Поранешната германска канцеларка, Ангела Меркел, изразила поддршка за построга миграциска политика која ја планира новата влада составена од Христијанско-демократската унија (CDU/CSU) и Социјалдемократската партија на Германија (SPD).

Во интервју за јавниот сервис Deutschlandfunk, Меркел, која во текот на мигрантската криза во 2015 година ги отвори германските граници за повеќе од милион баратели на азил, изјави дека и покрај разликите во „дикцијата и тонот“, нејзината политика тогаш била слична на онаа која сега ја поддржува новиот канцелар, Фридрих Мерц. Според неа, суштински не се разликуваат. Меркел додаде дека и таа се залагала за борба против нелегалната миграција, казнувањето на трговците со луѓе и за спречување на мигрантите да ги ризикуваат своите животи на патот до Германија.

Таа истакна дека е во ред да се одбијат барателите на азил на германската граница по консултациите со соседите, додавајќи дека миграциските прашања не треба да се решаваат само на германско-австриската граница, туку идеално на надворешните граници на Европа.

„Миграциското прашање нема да се решава на германско-австриската граница, туку, идеално, на надворешните граници на Европа“, изјави Меркел за германскиот јавен сервис ARD.

Меркел ја коментираше и актуелната ситуација во врска со преговорите за формирање нова влада, истакнувајќи дека е задоволна што малку информации излегле во јавност од преговорите помеѓу CDU/CSU и SPD.

Во однос на Фридрих Мерц, Меркел изјави дека има „апсолутна волја за власт“, додавајќи дека помеѓу нив стоела фактот што и двајцата сакале да бидат на чело на партијата.

Воздушни снимки откриваат егзекуција на украински војници од страна на руските сили во Пјатихатки.

Воздушни снимки откриваат тешки сцени од селото Пјатихатки во јужна Украина, каде четворица украински војници, со кренати раце, излегуваат од уништена куќа и легнуваат на земја во знак на предавање. Над нив стојат вооружени руски војници.

Два дрона – еден украински и еден руски – ја регистрирале ситуацијата. Според анализа на „Асошиетед прес“ и Британскиот центар за информативни истраги (ЦИР), руската снимка прекинува во моментот кога заробените сè уште се живи, додека украинскиот дрон го документира нивното погубување од непосредна близина.

„Ова е едно од најјасните незаконски убиства што сме ги анализирале“, изјави Роло Колинс од ЦИР. „Не се работи за борбена ситуација, туку за ладнокрвна егзекуција.“

Според европски извори, инцидентот се случил на 13 март. На снимката се гледа како руските војници прво ги проверуваат заробените, по што пристигнуваат уште двајца, комуницираат преку радио и започнува систематско погубување – секој украински војник е убиен еден по еден.

Украинската 128. бригада, која ја снимила сцената, одби да коментира поради отворена истрага. Украинската служба за безбедност го потврди случајот и го води како можно воено злосторство.

Според официјалните украински податоци, од почетокот на руската инвазија досега се документирани најмалку 245 случаи на егзекуции на украински заробеници – што, според обвинителите, укажува на систематска и организирана пракса од страна на руските сили.

Погледнете го видеото во продолжение:

-4 servicemen of the 128th Mountain Brigade. TWK. Piatykhatky, March 13. pic.twitter.com/hF4ghOO8f2

— Niebla de Guerra (@NieblaGuerra) April 10, 2025

Соочени со можноста од руска агресија, земјите од НАТО го засилуваат теренското планирање со изготвување на воени карти со правците на можните руски напади, јавија денеска западните медиуми.

Најангажрана во ова е фанцуската армија, која во соработка со романската картографска агенција, изработува тридимензионални мапи за потенцијалните боишта, особено околу Карпатите.

Картите вклучуваат„високи точки“, воено релевантни објекти како водени или црковни кули што можат да служат како ориентација за артилеријата. Исто така се означуваат патеки за техника и структури што не се прикажани на цивилни мапи. Се дознава дека дел од теренот се снима и со дронови и специјализирани возила со лидари,

Истовремено, источните членки на НАТО активно ја зајакнуваат одбраната, бидејќи нивните разузнавачи и воени сили предвидуваат дека Русија би можела да биде подготвена да нападне членки на алијансата за неколку години. Според нив, веројатноста за тоа може да се зголеми доколку се постигне мировен договор во Украина, што би ѝ овозможило на Русија да се пренаоружа и подобро да ја подготви својата армија. Полска, Литванија, Летонија, Естонија и Финска – се подготвуваат да ја напуштат Конвенцијата од Отава за да ги заминираат своите граници кон Русија и Белорусија.

ЕУ веќе одвои 170 милиони евра за заштита на источните граници и 800 милијарди евра за пренаоружување на армиите во регионот.