува на крајот на годината и ја означува доследната, отворена и квалитетна комуникација на компаниите котирани на берзата, како и високите стандарди на отчетност и транспарентност кон инвеститорите, регулаторот и јавноста.

Признанието за најтранспарентна компанија кое го освои „Реплек“ се доделува од комисија составена од искусни економски новинари кои континуирано ги следат компаниите котирани на берзата и професионално известуваат за пазарот на капитал, акциите, како и за берзанските трансакции. Токму тие се сведоци дека „Реплек“ активно информира за сите новини, без разлика дали станува збор за оперативното работење или за промени во акционерската структура на компанијата.

Во име на „Реплек“ наградата ја прими Офелија Петковиќ, директорка на секторот за финансии на компанијата, на свечениот настан организиран од Берзата.

„Ова признание за најтранспарентна компанија има посебно значење за нас, бидејќи доаѓа во годината кога го одбележуваме јубилејот – 80 години ‚Реплек’. Дополнителна тежина му дава фактот што е доделено од искусни новинари кои го препознаа нашиот напор за транспарентно работење и чие расудување е гаранција за кредибилитетот на наградата. Транспарентното работење ние во ‚Реплек’ не го сметаме само како обврска, туку како стратешка определба. Токму преку отворена комуникација, отчетност и доследност во работењето, ја зајакнуваме довербата кај инвеститорите, партнерите и пошироката јавност, вредности кои ќе продолжиме да ги негуваме и во иднина. Ова значајно признание ќе нѐ поттикне уште повеќе да останеме доследни на одговорното и отворено работење“, изјави Петковиќ.

Наградите на Македонската берза вклучуваат повеќе категории за најпрепознатливите и најактивни учесници на пазарот на хартии од вредност. Во номинација за наградите учествуваат 10 можни добитници, a процесот на избор е целосно транспарентен и се темели на комбинација од мислењето на јавноста и јасно мерливи пазарни податоци, како што се остварениот промет, бројот на трансакции, порастот на цената на акциите и слични критериуми.

Акцијата на „Реплек АД Скопје“ е една од најтргуваните хартии од вредност на Македонската берза. Веќе една година акциите на компанијата се дел од елитниот клуб на Македонскиот берзански индекс МБИ10, што e уште една потврда за стабилноста и довербата што пазарот ја има во компанијата, а што дава додатна мотивација за натамошно унапредување на транспарентноста. Дополнителен доказ дека „Реплек“ континуирано ја засилува отчетноста е фактот што компанијата пред извесен период направи сплит на акциите во однос еден спрема 10, со што акциите станаа подостапни за поголем број на акционери, а компанијата демонстрираше уште поголема отвореност кон инвеститорската заедница.

Економија

Со НЛБ Банка сега можеш сè! Сите банкарски услуги во твојот телефон

НЛБ Банка ја заокружува јубилејната година со најголемиот исчекор во дигитализацијата на своите услуги и официјално станува првата „mobile first“ банка на пазарот, овозможувајќи сеопфатно дигитално искуство преку мобилен телефон.

Со пораката Што ако можеш сè?, во изминатава година, НЛБ Банка ја градеше својата позиција на поддршка на амбициите и можностите на клиентите. Денес, таа порака ја добива својата најсилна завршница. Сега можеш сè! е слоганот кој ја затвора јубилејната година за НЛБ Банка и јасно кажува дека ветувањето е целосно исполнето.

Поставувајќи нови стандарди и редефинирајќи го банкарството на македонскиот пазар, НЛБ станува првата банка на пазарот чија дигитална платформа за физички лица овозможува банкарство „од почеток до крај“ и во која сите банкарски услуги се достапни преку мобилниот телефон.

Сега клиентите, преку мобилниот телефон, можат да отворат и банкарска сметка. По активирање на мобилното банкарство, веднаш да ја добијат својата платежна картичка во дигитална форма, да ја додадат во дигитален паричник и да ја користат за плаќање на ПОС терминали, онлајн, како и за подигнување на готовина од банкомати.

Преку својот мобилен телефон, клиентите можат да отворат и депозит, да активираат дозволено пречекорување, да аплицираат за добивање на картичка или да зголемат лимит на истата, да аплицираат за кредит. Практично, да управуваат со сите свои финансии, со исклучителна удобност и флексибилност.

„Со воведувањето на „mobile first”, ја заокружуваме јубилејната година и логично го надградуваме слоганот „Што ако можеш сè?” со неговата финална и најконкретна форма – „Сега можеш сè”. Ова не е само комуникациска порака, туку резултат на континуирана стратешка трансформација насочена кон дигитализација, ефикасност и подобрено корисничко искуство.”– истакнуваат од НЛБ Банка.

Со оваа трансформација, НЛБ за своите клиенти-физички лица, веќе нуди комплетен спектар на банкарски производи и услуги 100% дигитално, елиминирајќи ја потребата од посета на експозитура.

„Како прва банка на пазарот што овозможува целосно дигитален пристап до сите клучни банкарски производи и услуги, ја потврдуваме нашата заложба да бидеме банка- иноватор, и да им обезбедиме на клиентите сигурно, едноставно и достапно банкарство, целосно усогласено со современиот начин на живот.” – заклучуваат од Банката.