Тепачка помеѓу две девојки во Скопје по сообраќајна несреќа.

Според полицискиот билтен, денеска во 02:10 часот во СВР Скопје, И.Ј.(27) од Скопје пријавила дека околу 01.40 часот на подрачјето на Чаир, по претходна случена сообраќајна незгода, била физички нападната од 32-годишната М.К. од Скопје.

По целосно документирање на случајот ќе следува соодветен поднесок.

Министерот за внатрешни работи, Панче Тошковски, изјави дека се надеваат дека истрагата за пожарот во Кочани ќе биде завршена за максимално краток временски период, за да се продолжи со останатите дејства во постапката.

„Сите преземени активности во рамки на истрагата се споделени со јавноста“, истакна Тошковски, додавајќи дека истрагата се уште е во тек и се води од страна на Јавното обвинителство. Министерството за внатрешни работи, како што напомена, постапува по добиени насоки и наредби од ЈО.

Последните информации од Основното јавно обвинителство во Кочани се дека е поднесен предлог за замена на мерката куќен притвор за двајца осомничени, поранешни директори на Државниот пазарен инспекторат, со мерки на претпазливост. Првпат се бараат мерки за претпазливост и за еден осомничен кој досега бил на лекување по пожарот во Кочани.

Ексминистерот за економија, Крешник Бектеши, останува во притвор, додека поранешниот градоначалник на Кочани, Љупчо Папазов, и поранешниот директор на Државниот пазарен инспекторат, Горан Трајковски, преминуваат од затворски во куќен притвор.

Синоќа околу 21 часот, на улицата „Кеј Македонија“ во Охрид се случи сообраќајна несреќа во која 15-годишен мотоциклист удри во двајца малолетни пешаци, како и во 18-годишната М.И. од Скопје. По ударот, мотоциклот продолжил и се забил во паркирано патничко возило од марката „Киа“ со охридски таблички, по што возачот веднаш избегал од местото на настанот. Благодарение на брзата реакција на полицијата, малолетникот е идентификуван и пронајден. Случајот е целосно документиран и се преземаат соодветни мерки.

„Во несреќата со тешки телесни повреди се здобила една малолетничка од Охрид, а со телесни повреди се здобиле другиот малолетник од Скопје, М.И., како и мотоциклистот, констатирани во Специјалната болница „Св.Еразмо“ во Охрид“, соопшти МВР.

Извршен бил увид од увидна екипа од СВР Охрид.