Поранешен шеф на разузнавање предупредува: „Ако Украина ослабe, руските трупи може да стигнат до Кишинев за неколку дена“

Јуриј Брицеаг, поранешен директор на воената разузнавачка служба на Молдавија (2020–2022), предупреди дека евентуален пробив на руските сили околу Одеса би овозможил брз влез во Приднестровје, од каде што би можеле за неколку дена да стигнат до Кишинев.

Во интервју за Kyiv Post, Брицеаг изјави дека ова не е шпекулација туку реална закана, особено имајќи предвид дека во Приднестровје се стационирани околу 3.000 руски војници и големо складиште оружје во Кобасна.

Иако не верува дека Украина ќе загуби, Брицеаг нагласува дека ситуацијата бара трезвена проценка. Тој се спротивставува на воено решение и повикува на внимателност, бидејќи во регионот живеат граѓани на Молдавија со документи, но со проруски ставови.

Според него, Русија сè повеќе применува хибридно влијание во Молдавија преку финансирање медиуми, партии, граѓански организации, па дури и црквата – која е под јурисдикција на Московската патријаршија.

Брицеаг предупредува и на зголеменото политичко маскирање: „Проруските сили сега се претставуваат како проевропски“, вели, алудирајќи на градоначалникот на Кишинев, Јон Чебан. Според него, актуелната влада ја губи довербата, а следните парламентарни избори на 28 септември 2025 ќе бидат клучни за иднината на земјата.

Силно невреме проследено со пороен дожд и грмежи го зафати поголемиот дел од Србија, а во некои делови од државата падна и град.
Во делови на Срем околу еден час паѓал град со големина на лешник.

Невремето ја зафати и западна Србија, а пороен дожд ги поплави улиците на Пријепоље. Во Краљево нешто по 17 часот имаше пороен дожд, силен ветер и град.

Град паѓаше во околината на Топола и во јужен Банат.

Дел српски медиуми јавија дека камион делумно пропаднал во асфалтот на автопатот близу Смедерево во текот на невремето. Од поројниот дожд е уништен дел од коловозот.

Во Белград имаше поројни врнежи и грмежи, па сообраќајот во некои делови од градот се одвиваше многу отежнато.

Претходно денеска РХМЗ издаде предупредување за врнежи од дожд и грмежи што се очекуваат на територијата на Србија во наредните четири дена.

Во централна Србија се уште врне силен дожд.

Еден од најголемите магацини за муниција на руската армија гори. Локалните власти започнаа со евакуација.

Силна експлозија одекна во вторникот во рускиот град источно од Москва, каде што се наоѓа арсенал на оружје. Станува збор за една од најголемите складишни локации на воена опрема во Русија.

Локалните власти прогласија вонредна состојба во регионот Владимир. Руските власти започнаа евакуација на населението од околните подрачја, пишува Ројтерс.

Гувернерот на Владимир, Александар Авдеев, изјави дека дошло до експлозија во округот Киржач и дека итните служби се упатиле кон местото на настанот.

Доколку овие засега неофицијални информации се потврдат, ова ќе биде еден од најголемите досега забележани загуби на руската воена логистика на сопствена територија од почетокот на инвазијата врз Украина во февруари 2022 година.

Видеото може да го погледнете тука