Попладневното патување на семејство шпански туристи над замаглениот брег на Менхетен се претвори во трагедија кога хеликоптерот во кој се наоѓаа падна во река кај брегот на Њу Џерси, при што загина целото семејство и пилотот.

Сведоци на несреќата биле случајни минувачи кои виделе како хеликоптерот паѓа од небо и удирајќи во водата се превртува наопаку, додека делови од леталото паднале во реката.

Градоначалникот на Њујорк Ерик Адамс изјави дека семејството е од Шпанија. Агустин Ескобар, неговата сопруга Мерс Кампруби Монтал и нивните деца, на возраст од 4, 5 и 11 години, се идентификувани како жртви на несреќата, заедно со 36-годишниот пилот, потврдија полициски извори за Еј-би-си Њуз.

Агустин Ескобар беше претседател и извршен директор на Сименс Шпанија.

Според полицискиот комесар на Њујорк, Џесика Тиш, службите за итна помош примиле повик во 15:17 часот. – пријавена е хеликоптерска несреќа во реката Хадсон во близина на паркот Пиер А во Хобокен, покрај брегот на Њу Џерси. По пристигнувањето, полицијата извлекла четири лица од водата, а пожарникарите извлекле уште две.

Четири лица се прогласени за мртви на местото на несреќата, а две се пренесени во болница, рече Тиш. Градоначалникот на Џерси Сити, Стивен Фулоп, изјави дека две деца биле пренесени во болница, но лекарите не можеле да ги спасат и тие исто така биле прогласени за мртви.

Актуелниот американски претседател Доналд Трамп го изрази своето сочувство преку Truth Social, велејќи: „Бог да ги благослови семејствата и пријателите на жртвите“.

„Сè што можам да ви кажам е дека сме уништени“, рече Мајкл Рот, директор на „Њујорк хеликоптер чартер“, кој е сопственик на хеликоптерот.

„Јас сум татко, дедо, а мојата сопруга плаче без престан од попладнево“, додаде тој.

На прашањето за техничката состојба на хеликоптерот, тој рече дека тоа е одговорност на директорот за одржување, кој одби да коментира.

Шпанскиот премиер Педро Санчез ја нарече несреќата „незамислива трагедија“ во објава на платформата Икс.

„Сите мои мисли се со семејството и пријателите на жртвите во овој момент“, напиша тој.

Францускиот претседател Емануел Макрон рече дека одлуката на Доналд Трамп за 90-дневна суспензија на царините што тој претходно ги наметна на други земји носи само кревка пауза.

„Делумното суспендирање на американските царини за 90 дена испраќа одредена порака и ја остава отворена вратата за преговори. Но, оваа пауза е кревка“, напиша Макрон на платформата „Икс“.

„Кревка, бидејќи царините од 25 отсто за челик, алуминиум и автомобили и оние од 10 отсто за сите други производи сè уште остануваат во сила. Тие претставуваат 52 милијарди евра за Европската унија! Кревки, бидејќи тие 90 дена значат 90 дена неизвесност за сите наши компании, од двете страни на Атлантикот и пошироко“, додаде тој.

Ројтерс, исто така, пренесува дека Макрон повторил дека Франција и Европската унија ќе дејствуваат обединето во преговорите насочени кон постигнување договор и укинување на американските царини.

Сите шест членови на екипажот, од кои три деца, загинаа кога туристички хеликоптер се урна во реката Хадсон во Њујорк во четвртокот по локално време, изјави градоначалникот на Њујорк, Ерик Адамс.

Загинаа пилотот и петте патници, за кои се верува дека се членови на семејство од Шпанија, изјави Адамс на прес-конференција.

Туристичкиот хеликоптер полетал во 14 часот и 59 минути по локално време, а потоа изгубил контрола и свртен наопаку паднал во водата во близина на долен Менхетен околу 15 часот и 15 минути по локално време потонал, соопштија властите.

Екипажот се состоел од пилот, двајца возрасни и три деца, изјави претставник на градските власти за новинарите.

Њујоршката полиција и пожарникарите ги извлекоа телата на жртвите. За четири од нив е констатирана смрт на местото на несреќата, а две жртви се пренесени во локалните болници каде им подлегнале на повредите.

Сојузната управа за авијација (FAA) соопшти дека хеликоптерот бил модел „Bell 206“. Упавата и Националниот одбор за безбедност на сообраќајот ќе спроведат истрага, која ќе ја води Одборот.

Портпаролот на полицијата во Њујорк изјави дека полициските чамци помогнале во обидот за спасување во реката Хадсон. На видео снимката од несреќата, која се случи во близина на населбата Трибека, се гледаат неколку спасувачки и полициски чамци кои кружат по делот од реката каде што потона хеликоптерот.