Во Босна и Херцеговина најтешката ситуација се бележи во подрачјето на Сански Мост, каде што е прогласена состојба на елементарна непогода.

Поради дождовите кои не престануваат, многу улици во Бања Лука се под вода, а поплавени се и тротоарите. Во градот се поплавени и бројни гаражи, а најкритична е ситуацијата во населбата Лазарево, каде што водата ги зафати куќите, а во некои делови на населбата има отсечени домаќинства.

Поради покачувањето на водостојот на реката Врбас, затворен е сообраќајот над Трнски мост во Лакташ.

Исто така, поради наглото покачување на водостојот на реката Сава и нејзините притоки, која се излеала во неколку населени места, во Градишка е прогласена вонредна состојба. Во некои училишта во Градишка денеска е откажана наставата.

По наглото надоаѓање на реките Велика и Мала Усора, граѓаните во Теслиќ се соочуваат со проблеми од поројни дождови, а наставата во училиштата таму е прекината.

Во Босанска Крупа, реката Крушница и неколку потоци се излеале, поплавувајќи земјоделски површини и помошни објекти.

Воената хунта во Мјанмар прогласи „вонредна состојба“ во централниот дел на земјата, вклучувајќи ги вториот по големина град Мандалеј и главниот град Најпидау. Вонредната состојба беше прогласена и во Најпидау, кој е седиште на највисокото раководство на хунтата.

Новите извештаи од земјата посочуваат дека најмалку 10 лица загинале во уривањето на џамија во Мандалеј, која наводно се урнала за време на молитвата.

Покрај тоа, изворите известуваат дека се урнал и манастир во кој престојувале раселени лица во јужниот град Таунгу. Според очевидци, пет лица загинале, меѓу кои и деца, додека неколку лица се уште се заробени под урнатините.

BREAKING: A powerful 7.7 magnitude earthquake has struck Myanmar.

It’s unclear how bad the damage is . Stay tuned for updates. pic.twitter.com/YWRDj4jS52

— Viral News NYC (@ViralNewsNYC) March 28, 2025

Претходно на социјалната мрежа X беше споделено видео на кое се гледа како висококатница се урива. Би-Би-Си јави дека има околу 50 повредени, најмалку еден загинат и едно исчезнато лице.

Earthquake Myanmar / Thailand
– 7.7 quake hit near Mandalay/Myanmar
– Hundreds of homes collapsed (various Myanmar cities)
– Strong shocks in Thailand + multiple building collapse in Bangkok
– USGS predicts thousands of people dead

(Bangkok clips from social media) pic.twitter.com/l4GoCImxWi

— GS Chahal (@gschahal) March 28, 2025

Земјотресот што ја погоди земјата предизвика сериозни штети, поради што властите прогласија итна акција за крводарителство за да се справат со големиот број повредени. Властите апелираа до граѓаните да даруваат крв што е можно поскоро.

#BREAKING A powerful 7.7-magnitude earthquake struck central Myanmar on Friday at 12:50 p.m. local time, with its epicenter 16 kilometers (10 miles) northwest of Sagaing.

About 12 minutes later, a strong aftershock of magnitude 6.4 followed. The tremors were felt as far as… pic.twitter.com/cqfSdDt3px

— 凤凰欧洲 PhoenixCNE News (@PhoenixCNE_News) March 28, 2025

Воената хунта, која по државниот удар во февруари 2021 година е изолирана од меѓународната заедница, повика на итна меѓународна помош. Водачот на хунтата, Мин Аунг Хлаинг, ја посети болницата во Нејпидау, каде се наоѓаат многу од повредените, и изјави дека се потребни хуманитарни активности од страна на меѓународната заедница.

Another powerful earthquake strikes Myanmar — magnitude 6.4

The second quake occurred just 12 minutes after the initial 7.9-magnitude earthquake.

In Bangkok, high-rise buildings are being evacuated and metro services have been halted due to the earthquake, authorities say.… https://t.co/6Dx0Jd9RUp pic.twitter.com/jOVwI1O9xB

— Clash Report (@clashreport) March 28, 2025

Иако властите не го објавија точниот број на жртви, апелот за помош од воената хунта сугерира дека земјата се соочува со катастрофални размери на штетата. Земјотресот бил почувствуван и во соседните земји, како што се Бангладеш, Индија, Тајланд, Лаос и Кина.

