Повредени пациенти од трагедијата во Кочани се враќаат од лекување во странство

Министерството за здравство соопшти дека денеска петмина од повредените во несреќата во Кочани се враќаат од лекување во Клиничкиот центар во Србија. Согласно утврдениот протокол, тројца од нив ќе бидат сместени на Клиниката за пулмологија, еден пациент ќе продолжи под надзор на Клиниката за пластична хирургија, а уште еден ќе биде хоспитализиран во Хируршката клиника „Св. Наум Охридски“.

Вчера, уште еден пациент се врати од лекување во Хрватска и е под опсервација на Клиниката за пластична хирургија. Со ова, бројот на пациенти што сè уште се лекуваат во странство се сведува на 38.

Во земјава, во моментот се лекуваат седум пациенти: четворица се хоспитализирани во Хируршката клиника „Св. Наум Охридски“, еден на Клиниката за пластична хирургија и двајца во приватната болница „Систина“.

Министерството нагласува дека внимателно ја следи состојбата на повредените и дека приоритет останува обезбедување квалитетен третман и успешна рехабилитација за секој пациент.

Поранешниот потпретседател на СДСМ и вицепремиер, Фатмир Битиќи бил ограбен за време на велигденските празници и притоа крадците го украле сефот во кој имало пари и накит, пишува порталот Фокус.мк

„На 21.04.2025 во 11.40 часот во СВР Скопје, Ф.Б.(49) од Скопје пријавил дека во периодот од 07.30 часот на 18.04.2025 до 03.00 часот на 21.04.2025, со употреба на сила и погоден алат било влезено во неговиот дом на подрачјето на Бутел во Скопје и биле одземени пари и други предмети, информира МВР“.

Во раните утрински часови околу 3 часот наутро, три лица упаднале во домот на пратеникот Фатмир Битиќи. Тој за ТВ 24 потврди дека додека тој се наоѓал надвор од државата неговиот дом бил предмет на кражба.

„Се се случи околу 3 часот наутро. Кражбата траела од 3 и пол до 4 минути. Дома имам поставено и аларм и видео надзор. Регистрирани се три лица, двете влегуваат во куќата а едното чува стража пред врата. Одземен ни е метален сеф кој беше вграден. Буквално го откорнале. Во сефот имаше пари но и накит кој имаше сентиментално семејно значење за нас. По упадот, по околу 6 минути дошла и агенцијата за обезбедување со кој е поврзан нашиот систем за аларм.“ – вели Фатмир Битиќи за ТВ24.

Накитот за кој зборува Битиќи го нема во неговиот анкетен лист доставен Државната комисија за спречување на корупцијата.

Во 2020 година кога вицепремиер за економски прашања, Битиќи пријавил куќа од 343 м2 која е проценета на 17,2 милиони денари. Тој вози „волксваген Т-рок“, а сопругата „мерцедес е-класа“ вредни 20.000, односно 30.000 евра.

Има три кредити, еден од 1,5, еден од речиси 2 и еден од 3 милиони денари кои треба да ги отплати до 2040 година, како и станбен кредит од речиси два милиони денари кој го подигнал во 2023 година.

Голема полициска акција во моментов спроведува Бирото за јавна безбедност. Според информации на Press24, станува збор за акција во која се опфатени се 49 луше поради злоуптреби со финансиска помош за туѓа нега. 

Според наши неофицијални информации, опфатени се 49 лица, а меѓу нив има доктори, член на комисија на ПИОМ, адвокат, вешто лице, управител на консултантско биро. 

Во моментот се вршат претреси на 21 локација, меѓу кои и Клиничкиот центар „Мајка Тереза“ во Скопје, Клиничката болница Тетово и ЈЗУ Општа болница Велес. Полицијата врши претреси и на 15 домашни адреси на осомничени лица.  

Како што дознаваме, поднесени се кривични пријави за повеќе сторени кривични дела, злосторничко здружување, злоупотреба на службена положба и овластување, помагање, примање поткуп, давање поткуп, примање награда за противзаконито влијание и давање награда.