На 14.11.2024 во 19.00 часот во Тетово, полициски службеници од СВР Тетово ги лишиле од слобода Е.Б.(26) и И.Б.(31), двајцата од Тетово. Според пријавеното, околу 18.30 часот, Е.Б. оштетила дел од покуќнината во семејниот дом, по што физички ги нападнала 60 – годишниот свекор и сопругот И.Б.. Додека, при приведувањето, таа пријавила дека претходно била физички напаѓана од сопругот И.Б..  Тие се задржани во полициска станица и по документирање на случајот ќе следува соодветен поднесок.

Министерот за правда, Игор Филков, денес ја отвори првата од серијата стручни дебати посветени на измените на Законот за Судскиот совет. Овие дебати се организираат во рамки на проектот „Поддршка на ЕУ за владеење на правото“, со цел создавање функционален и независен Судски совет, кој ќе работи исклучиво во служба на правдата.

„Судскиот совет мора да биде ослободен од политички влијанија и да функционира во интерес на правдата. Ова е од клучно значење за зајакнување на владеењето на правото во нашата земја,“ изјави Филков.

Работната група на Министерството за правда веќе подготви нацрт-измени, а јавноста, стручната фела, меѓународните организации и граѓанскиот сектор активно се вклучени во процесот на дебатирање. До крајот на годината, ќе се одржат уште три дебати, по што ќе следат конкретни предлози за законски измени.

Филков истакна дека транспарентноста и инклузивноста се клучни за креирање ефективен правосуден систем. „Ова е само почеток на нашиот реформски процес. Нашата цел е Судскиот совет да го вратиме на патот на вистинска независност и интегритет,“ додаде министерот.

Овие реформи се дел од пошироките напори на Владата за зајакнување на правната рамка и исполнување на европските стандарди за владеење на правото.

Почитувани клиенти,

Согласно предупредувањата на МВР, забележани се измами на наводни „финансиски советници“ кои на социјалните мрежи или преку телефонски јавувања нудат услуги за тргување со криптовалути, насочувајќи ги клиентите да инсталираат извесен софтвер и да прават трансфер на средства кон сметки кои измамникот ги посочува.

Ве потсетуваме:
-не инсталирајте непознат софтвер на уреди кои ги користите за пристап до електронско и мобилно банкарство

-не правете пренос на средства на сметки кои не ви се познати и за кои не знаете кому му припаѓаат

-никогаш не ги споделувајте податоците од вашата сметка, ниту вашите лични податоци, дури и ако лицето се претставува во име на Банката

Секој сомнеж пријавете го на 02/15 600.

Бидете исклучително внимателни и заштитете ги вашите лични податоци и финансиски средства.

Со почит,
Ваша НЛБ Банка