Македонија

КАКО РУСКИОТ ВРХОВЕН МУФТИЈА ГИ „ЗAKOПА“ БУГАРИТЕ: Корените на Бугарите се во Монголија, Татарстан, а не на Балканот

Бидејќи, Софија отвара антимакедонизам да се потсетиме на рускиот муфтија кој говореше во 2020 година за Бугарите и нивното потекло:

Вреди да се чуе дел од предавањето на Шеих-Ул-Ислам Талгат Сафа Таџуддин, Врховен муфтија на Русија и претседател на централната духовна управа на муслиманите во Русија на 1 февруари 2014 година, пред студентите на Историскиот факултет при Московскиот државен универзитет, за потеклото на народите на Волга Урал (Татари и Башкири). Кои се Бугарите, нивниот јазик и татковина, кога го изгубиле јазикот на Балканот!

Исламот кај нас навлезе години пред 1420 година. Сега се нарекуваме Татари и Башкири, но вистината е дека сме Бугари! Од сите народи во светот, Бугарите први после Арапите го признаа пророкот Мохамед! Први кои доброволно го прифатиле исламот, тоа се нашите претци Бугарите! На устието на реките Кама и Волга се формирала државата Бугарија! Тројца од придружниците на Мохамед, година и половина пред неговото преселување во Медина, пристигнале и го проповедале исламот во Бугарија … Така се случува, не нарекуваат “татари“ и започнува “татарското“ ропство … Но, први во Европа на татаро-монголите се спротиставиле нашите претци Бугарите! … Така, Бугарите 13 години ја задржаа татаро-монголската инвазија во Европа … Но, нашите претци Бугарите на Хан Аспарух на Балканот се обединиле со славјаните и формирале држава. За 200 години го изгубиле јазикот, но го сочувале името. Кај нас се случило обратното! … Дури и Киев е формиран од Бугари и славјани. Во времето на паганството Киев имал и бугарски хан и славјански кнез … Татковината е светост. Таа се состои од Русија, Киевска Русија и Бугарија. Други држави во тоа време немало! … Нашата заедничка татковина ја основале нашите претци. Никој не ја избрал сам, како што не може да се избира мајката … Нас не’ собра судбината. А таа е од Бога и само од Бога! …

А не е лошо да го чуеме и Божидар Димитров Стојанов, роден во Созопол, Бугарија, во семејство на бегалци од Источна Тракија, на 3 декември 1945 година, кој е доктор на историски науки, бил директор на бугарскиот Национален историски музеј, пратеник во Бугарското собрание од ГЕРБ и министер за Бугарите во светот во првата влада на Бојко Борисов. Бил вработен во бугарската служба за државна безбедност како аналитичар на балканската историја. Специјализирал палеографија во Париз и Ватикан. Автор е на бројни монографии и статии од областа на бугарската историја. Околу неговотото етничко потекло постојат разни шпекулации, но самиот тој се декларирал за “потомок на Прабугарите“. Починал на 1 јули 2018 година во Софија.

Бугарскиот народ или Прабугарите се од туркско потекло кои дошле на територијата на денешна Република Бугарија од Монголија, Алтајските планини, степите на Евро-Азија, до долното течение на реката Дунав каде што ја формират Бугарската држава! – вели Божидар Димитров. Божидар Димитров, пак смета дека славјани не постојат, тие се измислени од Русија заради хегемонизмот на Москва наречен панславизмот!

Би додале, ако корените на (пра)Бугарите се во Монголија, Кина, Татарстан, а на Балканот, откога дошле, за 200 години го изгубиле јазикот, прифаќајќи ја верата и јазикот на домородните, не е ли логично прашањето: Како се викале тие со кои доселените Бугари се обединиле, чиј јазик Бугарите на Балканот го прифатиле? Да не биле тоа Македонците и Македонскиот јазик, кој сега го прават дијалект на бугарскиот литературен јазик? И не е ли малку депласирано да отвараат такви теми, кога и самите знаат дека основата на Балканот е Македонија, основата на Бугарија е Македонија, дека македонскиот етнос е основата на бугарскиот демос! Впрочем и самиот Каракачанов вели не постои Бугарин без македонски корени! Точно е само тоа, дека Бугарија без Македонија и Македонците нема домородна историја, нивната официјална историја е во најдалечниот Исток! И, како што комисии на Комунистичката партија на Бугарија ја ретуширале македонската историска документација во бугарска, така и сега, со шарлатанот Зоран Заев, Бојко Борисов формира комисија за октроирање на нова политичка историја за Македонија и Македонскиот народ, за да не мора да ја преправат нивната фалсификувана историја за Бугарија од времето на комунизмот и руската креација Сан Стефанска Бугарија од 1878 година.

Им даваме време да се спознаат, затоа што балонот кој го дува официјална Софија, пред се’ нејзините ментори од други и туѓи метрополи за нивни интереси на овие простори, кога и да е ќе пукне! И во Бугарија се создава нова историска школа, кои корените на Бугарија ги врзуваат за Македонија од пред нашаат ера до денес. Зарем не сте прочитале дека македонската кралица Клеопатра од династијата на Птоломеидите е Бугарка? Се’ повеќе и повеќе ќе го има тоа во нашата братска Бугарија…

Македонците сигурно нема да ги бараат своите корени во Татарстан, Кина и Монголија заради заблудената санстефанска Софија на Бојко Борисов, Екатерина Захариева, Божидар Димитров, Красимир Каракачанов, Андреј Ковачев, Васил Николов и Спас Ташев.

