Connect with us

Инфо +

Охрид ги дочекува туристите со чад и смрдеа: Гори депонијата Буково

Published

on

Граѓани и посетите на Охрид реагираат на неподносливата смрдеа и чад во одредени делови на градот и околината, најчесто навечер па до раните утрински часови, велат од граѓанската иницијатива „Охрид SOS“ од каде соопштуваат дека иако веднаш реагирале до соодветните инспекциски служби, но досега одговор не е добиен.

Во меѓувреме, перманентно гори депонијата Буково, проблем кој се повторува и се толерира долг низ години.

УНЕСКО уште во 2017 година бараше до декември 2020 депонијата во Буково да е затворена и санирана. Тоа не беше сторено, делумно поради немање локација за регионална депонија. Во најновиот извештај на Реактивната Мониторинг Мисија, во рамките на втората препорака надлежните имаат рок од три (3) години да се затворат нерегуларните депонии во Буково, Мауцкер и Струга како и сите други нелегални помали и поголеми депонии во Охридскиот Регион и да се рехабилитираат погодените области, стои во објавата на „Охрид SOS“.

Депонијата во Буково е со висок ризик за животната средина. Но тоа како да не ги загрижува нималку институциите, ниту локалната самоуправа нити Министерство за животна средина, велат еко-активистите.

„Како и за сè друго, се замижува и за ова. За одржување на депонијата е задолжена фирмата Нефи ИК, чиј сопственик беше советник во Општина Охрид, познат по своите дивоградби. Според информациите кои ги сподели O2 Иницијатива, начелно, во среда треба да започне затрупувањето со земја на делот што гори, со план да се заврши до петок. Но пред две години, затрупувањето траеше со недели и цело лето чадот труеше. Иронично, во екот на сето ова, владејачката партија промовира некаков настан – Најдоброто за нашата општина. Типично, како и за сè друго, крајно игнорантски, си тераат некоја сопствена агенда, со суперлативи, иако на терен работите се поинакви. Немаме ова, немаме она, ни треба тоа, вртење во круг додека депониите се шират. Едната е на влезот во градот, и наместо да биде затворена, таа се шири. Дали е ова најдоброто за нашата општина? Проблемите не се решаваат со држење говори. Мандатот ви е доделен да делувате на дело! “ – децидни се од ова граѓанско здружение.

Европа

Што порача Макрон? Првата реакција од Франција по жестоката расправа во Белата куќа!

Published

on

Францускиот претседател Емануел Макрон остро ја осуди руската агресија врз Украина, реагирајќи по жестоката расправа меѓу украинскиот претседател Володимир Зеленски и неговиот американски колега Доналд Трамп во Белата куќа на 28 февруари.

„Русија е агресорот, а Украина е нападната нација“, изјави Макрон за новинарите во Португалија. Тој потенцираше дека поддршката за Киев и санкциите против Москва биле правилен чекор пред три години и дека таа политика останува непроменета.

„Треба да им се заблагодариме на сите што помогнаа и да покажеме почит кон оние што се борат од самиот почеток“, додаде тој.

Зеленски се сретна со Трамп во Овалната соба со очекување да потпишат рамковен договор за природните ресурси на Украина. Сепак, средбата се одржа по неколкунеделни тензични преговори, откако Киев одби два почетни предлог-договори, оценувајќи дека му наметнуваат обврски без соодветни безбедносни гаранции од САД.

Состанокот заврши без договор, а тензиите кулминираа за време на 45-минутниот брифинг пред новинарите, кога дојде до отворен конфликт меѓу Зеленски и Трамп. По средбата, Трамп го обвини Зеленски за непочитување на САД и изјави дека украинскиот лидер „не е подготвен за мир“.

„Може да се врати кога ќе биде подготвен за мир“, напиша Трамп на Truth Social.

По оваа размена, Зеленски ја напушти Белата куќа без да потпише договорот за минерали со Вашингтон.

Continue Reading

Свет

Tрамп го праша Зеленски зошто не носи костум, еве што му одговори

Published

on

На денешната средба во Белата куќа,откако Трамп беше на крајот на живците откако Зеленски не го потпиша договорот за минералите, американскиот претседател го праша својот колега зошто не носи костум и оти тоа било непочитување.

Ќе носам костум откако ќе заврши војната. Можеби како вашиот или нешто поевтино, му врати Зеленски.

Continue Reading

Свет

Откриено што се случило на средбата помеѓу Зеленски и Трамп откако се “изгасиле камерите”

Published

on

Белата куќа соопшти дека прес-конференцијата на американскиот и украинскиот претседател Доналд Трамп и Владимир Зеленски е откажана.

Извор од Белата куќа потврди дека украинскиот претседател Володимир Зеленски предвреме ја напуштил Белата куќа. Информацијата доаѓа по жестоката расправија меѓу Трамп и Зеленски пред новинарите во Овалната соба.

Американскиот претседател Доналд Трамп напиша на социјалните мрежи дека украинскиот претседател Володимир Зеленски може „да се врати кога ќе биде подготвен за мир“.

Претходно, пред да одат на состанокот зад затворени врати, следеше кавга пред камерите и новинарите во Овалната соба, бидејќи Трамп го обвини Зеленски дека е неблагодарен за американската помош и дека не сака да склучи мир со Русија.

-Неверојатно е она што произлегува од емоциите, и јас утврдив дека претседателот Зеленски не е подготвен за мир доколку Америка е вклучена, бидејќи тој чувствува дека нашата вклученост му дава голема предност во преговорите, напиша Трамп на „Truth Social“.

„Не сакам предност, сакам мир. Тој не ги почитуваше Соединетите Американски Држави во Овалната соба. Може да се врати кога ќе биде подготвен за мир“, додаде Трамп.

Continue Reading
Advertisement
Advertisement

Трендинг

Copyright © 2024 Булевар.мк