СВР Скопје ги известува граѓаните на Скопје дека денеска поради одржување на меѓународниот фудбалски натпревар со почеток во 20:45 часот на арената „Тодор Проевски“ во Скопје, Единицата за безбедност на патниот сообраќај ќе преземе мерки за посебен режим на сообраќајот на улиците околу арената.

СВР Скопје апелира до граѓаните да ги почитуваат наредбите што ги издаваат полициските службеници.

Во рамки на официјалната делегација предводена од претседателката Гордана Сиљановска-Давкова на COP29 во Баку, министерката за енергетика, минерални суровини и рударство, Сања Божиновска, оствари продуктивна средба со претседателот на Азербејџан, Илхам Алиев.

Тема на разговор беше продлабочувањето на соработката во областа на енергетиката, со фокус на гасификацијата и интересот на Македонија за диверзификација на енергетските извори. Потврдена беше подготвеноста за заеднички проекти, што, во комбинација со неодамна потпишаниот меморандум, претставува значаен чекор кон подобрување на енергетската стабилност во Македонија.

Министерот за правда, Игор Филков, го оцени извештајот на Европската комисија за напредокот на Македонија во правосудството како реален приказ на состојбите и важен поттик за спроведување на реформите. Во рамки на Развојната Секторска Стратегија за правосудство 2024-2028, Филков најави реконституирање на Советот за следење на имплементацијата на стратегијата како приоритет во наредниот период.

Од утре, Министерството за правда започнува со јавни стручни дебати за нацрт измените на Законот за Судскиот совет, што ќе претставува важен чекор за обезбедување транспарентност и инклузивност во процесите кои ја гарантираат независноста на правосудните институции. Дополнително, по осум години, Комората на вештаци конечно стана функционална со упис во Централниот регистар, што претставува значаен напредок за поголем интегритет и професионализам во правосудството.