По успешниот прототип на оклопното возило „Шота“, претставен лани во Париз, Албанија оваа година планира да започне со сериско производство на ова возило, кое ќе се користи од албанските вооружени сили, но и за извоз во странство.

Арјета Пуца, сопственичка на компанијата „Тимак“, која го произведува возилото, изјави дека веќе има голем интерес од странски држави. „Сакаме да почнеме со Албанија, но имаме многу барања и од Германија, Полска, Украина и Грција. Веќе сме во разговори и веруваме дека оваа година ќе ги имаме првите испораки“, рече таа за телевизијата А2.

Албанија планира до 2033 година да инвестира 122 милијарди леки за модернизација на армијата и дополнителни 61 милијарда леки за воена инфраструктура. Дел од овие средства ќе се насочат кон поддршка на приватните компании кои произведуваат воена опрема.

Како дел од безбедносниот договор помеѓу Албанија и Украина, потпишан во Давос од Еди Рама и Володимир Зеленски, дел од новопроизведените возила „Шота“ ќе бидат испратени во Украина.

Возилото „Шота“ е дизајнирано од албанскиот инженер Григор Андони и е создадено за само три месеци. Има напредна технологија и може да се користи во различни воени и цивилни мисии – од транспорт на војници, до спасувачки и безбедносни операции. Компанијата „Тимак“, каде што 75% од вработените се жени, веќе извезува санитетски возила во 20 земји.

Македонската заедница од Пиринска Македонија уште еднаш покажа солидарност и човечност, собирајќи 3.310 евра како помош за настраданите во трагичниот настан што се случи во Кочани на 16 март годинава.

Средствата беа собрани преку неформална иницијатива на патриотски настроени поединци и македонски организации во Бугарија, а без објавување на имињата на дарителите, според нивното барање за анонимност. Парите се уплатени преку сметката на Црвениот крст на Македонија.

По градови, најмногу средства пристигнале од Сандански (900 евра), Гоце Делчев (855 евра), Петрич (600 евра), Благоевград (450 евра), Разлог (420 евра), Софија (65 евра), и останати локации (20 евра).

Оваа донација е уште еден доказ за нераскинливата поврзаност меѓу Македонците од двете страни на границата и нивната подготвеност да помогнат во тешки моменти.

Денес се навршуваат 40 дена од смртта на Сашa Поповиќ, кој почина на 1. март во Париз по кратката и тешка болест. На гробиштата на Бежанијска денес ќе се одржи четириесетдневен помен, а неговата сопруга Сузана и децата Александра и Даниел веќе подигнале споменик.

На споменикот беше поставена голема слика на Саша Поповиќ, која ја избрале членовите на неговото семејство, но таа слика утрово беше симната.

Добивме критика дека фотографијата е погрешно поставена. Шефот не праша: “Што направивте? За што ве плаќам?” Доаѓаме да ја центрираме, инаку ние работевме и на гробот на мајката на Јелена Карлеуша, Дивна Карлеуша – рече мајсторот кој беше задолжен за симнување на сликата, која потоа беше залепена со селотејп.

Домашните медиуми во тој момент беа присутни на лице место, а освен мајсторот, никој од фамилија на Саша или пријатели не бил виден.