Македонија

ГАРЕВСКИ ЗА ФАКТОР: Кој живее во СТАН ИЗГРАДЕН од 2014 ГОДИНА НАВАМУ, МИРНО ДА СПИЕ

Градбите кои се изградени во нашата земја по 2014 година се посигурни бидејќи се градат според нови законски одредби кои бараат придржување кон построги правила за градба, и кои се контролирани за отпорност при потреси. Ова го истакна Михаил Гаревски, директор на Институт за сеизмички отпорни гради и климатски промени (ИСОГКП).

Гаревски за Фактор потенцира дека од 2014 година градбите се контролираат од повеќе институции кои се регистрирани во Министерството за образование и наука, меѓу кои се ИСОГКП кои спроведуваат контроли на терен, Институт за земјотресно инженерство и инженерска сеизмологија (ИЗИИС) и други слични институции, кои ја проверуваат безбедноста на градбите.

По разорнот земјотрес кој ги погоди Турција и Сирија во понеделникот рано наутро, во кој веќе има голем број жртви, многу разуранти објекти, и се уште се трага по преживеани, стравот кај граѓаните се зголеми. На социјалните мрежи и низ медиумите постојано се споделуваат снимки од спасување на преживеани, но обемот на штетите е огромен, и неопходни се повеќе спасувачки екипи за помош на затрупаните граѓани.

Ваквите информации очекувано создаваат паника и меѓу нашите граѓани, кои стравуваат од слично апокалитично сценарио. Сепак, некогашниот прв човек на Инситутот за земјотресно инженерство, Гаревски за Фактор потенцира дека во нашата земја не може да се очекува волку силен удар, а дополително вели новите градби се направени да истрпат посилни земјотреси.

– Во Скопје и Македонија не може да се случи земјотрес со магнитуда од 7,8 степени. Најголемата магнитуда е регистрирана во Пехчево-Берово во 1904 година и таа била меѓу 7,2 и 7,4 степени. Сепак, би нагласил дека во нашата земја не се очекува земјотрес со јачина како во Турција – потенцира Гаревски.

Тој појаснува дека земјотресот во Турција не се очекува да биде тригер за земјотреси во Македонија бидејќи е многу оддалечен. Сепак, додава дека е нормално таласите кои се ослободени да предизвикаат благо придвижување, но тој тип на „микротребори ќе ги регистрираат само апаратите“.

– При волку јака магнитуда на земјотрес, која е во близина на големи градови, бројките на починати може да надминат и 17 илјади жртви, колку што достигнаа при последниот силен земјотрес во тамошниот регион. Турција е една од најтрусните зони заедно со САД, Јапонија, Чиле и Индонезија, но сепак, ова е еден од најјаките земјотреси, втор по јачина во земјата. Најсилниот бил во 1939 година како и сега на анадолскиот растер и при тој земјотрес биле изгубени дури 17 илјади животи. На истиот расед близу Измир имаше исто така силен земјотрес во 1999 година, кога магнитудата достигна 7,4 степени. Тој период два пати ги посетивме погодените региони, и со свои очи сведочевме на огромните штети. Тогаш имаше огромни рушевини, многу разурнати згради, но и покрај силината на земјотресот во големите штети уддел имаше непрописната градба, несоодветната арматура и несоодветните градежни материјали – објаснува Гаревски.

Тој за Фактор додава дека по 1999 година се воведени поризгорозни одредби за градење во Турција, но и контроли. Сепак, појаснува дека и понатаму има многу згради кои се изградени пред новите законски измени, односно пред 1999 година, што ги прави ранливи на силни удари, бидејќи начините на градење претходно биле многу „несериозни“.

– Последователни земјотреси во следниот период е очекувано. Афтершоковите ќе продолжат во следните 2-3 месеци, па дури може да траат и 5-6 месеци. Сепак, по главниот удар, не се очекува нов толку силен удар, или близу до него. Веќе имаше некои посилни, во ваква ситуација, очекувано е одреден период да има последователни земјотреси со магнитуда околу 4 степени, па околу три, па два, но може и пак да се зголеми магнитудата и да има земјотрси со силина околу 5 степени, па пак да намалува и постепено да запрат – дополнува Гаревски.

Up Next

(ВИДЕО) Македонскиот армиски тим се огласи од Кахраманмараш, пратени уште 36 војници од АРМ

Don't Miss

(ВИДЕО) Бранка од Бутел сведочи: Ја загубив внуката во земјотресот во Сирија, се уште е под урнатините

Македонија

Собранието бара 30 нови соработници: Места за преведувачи и толкувачи со плати од 32.000 денари

Дури 33 нови позиции се објавени на Агенцијата за администрација, со што Собранието на Република Македонија отвора ново поглавје со масовен оглас за вработување.

