Полицијата и БЈБ во Арачиново најдоа 14 гранати со калибар од 40 милиметри и две калапчиња од по 200 грама експлозив ТНТ.

Во дворот во Арачиново полицијата неколку дена пребарува со детектори за метал и копа со багери, откако ја почна големата акција за разбивање на опасната мафијашката група Беланоца Барон, која е одговорна за најмалку 8 убиства.

Во акцијата е вклучена и Армијата.

Сомневањата дека криминалците од Беланоца Барон криеле злато, пари и оружје секојдневно се потврдуваат. Досега беа запленети поголема количина оружје, милиони евра, накит, автомобили, часовници и други вредни предмети.

Во средата полициски екипи на пат од с.Орланци во правец кон с.Никуштак, во атарот на општина Арачиново пронајде еден пушкомитралез, девет автоматски пушки, повеќе празни рамки за автоматска пушка и реденик за пушкомитралез, две рамки за автоматска пушка со куршуми, една тегла со муниција, ранец и други предмети.

Истражните органи и натаму работат на прибирање докази за сторени убиства, нарачки за убиства, растурање на дрога и други тешки кривични дела.

https://youtu.be/y2Isv3QEM0E?si=UJ-STxTDLGOOHDvF

Рано утринава околу 02.40 часот во СВР Скопје, било пријавено дека на крстосницата од бул.„Крсте Мисирков“ и бул.„Гоце Делчев“, патничко возило „хонда“ со скопски регистарски ознаки излетало надвор од коловозот.

-Во несреќата со тешки телесни повреди се здобил сопатникот В.М.(31) од Р.Србија, констатирани во Комплексот клиники „Мајка Тереза“, додека возачот М.Е.(41) од Скопје се здобил со телесни повреди, констатирани во Градската општа болница „Св.Наум Охридски“, информира МВР.

Извршен бил увид од увидна екипа од СВР Скопје.

На 20.12.2024 во 19.15 часот во Полициската станица Пробиштип, било пријавено дека на ул.„Јаким Стојковски“ во Пробиштип, патничко возило „опел“ со штипски регистарски ознаки, управувано од З.М.(48) од с.Стрмош, пробиштипско, удрило во пешаците Р.В.(62) и Л.А.(65), двете од Пробиштип, информира МВР.

Во несреќата со тешки телесни повреди се здобиле пешаците, констатирани во Клиничката болница Штип.

Извршен бил увид од увидна екипа од ОВР Пробиштип.