Eдиниците на МВР во текот на вчерашниот ден приведоа полициски службеник осомничен дека примил поткуп од 50 евра.

Според информаците од Обвинителството, вработениот во Отсекот за странци и реадмисија, на 16 јануари во службените простории ја повикал оштетената која ја изгубила патната исправа и требало да извади нова. Притоа без да изврши проверки за претходно изгубениот пријавен пасош и да ги запази работните процедури ѝ дал уплатница за да уплати за издавање на нова. Откако го уплатила износот, оштетената се вратила во просториите на Одделот за управни работи и на осомничениот му ја предала уплатницата.

Откако го прашала за временскиот рок на постапката за издавање, полицаецот одговорил дека се чека од 6-12 месеци, на што жената негодувала, а осомничениот со гестикулации протривајќи ги прстите ѝ покажал дека треба да плати 50 евра за услугата велејќи „Знаете дека ние не се трудиме џабе”.

„Оштетената кажала дека нема пари во себе и ако не е проблем да ја почека да земе, а ако не стаса во текот на денот, да му ги предаде наредниот ден, на што осомничениот се согласил и рекол дека ќе ја чека за да ја заврши работата. По излегување од зградата, оштетената свесна дека тоа што осомничениот ѝ побарал пари без да ги уплати на сметка за побрзо да ја добие патната исправа е кривично дело, случајот го пријавила во полициска станица. Во текот на вчерашниот ден му ја предала кримтехнички обработената банкнота на осомничениот која беше пронајдена при претресот“, информираа од Обвинителството.

Предметниот јавен обвинител донесе наредба за спроведување на истражна постапка против осомничениот, а на судијата на претходна постапка при Основниот кривичен суд Скопје му предложи со решение на осомничениот да му изрече мерка притвор во траење од 30 дена.

Извор: 24инфо.мк

Професорот Јове Кекеновски на социјалните мрежи пишува дека тоа што ќе се вети мора да се реализира, а последните настани покажуваат дека има разлика.

-За неполн месец пуштени во сообраќај три делници.
1. Експресен пат Страцин – Крива Паланка во должина од 25,5 км
2. Експресен пат Градско – Дреново во должина од 15,5 км
3. Железничка пруга Куманово-Бељаковце е со должина од 30,8 километри (коридор 8 источна делница), пишува Кекеновски на Фејсбук.

Висок полициски службеник остана без својот мобилен телефон. Курир дознава дека тој се сомничи дека одавал информации во врска со нарко клановите.

Според нашите информации, „кртот“ во МВР бил поврзан со клановите Беланоца/Барон, но и со Раде Трајковски – Штекли.

Министерството за внатрешни работи потврди дека Штекли е уапсен попладнево по Наредба на ОЈО за ГОКК.

Неофицијално, бил уапсен во обид за излез во земјава, во близина на хотел во Гевгелија. Тој се сомничи за трговија на дрога. Предводел група од над десетина члена кои се занимавале со продажба на наркотични средства. МВР и Бирото за јавна безбедност се во потрага и апсење на целата негова група.

Извор: Курир.мк