Иако претседателот Доналд Трамп одложи голем дел – но не и сите – од царините што ги воведе за Канада и Мексико, тоа не ги спречи северните соседи на Америка да одговорат со одмазднички мерки.

Премиерот на канадската држава Онтарио, Даг Форд, на прес-конференција изјави дека ќе воведе дополнителна такса од 25% на извозот на електрична енергија кон три американски држави почнувајќи од понеделник, предупредувајќи дека Канада целосно ќе го прекине снабдувањето со струја ако САД воведат нови царини на канадските производи.

„Ако САД претераат, нема да се двоумам целосно да ја исклучам струјата“, изјави Форд. „Верувајте ми, не сакам да го направам ова. Се чувствувам ужасно за американскиот народ, затоа што не се тие виновни за овој трговски конфликт. Одговорна е една личност – претседателот Трамп.“

Форд истакна дека новата такса ќе ги чини американските семејства и бизниси во Њујорк, Минесота и Мичиген дополнителни 100 долари месечно на нивните сметки.

Но, овој потег би можел да ѝ наштети и на канадската енергетска индустрија. Канада, која е многу позависна од американскиот извоз отколку што САД зависат од канадската стока, ризикува да западне во рецесија доколку трговската војна ескалира.

Форд предупреди дека би можел дополнително да го зголеми надоместокот од 25% ако американските царини продолжат да растат. Трамп, пак, се закани дека ќе воведе царини за канадските млечни производи и дрвенарија, воспоставувајќи принцип на реципрочни мерки – долар за долар.

Рускиот претседател Владимир Путин нема намера за отстапки во најавените преговори за прекин на воените дејствија во Украина, јави денеска Блумберг повикувајќи сè на претставници на западни разузнавачки служби. Тој не е подготвен за компромис што се однесува на окупираните територии, неутралниот статус на Украина или присуство на западни мировни сили.

Путин однапред поставува максималистички барања во можните преговори за прекин на војната за кои знае дека најверојатно нема да бидат прифатливи за Украинците и Европејците, изјавиле претставниците. Според нив, тој е подготвен да продолжи да се бори додека не ги постигне своите цели.

Според проценки на повеќе западни функционери, Путин не гледа стимул да се откаже од жестоката позиција.

Истовремено, Доналд Трамп продолжува со изјавите дека е неопходно да се стави крај на војната и неговата администрација бара отстапки само од Киев, што предизвика запирање на воената помош и размената на разузнавачки информации.

-Искрено, потешко ми е да се справувам со Украина, изјави Трамп неодамна. Од друга страна, Вашингтон ретко ѝ се заканува на Москва со дополнителни санкции или царини – што се бесмислени во услови на речиси прекината трговија меѓу Русија и САД.

Во оваа ситуација, постои ризик Владимир Зеленски да биде обвинет дека е неподготвен да прифати договор според условите што му се наметнуваат, а борбените дејствија да продолжат со поддршка од европските земји, пишува Блумберг.

Од Путин побараните услови за почеток на преговори за мир вклучуваат повлекување на украинската армија од неокупираните делови на Луганска, Донецка, Запорожска и Херсонскт област. Покрај тоа, Кремљ досега повеќепати истакна дека не прифаќа присуство на европски мировни сили во Украина, односно од земји кои се членки на НАТО, дури и да се стигне до мировен договор.

Москва е подготвена да разгледа привремено примирје само доколку ѝ биде дозволено да го одреди составот и условите за присуство на мировниот контингент, според извештај на Блумберг минатата недела во кој се цитираат лица блиски до рускиот врв. За да се постигне договор за прекин на воените дејствија, неопходно е и јасно разбирање на основните принципи кој ќе бидат вклучени во конечниот мировен договор, изјавија две лица запознати со ситуацијата.

Американскиот претседател Доналд Трамп реагираше на одлуката на Украина да го прифати предлогот за 30-дневен прекин на огнот.

Одговарајќи на новинарски прашања пред Белата куќа, тој соопшти дека претставници на САД ќе се состанат со Русија подоцна денеска или утре, пренесува Скај Њуз.

Трамп, исто така, потврди дека ќе го покани Володимир Зеленски повторно во Белата куќа, додавајќи: „Сакаме да ставиме крај на војната во Украина“. ссм/фото: ДПА .

Извор: МИА