На 01.01.2025 во 22.10 часот полициски службеници од Полициска станица за безбедност на патниот сообраќај Тетово, на регионален пат Тетово- Скопје, го привеле А.М. (21) од с.Бојане, скопско кој се превезувал со патничко возило ,,бмв“ со скопски регистерски таблици, управувано од Н.Ф.(26) од истото село. При преглед кај А.М. бил пронајден нож. Тој е задржан во полициска станица за понатамошна постапка и по документирање на случајот против него ќе следува соодветен поднесок.

Вчера попладне полициски службеници од Мобилната единица за компезаторни мерки во МВР ги лишиле од слобода В.А. од Демир Капија и 48-годишната А.Д. од Куманово. На бензинска пумпа во близина на село Каласлари, велешко, при преглед во патничко возило бмв со демиркаписки регистарски ознаки, управувано од В.А., а сопатник била А.Д., биле пронајдени и одземени повеќе парчиња брендирана облека, за кои не поседувале документација.

В.А. и А.Д. биле приведени во полициска станица, известен бил јавен обвинител и по документирање на настанот против нив ќе биде поднесена соодветна пријава.

Првиот работен ден од 2025 година градоначалникот на Општина Кисела Вода, Орце Ѓорѓиевски, го започна со значајни инвестиции во образованието.

Во посета на основното училиште „Невена Георгиева-Дуња“, Ѓорѓиевски ги истакна подобрените услови за учениците и вработените како дел од заложбите на општината за квалитетно образование.

„Инвестиравме во нова инокс професионална опрема за училишната кујна, која значително ќе го олесни работењето и ќе овозможи подобар квалитет на услугите,“ рече Ѓорѓиевски.

Дополнително, училиштето доби интерактивни панели кои ќе го осовременат наставниот процес и ќе ги поттикнат дигиталните вештини кај учениците. Поставен е и нов видео надзор за зголемена безбедност, како и паркинг простор со капацитет за 50 возила, што ќе придонесе за подобра функционалност и достапност.

„Во последните три години изградивме над 1.500 паркинг места низ општината, олеснувајќи го секојдневието на нашите граѓани,“ додаде градоначалникот.

Во рамките на училиштето е во тек изградбата на затворен базен, кој се очекува да биде готов до крајот на мај. Ѓорѓиевски истакна дека ова е дел од пошироките заложби за воведување едносменска настава во сите основни училишта во општината.

„Нашата цел е јасна – обезбедување современи и безбедни услови за секој ученик. Продолжуваме посветено да работиме за подобра иднина на младите,“ заклучи Ѓорѓиевски.