Претседателката на Република Македонија, Гордана Сиљановска – Давкова, со неизмерна тага утрово се потпиша во Книгата на жалост во амбасадата на Црна Гора во Скопје, изразувајќи длабоко сочувство за трагедијата во Цетиње.

„Моите мисли, чувства и молитви се со блискиот црногорски народ во овие тешки денови,“ порача претседателката, истакнувајќи поддршка за семејствата на загинатите и надеж за брзо закрепнување на повредените.

Сиљановска – Давкова ја подвлече важноста на солидарноста и хуманоста, посочувајќи дека овие моменти на тага нè потсетуваат на заедничките човечки вредности.

На 02.01.2025 во 13.45 ч. во ПС ОН – Кочани 45-годишна жена од Кочани пријавила дека била измамена од С.А.

Според пријавеното, од октомври 2024 до денот на пријавување, по претходен договор дека за 22.000 евра ќе и ја направи куќата, во неколку наврати му дала вкупно 18.500 евра, но С.А. не ја направил куќата.

Се преземаат мерки за расчистување на случајот

Премиерот, Христијан Мицкоски, денеска одговарајќи на новинарско прашање, дали во Новата 2025 година во овој Буџетот се предвидени повеќе средства за покачување на пензиите, информираше дека се предвидени зголемувања за мартовската пензија, којашто ќе биде исплатена во месец април.

Премиерот, Христијан Мицкоски, денеска одговарајќи на новинарско прашање, дали во Новата 2025 година во овој Буџетот се предвидени повеќе средства за покачување на пензиите, информираше дека се предвидени зголемувања за мартовската пензија, којашто ќе биде исплатена во месец април.

-Да, во новиот Буџет се предвидени зголемувања. Сега во мартовската пензија, односно која што ќе биде исплатена почетокот на април, односно како што доаѓа исплатата на пензиите практично самиот крај на март, почетокот на април за мартовската пензија. Оние дополнителни 2500 денари линеарно зголемување. Со што се заокружува она ветување, дека во првата година, линеарно пензиите ќе бидат зголемени за 5.000 денари. Ние за девет месеци еве тоа ќе го направиме, и мислам дека пензионерите се задоволни од оваа мерка, и мислам дека на некој начин успеваме тие пензионерски денови да ги олесниме како Влада, и ќе продолжиме во таа насока да работиме и во иднина. Повеќе од 300.000 пензионери ќе го добијат тоа покачување со мартовската пензија, објасни премиерот.