САД испратиле листа од 11 прашања до европските влади кои треба да дадат одговори пред Вашингтон да влезе во мировни преговори со Русија, објавува агенцијата Ројтерс.

Прашањата се поделени во 6 категории и од нив зависи како САД ќе го водат преговорите со Русија:

1. Што гледате како безбедносна гаранција или гаранција поддржана од Европа, која би послужила како доволна одвраќање за Русија, истовремено обезбедувајќи дека овој конфликт ќе заврши со трајно мирно решение?

2) Кои европски и/или трети земји мислите дека би можеле или би учествувале во таков аранжман?

Дали има некои земји за кои верувате дека би биле незаменливи?

Дали вашата земја би била подготвена да распореди свои војници во Украина како дел од мировното решение?

3. Ако воените сили на трета земја би биле распоредени во Украина како дел од мировниот договор, која би ја сметале за потребната големина на такви сили предводени од Европа?

Како и каде би биле распоредени овие сили и колку долго?

4. Какви активности треба да бидат подготвени да преземат сојузниците и партнерите на САД доколку Русија ги нападне овие сили?

5. Кои, доколку ги има, барањата за поддршка на САД би ги сметала за неопходни вашата влада за нејзиното учество во овие безбедносни аранжмани?

Поточно, кои краткорочни и долгорочни ресурси мислите дека ќе бидат потребни од САД?

6. Кои дополнителни способности, опрема и опции за одржување е подготвена да ги обезбеди вашата влада на Украина за да ја подобри својата преговарачка рамка и да го зголеми притисокот врз Русија?

Што повеќе е подготвена да направи вашата влада за да ги зголеми своите санкции кон Русија, вклучително и построго спроведување на санкциите и подобро таргетирање на трети земји што ѝ овозможуваат на Русија на глобално ниво?

Според поставените прашањата може да се претпостави дека ако членките на ЕУ се подготвени за голема војна со Русија и дадат доволно ресурси Трамп ќе води тврди преговори со Русија.

Ако пак одговорите се во правец Дака таква војна би ја водела Америка доминантно сама тогаш може да се очекува дека Трамп ќе биде помек во преговорите со Русија.

Украина ќе даде контра-предлог, но, според извори на „Вашингтон пост“, новиот предлог ќе вклучува и безбедносни гаранции за Киев. Во меѓувреме, украинскиот претседател од Минхен порача дека документот што го добил на увид бил премногу фокусиран на интересите на САД.

Висок украински функционер изјави дека раководството на земјата е подготвено да стори речиси сè за да ја задржи американската поддршка, вклучително и „масивни испораки на украински јајца“, пишува „Вашингтон пост“ во анализа за тоа што ќе се случи откако Украина  на состаноците во Минхен ѝ кажа на администрацијата на Трамп дека не може легално да пренесува минерални ресурси според предложените услови.

– Во земјата има вишок јајца, а раководството на земјата е свесно за брзиот пораст на нивната цена во САД – рекол изворот.

Украинскиот претседател Володимир Зеленски изјави дека им наредил на своите министри да не потпишуваат договор со кој на САД ќе им се овозможи пристап до вредните и ретки минерали на Украина, објаснувајќи дека документот е премногу фокусиран на интересите на САД.

– За мене е многу важна врската помеѓу некакви безбедносни гаранции и некаква инвестиција – изјави Зеленски.

Весникот пишува дека Украина истражува алтернативи за да ги добие безбедносните гаранции од САД. Еден украински функционер вели дека Киев бил шокиран од обемот на барањата.

Сепак, главниот приговор на Киев не беа овие барања, туку фактот дека договорот не содржел никакви безбедносни гаранции. Киев ќе испорача „контра предлог“ кој ќе вклучува вакви гаранции, се вели во статијата.

Еден од украинските функционери рече дека предлогот за минерални суровини пристигнал во Киев четири часа пред средбата на Зеленски со американскиот министер за финансии Бесант. На средбата министерот за финансии „инсистирал“ на итно потпишување, но Зеленски одбил. Весникот пишува дека тој самиот имал само „неколку минути“ да се запознае со договорот.

Украински функционер ја споредил оваа ситуација со начинот на кој Европејците ги поделија африканските колонии во 18 век и рекол дека тоа може да доведе до одземање на правата за развој на украинските ресурси со децении без никакви гаранции дека инвеститорите навистина ќе ги развијат.

Друг украински функционер смета дека САД се обидуваат да воспостават контрола врз ретките метали и материјали како што се литиум, графит и ураниум.

Во меѓувреме, додека Дмитриј Песков најавува топли односи помеѓу Вашингтон и Москва, руските сили ги заострија веќе засилените борбени активности во источна Украина.

Главниот портпарол на Кремљ, Дмитриј Песков изјави во телевизиско интервју дека неодамнешните телефонски разговори помеѓу рускиот претседател Владимир Путин и американскиот претседател Доналд Трамп, значат дека Москва и Вашингтон отсега ќе разговараат за мир, а не војна.

“Тие испратија силна порака дека отсега ќе се обидуваме да ги решаваме проблемите со дијалог. И отсега ќе зборуваме за мир, а не војна.

Според Песков, ставовите на Трамп треба да се прифатливи за секоја личност со здрав разум. Изјави и дека целосно недостасувала комуникација со претходната американска администрација.

Путин и Трамп во претходен телефонски повик разговараа за запирање на непријателството во Украина, билатералните односи и некои други теми. Претседателите се согласија да останат во контакт и договорија состанок лице во лице.

Во меѓувреме, Русија ги засили нападите во Украина

Руските сили ги заострија веќе засилените борбени активности во источна Украина, а главните напади биле фокусирани во близина на важенниот логистички јазол Покровск, соопшти украинската војска.

Руските трупи веќе со недели напредуваат кон Покровск во склоп на целосен продор низ регионот Доњецк во источна Украина, зазимајќи низа села.

Речиси третина од сите борби биле концентрирани во близина на Покровск. Руските сили ги напаѓаат украинските позиции од сите страни во обид целосно да ги отсечат.