#ÚltimaHora| Se reportan edificios derrumbados en #Mandalay, #Myanmar tras el potente #Terremoto.

|#AhoraTabasco |#Noticias |#Internacional |#Sismo pic.twitter.com/GhrKC0gjQm

— Ahora Tabasco Noticias (@AhoraTabasco) March 28, 2025

Јапонија за прв пат објави план за евакуација на повеќе од 100.000 цивили од оддалечените острови во близина на Тајван во случај на конфликт во регионот, во услови на зголемени тензии помеѓу Пекинг и Тајпеј.

Според планот, ќе бидат мобилизирани бродови и авиони за евакуација на околу 110.000 жители и 10.000 туристи од пет острови во архипелагот Сакишима, кои се наоѓаат на крајниот југозапад на Јапонија.

Според информациите на новинската агенција Кјодо, евакуираните ќе бидат преместени во осум региони во југозападна и западна Јапонија во рок од шест дена.

Тие ќе патуваат со приватни фери бродови или авиони до островот Кјушу, еден од четирите главни острови на Јапонија, а потоа ќе бидат распоредени на различни локации за прием.

Јапонската влада најави дека планира да започне со спроведување на вежби за евакуација на островите Сакишима, кои административно припаѓаат на префектурата Окинава, почнувајќи од април следната година.

Можноста Кина да започне воена инвазија на Тајван, самоуправен остров што Пекинг го смета за своја територија и сака да го „обедини“ со остатокот од Кина, ја принуди Јапонија да ги засили безбедносните мерки на своите оддалечени острови, кои би можеле да бидат на првата линија во случај на конфликт. Во последните години, Кина го засили воениот притисок врз Тајван и не ја исклучи можноста за употреба на сила за воспоставување контрола над островот.

Јапонија се подготвува за можен конфликт

Јапонската влада исто така планира да распредели ракетни системи земја-воздух на островот Јонагуни, кој е на само 100 километри од Тајван. На островот се градат привремени подземни засолништа, опремени со храна и вода за две недели. Таму веќе е сместена база на јапонските сили за самоодбрана, известуваат јапонските медиуми.

Министерот за одбрана, генерал Накатани, во јануари изјави дека постои „силно чувство на загриженост“ кај населението на пограничните острови и додаде: „Сакам да направам сè што е во моја моќ за да ја одбранам нашата земја“, во интервју за дневниот весник Yomiuri Shimbun.

Иако Тајван не е директно спомнат во плановите, загриженоста дека островската демократија би можела да стане точка на конфликт се зголеми по руската инвазија на Украина во 2022 година и враќањето на надворешната политика „Америка на прво место“ од страна на Доналд Трамп. Некои локални власти ја доведуваат во прашање подготвеноста на Вашингтон да ги заштити Тајван и своите сојузници во регионот.

Плановите за евакуација привлекоа големо внимание во тајванските медиуми, каде многу коментатори ги поврзуваат потезите на Јапонија со зголемените тензии во Тајванскиот теснец и промената на односите со САД. „Се повеќе изгледа како да се подготвуваме за војна“, коментира еден читател. Друг додава: „Јапонците знаат дека Трамп нема да ги заштити. Дури и ако испратат оружје во Тајван, можеби нема да победат. Тие веќе сфатија како да се повлечат. Но, дали нашата влада знае како да го заштити својот народ?“

Претходно овој месец, јапонските медиуми објавија дека владата планира да распореди ракети со долг дострел на островот Кјушу, поради зголемената загриженост за ставот на администрацијата на Трамп за повоениот безбедносен договор меѓу САД и Јапонија, кој според кој Вашингтон е обврзан да ја брани Јапонија во случај на напад. Трамп го нарече договорот едностран, велејќи: „Имаме одлични односи со Јапонија, но имаме интересен договор – мораме да ги заштитиме, а тие не мора да не штитат нас“.

Главниот секретар на јапонскиот кабинет, Јошимаса Хајаши, изјави дека плановите за евакуација се изготвени „под претпоставка дека Јапонија може да се соочи со ситуација во која се можни вооружени напади“, објави Кјодо.

Окинава, која е домаќин на речиси 50.000 американски војници, може да игра клучна воена улога во случај на вонредна ситуација околу Тајван. Јапонија исто така е во спор со Кина за островите Сенкаку во Источното Кинеско Море – тоа се ненаселени острови со кои управува Токио, додека Кина ги бара под името Диаоју.