Министерството за енергетика на својавата веб страна ги објави списоците за граѓани кои ќе добијат ваучери за инвертери од огласот кој беше распишан во февруари годинава. На страната објавени се и фирмите од каде што граѓаните ќе можат да ги купат инвертерите.

„Најдоцна до 6 ноември на веб страната на Министерството ќе биде објавен датумот и локацијата за подигнување на ваучерите“, стои во соопштението на Министерството за енергетика.

За овој проект обезбедени се 4,1 милион евра или има пари за околу 8.000 ваучери. На повикот пристигнаа вкупно 18.805 барања по двата јавни повика. На огласот кој не е за ранливи потрошувачи барања доставија 14.500 баратели, а за огласот за ранливи потрошувачи 4.305 баратели.

Нема да дозволам никакви политички злоупотреби на ЗЕЛС. Политичките манипулации можат да имаат единствено негативен ефект врз граѓаните и нивниот квалитет на живот. Во ЗЕЛС, најважно е единството. Јас лично, како претседател, сум бил во ситуација кога немав добра соработка со одредени министри од претходната власт, но никогаш не ја злоупотребив позицијата ниту пак помислив на бојкот или на напуштање на оваа асоцијација, вели во интервјуто за МКД.мк градоначалникот на Кисела Вода Орце Ѓорѓиевски, кој е и претседател на ЗЕЛС за актуелните случувања во Заедницата на единиците на локалната замоуправа.

Каква е соработката на ЗЕЛС со новата централна власт?

– Соработката на ЗЕЛС со новата Влада предводена од премиерот Христијан Мицкоски е одлична. За разлика од претходната власт, која беше глува за проблемите со кои се соочуваа општините, сега конечно се отвори простор за конструктивен дијалог и конкретни чекори. Првиот чекор беше потпишувањето на Mеморандум за соработка – историски договор после 21 година чекање, кој ги дефинира заедничките насоки за работа и овозможува вистински партнерски однос. Според мене, тоа е сериозен сигнал дека и централната власт е подготвена за реално партнерство.

Во таа насока, активно се работи на измени во предлог-законот за државни службеници. Претходната верзија беше камен на сопнување бидејќи беше многу нерамноправна во однос на државните службеници од централната и локалната власт. Во моментот, работни групи од Министерството за администрација, претставници од ЗЕЛС и од општинските администрации седнуваат на заедничка маса за да најдат соодветно решение кое ќе ги задоволи сите засегнати страни.

Дополнително, ќе бидат формирани финансиски работни групи со претставници од локалните финансиски сектори, кои ќе работат заедно со централните институции при креирањето на Буџетот за 2025 година. Веќе започна реализацијата и на директната финансиска помош за проектите, при што за прв пат на локално ниво се распределуваат 100 милиони евра, односно 250 милиони евра за четирите години, што овозможува решавање на децениски проблеми на граѓаните во, буквално сите општини. Овие средства се распределуваат правично, а со нив значително ќе се подобри животот на нашите сограѓани.

Искрено верувам дека оваа соработка ќе продолжи и ќе се продлабочи со нови, сериозни проекти кои ќе донесат бенефит за сите жители.

Целото интервју на следиов линк: https://mkd.mk/orce-gjorgjievski-gi-reshivme-problemite-vo-zels-kje-gi-reshime-i-vo-skopje/?fbclid=IwZXh0bgNhZW0CMTEAAR3TJKz2cnaD58K0jUZDLIQugntGsX50fmYkpyYQuYcycZlbdQnhYWb7ptg_aem_hS8re77sH24ZFle3MzpboQ

ТРА ЛА ЛА – Детски музички фестивал што ја освојува Битола и Македонија. 

На 6 ноември, Центарот за култура во Битола ќе биде домаќин на 24-тото издание на Детскиот музички фестивал „ТРА ЛА ЛА“, кој веќе важи за најдобрата детска манифестација во Битола и во Македонија. Ова издание, кое ќе се одржи под мотото „Јас ја сакам Битола“, ќе донесе 16 нови солисти, кои ќе ги исполнат 16 оригинални детски песни, компонирани од легендарниот македонски музичар, Кристијан Габроски.

За најмладите посетители, претставите за градинките и училиштата ќе се одржат во три утрински термини: во 9:30, 11:30 и 13:30 часот. Вечерниот гала концерт, кој го претставува врвот на фестивалот, започнува во 19:30 часот, и на него се очекуваат високи гости и делегации, најави директорот на фестивалот, Тони Алексовски.

Секоја песна на фестивалот ќе биде придружена со соодветна кореографија, која ќе ја изведуваат пет балетски групи: Хип хоп студио „Сања Денс Скул“, ТСК „Спортакус“, Студиото за модерни танци „Expose“, танцовиот спортски клуб „Степ“ и „Анастасија“ од Битола. Ова ќе додаде уште поголема енергија и атмосфера на сцената.

„Оваа година имаме прекрасен музички материјал и очекуваме сите посетители да уживаат во незаборавниот настан. Влезници може да се набават онлајн на следниот линкили на билетарницата на Центарот за култура секој работен ден од 11 до 20 часот и сабота од 15 до 20 часот,“ изјави Алексовски

Со химната на фестивалот „Тра ла ла, журка голема, за сите деца и од Бога благословена“, организаторите го повикуваат целото семејство да стане дел од оваа незаборавна детска музичка прослава, и уште  и уште еднаш да се покаже дека „ТРА ЛА ЛА“ е навистина расадник на нови и млади музички таленти.