Дејан В.(32), кој денеска беше ранет во луксузен локал во Нов Белград е застрелан пред очите на жена му и малолетното дете, велат станарите од околните згради кои новинарите на „Блиц“ ги затекнаа на местото на престрелката.

Според очевидци, во моментот на пукањето во Нов Белград, во локалот освен Дејан В., сопругата и детето имало и 7 лица од обезбедувањето.

Според нив, пријателите по пукањето го ставиле повредениот во автомобил и го однеле во болница.

– Неодамна го презеде тој локал. Го знаеме како нов сопственик. Слушнавме дека носи и наногица – велат станарите.

– Тој е таму цело време откако го зеде локалот. Неговото обезбедување е постојано со него и гледаат кој седи внатре – тврди станарот.

Инаку, повредениот Дејан веќе и е познат на полицијата поради претепувањето на Дарко Лилиќ, синот на поранешниот претседател на Југославија – Зоран Лилиќ.

Фото: Курир.рс

Рускиот претседател Владимир Путин наводно понудил да ја прекине инвазијата на Украина долж тековната фронтова линија, во рамки на напори за постигнување мировен договор со американскиот претседател Доналд Трамп, објави Фајненшл тајмс, повикувајќи се на извори запознаени со разговорите.

Според наводите, Путин му соопштил на специјалниот пратеник на Трамп, Стив Виткоф, на средба во Санкт Петербург дека Москва би можела да се откаже од барањата за анексија на делови од четирите делумно окупирани украински региони кои сè уште се под контрола на Киев.

Портпаролката на Белата куќа, Каролина Ливит, потврди дека Виткоф ќе отпатува во Русија оваа недела за директни разговори со Путин. Таа изјави дека се надева на позитивен напредок и додаде дека Трамп е фрустриран од двете страни поради продолжените борби.

Според аналитичарите, најголемото барање на Владимир Путин е Вашингтон да ја признае руската сопственост на полуостровот Крим.

Поранешен шеф на разузнавање предупредува: „Ако Украина ослабe, руските трупи може да стигнат до Кишинев за неколку дена“

Јуриј Брицеаг, поранешен директор на воената разузнавачка служба на Молдавија (2020–2022), предупреди дека евентуален пробив на руските сили околу Одеса би овозможил брз влез во Приднестровје, од каде што би можеле за неколку дена да стигнат до Кишинев.

Во интервју за Kyiv Post, Брицеаг изјави дека ова не е шпекулација туку реална закана, особено имајќи предвид дека во Приднестровје се стационирани околу 3.000 руски војници и големо складиште оружје во Кобасна.

Иако не верува дека Украина ќе загуби, Брицеаг нагласува дека ситуацијата бара трезвена проценка. Тој се спротивставува на воено решение и повикува на внимателност, бидејќи во регионот живеат граѓани на Молдавија со документи, но со проруски ставови.

Според него, Русија сè повеќе применува хибридно влијание во Молдавија преку финансирање медиуми, партии, граѓански организации, па дури и црквата – која е под јурисдикција на Московската патријаршија.

Брицеаг предупредува и на зголеменото политичко маскирање: „Проруските сили сега се претставуваат како проевропски“, вели, алудирајќи на градоначалникот на Кишинев, Јон Чебан. Според него, актуелната влада ја губи довербата, а следните парламентарни избори на 28 септември 2025 ќе бидат клучни за иднината на земјата.