Пишува: Тодор Петров за Весник Илинден

Up Next

АБАЗИ РЕДИ УСПЕСИ – За 5 дена две функции, стана и член на Управен на Академијата за судии каде ќе полага и НЕГОВАТА СОПРУГА

Don't Miss

Албанец се пријавил за„Тигрите“, ама го одбиле зашто НЕ ЗНАЕЛ ДА ПЛИВА – Спасовски тврди дека нема етничка дискриминација

Македонија

Западен Балкан како еден: Муцунски јасно за иднината во ЕУ

Министерот за надворешни работи и надворешна трговија, Тимчо Муцунски, користејќи ја симболиката на виното како сврзно ткиво на регионот, испрати силна порака до европските партнери. Тој потенцираше дека иако евроинтеграцијата е технички процес, суштината е во регионалната кохезија.

„Ниту една држава не смее да остане изолиран остров. Иако системот е поставен така што не мора сите да влеземе во исто време, нашата крајна цел е таму да бидеме заедно“, дециден е Муцунски.

Тој повлече паралела со македонското грозје, кое често е „тајната состојка“ во регионалните вина, заклучувајќи дека кога работиме заедно, создаваме „вистински европски производ“ со кој сите се гордеат.

Новата еврокомесарка за проширување, Марта Кос, внесе нова енергија и емоција во дискусијата. Таа упати критички осврт кон бирократизацијата на процесот, нагласувајќи дека премногу се зборува за политика, а премалку за луѓето и културата кои го дефинираат Балканот.

„Понекогаш сакам да им кажам на земјите од регионот: не мора толку да ни се докажувате. Вие сте дел од нас. Она што го правиме сега е само формализирање на таа реалност“, порача Кос, ветувајќи дека ќе работи на зголемување на видливоста на Балканот меѓу членките на ЕУ.

Комесарката Кос го заврши своето обраќање со необично ветување кое веднаш стана метафора за нејзиниот мандат: по затворањето на преговорите со секоја земја, таа лично ќе го освои нивниот највисок планински врв. За Македонија – тоа е Кораб.

Македонија

Собранието пред одлука: Договорот за меѓуграничниот железнички тунел со Бугарија на дневен ред

На продолжението на 76-та седница, пратениците ќе ја донесат конечната одлука на договорот со Софија – ратификацијата на изградбата на меѓуграничниот железнички тунел кој треба конечно да ги спои двете метрополи по шини.

Договорот, ставен на хартија на 6 ноември во Ѓуешево од страна на министрите Николоски и Караџов, ги дефинира сите важни точки: од технички решенија до финансиски конструкции.

Тунелот од 2,4 километри, кој геометриски прецизно е поделен на половина меѓу двете држави, ќе се протега на релација Софија – Ѓуешево – Крива Паланка – Скопје.

Освен железницата, Собранието ќе решава и за иднината на домашното производство на струја. На дневен ред, по скратена постапка, се државните гаранции за амбициозните проекти на ЕСМ: Новите соларни капацитети на ФЕЦ Битола 3 со поддршка од ЕБОР и германската КфВ банка и фополнителни средства за ревитализација на постојните хидроелектрани.

Во пакетот економски реформи влегуваат и измените на Законот за буџети и Законот за експропријација, чија цел е забрзување на капиталните инвестиции преку поедноставени процедури.

Атмосферата во законодавниот дом дополнително ќе ја загрее Резолуцијата за осуда на опозициските манипулации. Власта бара потврда на своите стратегии против илегалната миграција, директно удирајќи по реториката на политичките опоненти.

За крај, пратениците ќе поминат низ обемен „брз тракт“ на законски измени кои допираат речиси секоја сфера: измени во законите за полиција, возила и сообраќајна безбедност, корекции во извршувањето на санкциите и прекршочните одредби и редефинирање на правилата за државните награди.

Македонија

ЕУ ја отвора вратата: Македонија чекор по чекор кон внатрешниот пазар на Унијата

Иако унгарското вето за Украина го блокираше официјалното усвојување на заклучоците за проширувањето, Данска, како актуелен претседавач со Унијата, не дозволи пораките до Скопје да останат во фиока. Под етикетата „Заклучоци на Данското претседателство“, Брисел испрати јасен декор на поддршка, но и строг потсетник за домашните задачи кои остануваат камен-темелник на македонскиот пат кон Европа.

Пораката од европските метрополи е недвосмислена: втората меѓувладина конференција и отворањето на „Кластерот Темели“ се на само еден чекор – промена на Уставот. Советот на ЕУ потврди дека е подготвен за итно продолжување на преговорите, без дополнителни политички одлуки, штом Македонија ја исполни преземената обврска.

ЕУ го поздравува фактот што евроинтеграцијата останува стратешки приоритет, но бара „брзи и решителни акции“. На мета на критиките се:

Владеењето на правото: Потребна е челична волја за заштита на независноста на судството.
Кривичниот законик: Брисел инсистира на нов закон усогласен со европските стандарди.
Администрацијата: Се бара итна модернизација и зголемување на капацитетите.

Додека внатрешните реформи одат со забавено темпо, Македонија добива „чиста петка“ за својата геополитичка ориентација. Советот силно ја пофали земјата за целосното усогласување со надворешната и безбедносната политика на ЕУ, вклучително и рестриктивните мерки, што се толкува како кристално јасен сигнал за тоа каде припаѓа државата.

Брисел не заборава на договорите. Потсетувањето за „спроведување со добра волја“ на договорите со Грција и Бугарија останува константа во секој документ. Сепак, на економски план доаѓаат добри вести – напредокот на железничкиот Коридор 8 е оценет како стратешки успех, а првите исплати од Механизмот за реформи и раст веќе даваат конкретни придобивки за граѓаните.