Градоначалничката на град Скопје, Данела Арсовска го пријавила новинарот Кристијан Ландов во полициска станица поради загрозување на сигурноста. Оваа вест ја сподели самиот Ландов во вчерашниот подкаст „ Претрес“.

“Новинар и ја загрозува сигурноста на Данела Арсовска. Од што се исплаши Данела Арсовска, од прашањата, од тоа и се крие. Нека дојде да каже зошто Скопје се наоѓа во ваква состојба каква што е. Но едно е сигурно на јавноста и се должат многу одговори“, кажа Ландов

Ландов го објави и видеото за кој тој вели дека е причина за пријавата во полиција. На него се гледа како службеното возило на Арсовска заедно со нејзинот шофер се возат надвор од работното време за приватни цели.

„Арсовска пријавила дека сум ја следел од пред град Скопје по булеварот „ Илинденска“ . Да не не смеам да се движам, таму каде што се движи Арсовска? Да не сум и се заканил?. Овие обиди за заплашување нема да поминат и ќе бидеме гласот на народот“, посочи Ландов.

Рано утринава, во 5 часот и 49 минути, земјотрес со јачина од 2.4 степени според Рихтеровата скала го потресе подрачјето на Скопје. Епицентарот бил на само 8 километри од градот, на длабочина од исто толку километри, што предизвика жителите од повеќе скопски населби да го почувствуваат потресот и да се разбудат од сон. За среќа, нема информации за материјални штети, но овој земјотрес повторно ги потсети скопјани на сеизмичката активност во нивниот регион.

Казни за прекршоците што ќе ги регистрираат камерите поставени на улиците ќе има од следната година.

Министерот за внатрешни работи, Панче Тошковски, и покрај најавите дека камерите ќе почнат да функционираат до крајот на годината во рамките на проектот „Безбеден град“, денес извести дека најоптимистички камерите би можеле да бидат ставени во функција од јануари.

„Да речеме дека сè уште немаме целосна покриеност со технички уреди, односно камери на територијата на град Скопје, како што е утврдено во рамките на проектната документација. Колку порано би можело да се имплементира овој проект, толку би било подобро за сите нас имајќи предвид дека жртви на сообраќајни незгоди на годишно ниво во Македонија имаме со трицифрен број и тоа е страшно. Реалноста е таква каква што е. Ќе треба да се направат одредени законски измени и да се утврдат точните чекори за на крајот на денот да имаме систем што ќе го казни секој оној што управува моторно возило спротивно на законот исклучувајќи го човечкиот фактор во рамките на целокупната постапка од аспект на носење одлука дали треба или не треба да биде казнет. Се надевам дека во текот на 2025 година ќе имаме финална имплементација на овој проект. Јас би бил пресреќен да биде во јануари, но и со декември ќе бидам задоволен“, рече министерот Тошковски по денешната конференција на тема „Зајакнување на помошната улога на Црвениот крст кон властите во кризниот менаџмент“.

При пробното пуштање во употреба годинава камерите регистрираа и по 5.000 прекршоци за само два часа. Министерот Тошковски вели дека ваквите бројки се страшни и уверува дека откога ќе бидат пуштени во употреба, десеткратно ќе се намали тој број оти граѓаните ќе знаат дека има систем што ќе ја казни секоја грешка.