Метеоролошката агенција на Исланд денеска соопшти дека под земја во близина на Рејкјавик започнала ерупција на вулканска магма, но дека моментално ја нема на површината.

„ Засега, магмата не стигнала до површината, но веројатно ќе има ерупција “, се вели во соопштението.

Покрај подземната ерупција на магма , областа е погодена и од повеќе од 100 мали земјотреси.

Локалната полиција објави дека е евакуирана блиската луксузна бања Blue Lagoon , како и рибарскиот град Гриндавик , каде има околу 40 куќи, пренесува АП.

Метеоролошката агенција соопшти дека волуменот на магмата под вулканот Сварценги е на највисоко ниво од серијата ерупции во декември 2023 година.

„Акумулацијата на магмата продолжува, но стапката на искачување е забавена во последните недели“, велат од агенцијата.

Сеизмичката активност постепено се зголемува во последните недели, што покажува дека притисокот на местото на ерупцијата се зголемува, се наведува на веб-страницата на агенцијата.

Исланд , познат како „земја на мразот и огнот“ поради бројните глечери и вулкани, се соочи со 10 ерупции јужно од Рејкјавик од 2021 година, а ова би можело да стане 11-та ерупција во областа.

Засега нема значително ширење на пепел во стратосферата , поради што воздушниот сообраќај не е во прекин.

Сопственикот на пекарницата „Клас“ во Нови Пазар, Сеад Бихорац, познат е по своите хумани дела.

Освен што со години им дели бесплатен леб на оние кои не можат да си го дозволат, и за време на Рамазан им нуди бесплатни топли пити за ифтар за сите кои тоа го потребуваат, во ноември 2024 година започна со изградба на зграда со шест станови кои ќе им ги подари на самохрани мајки и нивните деца, како што пренесуваат локалните медиуми.

Региониалните медиуми веќе пишувале за неговите хумани активности, а овој Рамазан Сеад Бихорац направи уште еден гест на добрина.

Тој организираше акција за делење на пакетчиња со подароци за 500 деца од Нови Пазар и околината, што беше претставено на порталот „Санџак данас“. На видеото од акцијата може да се види искрена радост на децата.

Погледнете го видеото:

Кина ги испрати својата војска, морнарица, воздухопловни сили и ракетни сили да го опколат Тајван како дел од голема воена  вежба.

Дури 19 воени бродови го опколија Тајван за само 24 часа, вклучувајќи ја и групата носачи на авиони „шандонг“, а официјален Пекинг објави дека големите воени вежби имаат за цел да се вежба блокада на островот.

Тајван веднаш реагираше и испрати свои авиони и бродови. Исто така, беше наредено да се распоредат ракетни системи распоредени на тајванското копно, а Пекинг беше обвинет дека е „најголемиот предизвикувач на проблеми во светот“.

Според британскиот весник Дејли мејл, Кинеските вежби уследија откако американскиот секретар за одбрана Пит Хегсет во Јапонија изјави дека САД ќе ѝ обезбедат „веродостојно одвраќање“ на Кина преку Тајванскиот теснец.

Дали е ова план за вистински напад?

Кина го смета Тајван како дел од нејзината територија, поради што Пекинг се закани дека ќе употреби сила за да го стави островот под своја контрола.

Сегашните големи воени вежби на Кина не се ништо ново, бидејќи Пекинг во последниве години сè повеќе распоредува борбени авиони и поморски бродови околу Тајван, додека изведува воени вежби.

Сепак, на овие најнови воени вежби се забележани најмногу кинески воени бродови околу Тајван од мај минатата година, кога беа пријавени 27 поморски бродови, се наведува во извештаите на АФП.

Според постоечките видеа споделени на социјалните мрежи, се чини дека кинеските сили сега користат сателити за обележување цели низ Тајван, кои се претпоставува дека ќе бидат уништени од налетот на ракетни експлозии.

Аналитичарите шпекулираат дека Кина е поверојатно да се обиде со блокада на Тајван отколку да започне инвазија од целосен обем, што би било поризично и бара голема воена посветеност.

Аналитичарите оценуваат и дека оваа најнова кинеска вежба, одржана веднаш по посетата на Хегсет на регионот, покажала дека Кина ја тестира администрацијата на американскиот претседател Доналд Трамп.

Поради ова, и САД ќе влезат во војна – сè се врти само околу една работа

Тајван е лидер во производството на микрочипови, кои се користат во речиси сите електронски уреди, и затоа е потенцијално жариште на конфликт меѓу Кина и САД, кои се најважниот безбедносен партнер на Тајван.

Трамп минатиот месец јавно оцени дека кинеската инвазија на Тајван би била „катастрофална“, бидејќи титанот за производство на чипови на островот TSMC најави инвестиција од 100 милијарди долари во Соединетите држави.