Градоначалникот на општина Битола, Тони Коњановски, продолжува со спроведување на иницијативите за подобрување на животната средина и урбаниот изглед на градот. Во соработка со јавните претпријатија Комуналец, Водовод и Нискоградба, деновиве активно се расчистуваат локациите каде што претходно беа поставени времените објекти – гаражи.

Со лично присуство на терен, Коњановски изврши увид во тековните активности за отстранување на отпадот, потенцирајќи дека ова е само почеток на пошироката акција за уредување на градот. Тој најави дека сите локации каде што се отстранети времените објекти ќе бидат детално уредени, со цел да се создадат попријатни услови за живот на сите граѓани.

Со ваквите иницијативи, Коњановски уште еднаш ја покажува својата посветеност кон создавање на поубава, почиста и поуредена Битола, која ќе биде гордост за сите нејзини жители.

Со извлекување на телото на 56 – годишниот маж од водите на Вардар заврши дводневната акција на спасувачите.

Претходно синоќа беа извлечени телата на три жени од автомобилот Ауди, кој вчера попладне се излизга во Вардар во близина на селото Рашче.

Во автомобилот во моментот на несреќата имало три жени, маж и четиригодишно дете. Детето , за среќа паднало на патот во моментот на лизгањето на автомобилот и со телесни повреди е пренесено во клиниката 8-Септември.

Четирите тела на роднините од Грчец ќе бидат однесени на обдукција, по што ќе се утврдат причините за нереќата.

Полицијата денеска ги објави идентитетите на загинатите во „аудито“ кое вчера околу 16 часот излета од локалниот пат Сарај-с.Рашче и падна во реката Вардар.

Според МВР, во возилото кое е извадено синоќа од Вардар се пронајдени телата на три починати женски лица Н.А.(23), В.А.(25) и З.А.(59) сите од с.Грчец, скопско.

Лекар од Итната медицинска помош констатирал смрт, а по наредба на јавен обвинител, телата на починатите се дадени за обдукција.

Во несреќата со телесни повреди се здобило четиригодишно дете-сопатник, констатирани во Градската општа болница „8-ми Септември“, а се трага по А.А.(56) од с.Грчец,скопско, кој според исказ на роднини, бил во возилото пред да излета од патот.

Извршен бил увид од јавен обвинител и увидна екипа од СВР Скопје, а екипи на СВР Скопје и Одделот за специјални полициски операции со физичко пребарување и пребарување со два дрона од страна на САЕ Тигар и Единицата за брзо распоредување преземаат мерки и активности за пронаоѓање на лицето.