Она што веднаш паѓа во очи се атрактивните плати, кои се движат од скромни, но сепак солидни 32.404 денари за помлад референт, па сè до импресивни над 53.000 денари за раководните позиции.

На самиот врв се позициите како Раководител на одделение за умножување и комплетирање на материјали и Раководител на одделение за поддршка на работата на претседателот на Собранието, каде примањата надминуваат 53.000 денари.

За поискусните, позициите Советник на комитетот за односи меѓу заедниците и Советник за толкување од македонски на албански јазик нудат плата до 47.303 денари.

Соработникот за информирање на јавноста на албански јазик и Преведувачот од македонски на албански и обратно може да очекуваат одлични 40.707 денари.

За Помладите соработници во секторите човечки ресурси, јазична редакција и канцелариско работење, предвидена е плата од 37.758 денари.

Помлад референт за мултилатерална соработка ќе добива плата од 32.404 денари, додека Техничкиот секретар ќе добива малку повисоки 32.714 денари.

Не е лесно да се влезе во Собранието. Освен задолжителното државјанство, полнолетство и здравствена способност, кандидатите мора да ги исполнуваат следниве, далеку построги услови:

Високо образование (со различни посебни услови во зависност од позицијата).
Активно познавање на компјутерски програми за канцелариско работење.
Положен испит за административно управување.
Активно познавање на странски јазик: англиски, француски или германски.
За дел од позициите: Положен правосуден испит.

Дел од огласите веќе се пред истек, со првите рокови закажани за 13 декември, додека другите следат од па сè до 20 декември. Заинтересираните кандидати мора веднаш да аплицираат.

Сите детали и целосниот текст на огласите можете да ги најдете на веб-страницата на Агенцијата за администрација.

prijava.aa.mk/#/

Македонија

Се поврзуваат Коридор 10 и Струма: Николоски најави забрзување на работите на експресниот пат кон Бугарија

Вицепремиерот и министер за транспорт Александар Николоски денеска престојуваше во Струмица, каде присуствуваше на свечената седница посветена на патроните на градот – Светите Петнаесет Тивериополски свештеномаченици. За време на средбата со градоначалникот, тој ја нагласи заложбата за реализација на едно од клучните инфраструктурни ветувања: директно поврзување на Коридор 10 со бугарскиот Коридор Струма.

„По локалните избори воспоставивме интензивна комуникација со градоначалникот и новата администрација, што веќе дава резултати. Наш стратегиски приоритет е изградбата на експресниот пат од Смоквица, преку Валандово, Струмица и Ново Село, до граничниот премин со Бугарија“, изјави Николоски.

Според него, Јавното претпријатие за државни патишта го финализирало проектот за една од трасите, додека втората е при крај. Владата, како што додаде, активно работи на обезбедување средства за целосна реализација на овој важен инфраструктурен зафат.

Николоски најави и широка поддршка за Струмица, најавувајќи дека Владата стои зад 14 значајни инфраструктурни проекти во општината. Дел од нив се изградба на две поголеми улици, десет се во процедура за избор на изведувач, а два се реализираат преку Министерството за животна средина.

Тој најави и нов работен состанок со локалното раководство, на кој ќе се дефинираат приоритетите за следниот развоен период на општината.

Македонија

Пробиен претпоследниот тунел на пругата кон Бугарија: Напредок на делницата Бељаковце – Крива Паланка

Рано изутринава беше пробиен претпоследниот од вкупно 15 тунели на железничката делница од Бељаковце до Крива Паланка, која претставува втор дел од изградбата на пругата кон Бугарија. Овој чекор беше оценет како значаен исчекор во реализацијата на проектот, кој со години се соочува со бројни предизвици.

„Добро е кога на крајот од тунелот ќе се појави светло,“ изјави директорот на ЈП ЖРСМ – Инфраструктура, Синиша Ивановски, кој го истакна значењето на денешниот напредок.

Тој нагласи дека делницата е една од најкомплексните инфраструктурни точки во земјата, особено поради обемната и технички сложена изградба на тунелите.

„Градбата на оваа траса изобилува со предизвици, а еден од поголемите се пробивањето и градбата на тунелите. Прогресот на целиот проект не е на посакуваното ниво, но мора да се пофали изведувачот за успехот токму во овој сегмент,“ додаде Ивановски.

Тој изрази уверување дека постигнатиот напредок ќе биде мотив и за динамизирање на останатите делови од работите на трасата, додавајќи дека очекува наскоро да се бележат успеси и во другите сегменти од изградбата.