Претседателот на ХДЗ и хрватски премиер Андреј Пленковиќ изјави дека е уверен оти ЕУ нема да воведе санкции за претставниците на Република Српска, а тоа нема да го направи ниту Хрватска.

-Ми се чини дека иницијативата за усвојување санкции на ниво на ЕУ нема да помине. Следејќи ги позициите на земјите-членки, тоа не е реално, изјави синоќа Пленковиќ во Мостар по средбата со претседателот на ХДЗ БиХ Драган Човиќ, пренесе агенцијата Срна.

Пленковиќ изјави дека Хрватска не е во иста позиција како некои земји од ЕУ.

-Ние сме првите соседи, Бањалука е буквално на час и половина од Загреб и од таа страна сакаме да испратиме смирувачки пораки кои ќе поттикнат дијалог, ќе ги вратат работите на вистинското место, а вистинското место е да се најдат решенија за иднината на БиХ меѓу политичките партии и институциите во БиХ, рече Пленковиќ.

Тој посочи дека се друго не е добро, бидејќи тоа би довело до поголеми тензии, забавување на европскиот пат и лоша економска состојба.

Пленковиќ истакна дека Босна и Херцеговина нема друг пат освен европскиот, кој ќе обезбеди хармонично функционирање на БиХ.

Во северна Грција ќе се изгради првиот тематски парк во светот посветен на Александар Велики, легендарниот крал и војсководец на античкото македонско кралство. Целта на проектот е да се поттикне туризмот во регионот.

Најавата беше објавена минатата недела на конференција за недвижности и туризам од страна на Григорис Аванидис, проектен менаџер во компанијата DreamWorkers, која се занимава со развој на тематски паркови.

„Александар Тематски Парк“ ќе се гради на површина од осум хектари, помеѓу Сера и Кавала, во близина на античкиот град Амфиполис – локација каде во 2014 година беше откриена гробницата Каста, едно од најзначајните археолошки откритија во 21 век.

Паркот ќе понуди комбинација од внатрешни и надворешни атракции прилагодени за целото семејство, кои ќе спојуваат интерактивно учење и забава. Деталите ќе бидат дополнително објавени во текот на годината, а изградбата се очекува да започне во 2026 година со предвидена инвестиција над 10 милиони евра.

Професор доктор Џуро Мацути, новиот мандатар на Србија, е роден во Белград. Дипломирал, магистрирал и докторирал на Медицинскиот факултет при Универзитетот во Белград. Бил на специјализација по репродуктивна медицина и биологија на Универзитетот во Женева и Светската здравствена организација.

Како што наведува „Телеграф“, Мацути ја прославил српската медицина и Медицинскиот факултет на Универзитетот во Белград ширум светот, како еден од најпризнатите светски стручњаци во областа на ендокринологијата.

Од 2015. до 2023. година, Џуро Мацути бил член на Стручниот совет на Универзитетскиот клинички центар на Србија. Тој е заменик директор на Клиниката за ендокринологија, дијабетес и метаболички болести при Универзитетскиот клинички центар на Србија.

Тој е редовен професор на Медицинскиот факултет при Универзитетот во Белград, на Катедрата за интерна медицина, и гостин-професор на Медицинскиот факултет на Универзитетот во Атина и на Медицинскиот факултет на Универзитетот во Скопје.

Његовата професионална кариера е дополнително зајакната со улогата на претседател на Српското друштво за репродуктивна ендокринологија. Тој е член на Извршниот одбор на Европското ендокринолошко друштво и претседател на Финансискиот комитет на ова друштво.

Професор Мацути е автор на повеќе од 140 оригинални научни трудови објавени во меѓународни научни списанија со рецензија. Тој е и помошник на главните уредници и член на редакциите на неколку меѓународни медицински списанија.

Во 2024. година, со указ на Претседателот на Република Србија, за својот труд и придонес кон Србија, Мацути бил одликуван со Орденот на Карађорџевата ѕвезда II степен.

Џуро Мацути е член на Иницијативниот одбор на новосоздаденото движење, кое ќе ги обедини најеминентните стручњаци од сите области, со цел да помогне Србија да се врати на патот на раст, развој и победа, како и на патот на мир, стабилност и заедништво.

Тој говори англиски јазик.