Македонија

Кај пет дилери меѓу кои и наставничка, пронајдена дрога вредна половина милион евра (ВИДЕО)

Во синоќешната голема полициска акција во која е откриена лабораторија за произведство на амфетамин, приведени биле пет дилери, меѓу кои и наставничка од основно училиште во Скопје.

Според МВР, наставничката од основното училиште „Александар Македонски“ била дел од улична група дилери на скопските улици, но дека продавала надвор од работното време.

Биле извршени претреси на седум локации во главниот град пронајдени се наркотични средства во износ од околу половина милион евра.

„Вчера екипи на МВР извршија претреси на седум локации во скопје, при што приведени се 5 лица, пронајдена е лабораторија за производство на дрога, како и дрога вредна скоро половина милион евра, доколку биде продавана преку уличните дилери.

Пронајдени се околу 7 килограми амфетамин, еден килограм кокаин, 22 килограми марихуана, автоматска пушка калашников, куршуми, рамки за пиштоли и автоматска пушка како и списоци од лица кои купувале дрога и должеле за наплата на дрогата. Приведените лица имале изнајмени станови во центарот на Скопје, како и населбата Ѓорче Петров и сите се од главниот град“, информираше Тони Ангеловски, портпаролот на МВР.

МВР спроведува полициски акции и низ градовите од внатрешноста, а само оваа недела извршени се 36 претреси, и приведени се 32 лица.

Up Next

Каква глупост ! – Велешанка со инвалидност казнета на паркинг во Скопје

Don't Miss

Украл 7.500 евра од неподвижно девојче и жена болна од рак, а собирал и лажни донации

Македонија

Тешка сообраќајна несреќа во близина на Штип: Пожарникари ги извлекуваа повредените

Синоќа на регионалниот пат помеѓу селото Караорман и Штип се случила тешка сообраќајна несреќа во која биле повредени три лица.

Според информациите од СВР Штип, полициските службеници извршиле увид на местото на несреќата, а за извлекување на повредените од возилото била повикана и противпожарната екипа.

Повредените биле транспортирани во Клиничката болница во Штип, каде им е укажана соодветна медицинска помош.

Од СВР Штип најавија дека во текот на денот ќе бидат објавени дополнителни детали за инцидентот.

Македонија

Германски воен авион наместо во Приштина – принудно слета во Скопје

Германски воен авион денеска не успеал да слета на аеродромот „Адем Јашари“ во Приштина поради недостиг на сертифициран персонал за слетување во услови на намалена видливост.

Од Агенцијата за воздушна навигација информираа дека другите летови функционираат нормално, а проблемот се однесувал конкретно на воениот лет.

Податоците од платформата Flightradar24 покажуваат дека авионот полетал од Берлин во 8:40 часот наутро и бил пренасочен кон Скопје, каде безбедно слетал.

Инцидентот повторно го отвори прашањето за техничката подготвеност на аеродромот во Приштина за слетувања во комплексни метеоролошки услови.

Македонија

Инспекциите откриваат неправилности кај матичните гинеколози

09.12.2025 – Засилени контроли од страна на Управата за јавни приходи (УЈП) и Фондот за здравствено осигурување (ФЗОМ) открија дека дел од матичните гинеколози не издаваат фискални сметки за услугите кои ги наплаќаат.

Според неофицијални информации на „Слободен печат“, мерките следат по мониторингот на невладините организации од октомври 2024 година, кој покажал дека жените често плаќале за услуги кои би требало да бидат бесплатни, а без да добијат фискална сметка.

ФЗОМ истовремено ја проширил контролата и на други сектори, вклучувајќи ја службата за итна помош, како и проверка на реалноста на боледувањата и начинот на исплата на платите. Резултатите од сите инспекции се очекуваат да бидат објавени следната недела.

Директорот на ФЗОМ, Сашо Клековски, на прес-конференцијата се осврна и на проблемот со Клиниката за онкологија при Клиничкиот центар „Мајка Тереза“, каде не се изработуваат анализи за тумор маркери.