Македонија

Се затрупува градилиштето зад Универзална, кое проголта дел од улицата „9 мај“

Published

2 years ago

June 1, 2023

Затрупано градилиштето позади Универзална сала, кое неодамна проголта дел од улицата 9-ти мај..

Жолтата лента, казните и налозите да се прекине со работа не ги спречиле инвеститорот и изведувачот да продолжат со изградба на зграда позади Универзална сала, дури и откако пропадна дел од улицата „9 –ти мај“ . Поради ова, по неполни два месеца откако е направена штета и на самиот пат, оти немало задолжителна заштитна јама и не се поставиле таканаречени „шипови“ за стабилизација на земјиштето, Општината реши да ангажира механизација и работници да ја затрупа дупката, ама фактурата ќе си ја плати инвеститорот, вели Градоначалникот Горан Герасимовски.

На улицата пред неколку месеци настана проблем од страна на инвеститорот „Бинјапи Инжинеринг“, фирмата што го има одобрението за градба. Јамата што требаше да се спроведе, не беше спроведена според даденото решение, односно самите околни згради не беа заштитени од страна на инвеститорот. Како што стои во законите и мерките општината ќе постапи, во моментот со решението се враќа самото градилиште во првобитна состојба, за целосно да се обезбедат околните објекти, а дополнително Општината ќе разгледува како ќе го решава понатаму самиот проблем.

Казните од 12.500 евра што досега се изречени за инвеститорот и изведувачот се уште не се платени, велат инспекторите.

Постапено е по казните, дадени се на понатамошна постапка, исходот мора да биде наплата на казните.

Фирмата има уште дваесетина дена рок ја поправи пропаднатата улица, а ако тоа не го направи, работата ќе ја завршат од „Улици и патишта“, ама сметката за трошоците ќе мора да си ја плати инвеститорот.

https://youtu.be/CTh2judYuiQ

Македонија

ДРАМА ВО КАЗИНО Осомничениот фатен по 9 дена бегство

Published

2 mins ago

December 27, 2024

Арлингтон

Инцидентот се случил на 17 декември 2024 година во 3:25 часот, во казино на булеварот Туристичка во Охрид. Според информациите од полицијата, по претходна расправија, осомничениот со остар предмет го нападнал Ж.Р. од Охрид, нанесувајќи му убодни рани.

Лицето Л.У. (33) од Охрид е приведено и му е определен притвор од 30 дена поради сомнение за сторено кривично дело „убиство во обид“, соопшти СВР Охрид.

Македонија

Полициска акција во Сарај пронајдено оружје

Published

1 hour ago

December 27, 2024

Арлингтон

Полицијата приведе 50-годишен жител на Сарај, З.З., откако при претрес на неговиот дом биле пронајдени пиштол и 53 куршуми.

Претресот бил спроведен со судска наредба од Основниот кривичен суд Скопје, а акцијата ја реализирале полициски службеници од Единицата за недозволена трговија при СВР Скопје.

Министерството за внатрешни работи (МВР) информира дека осомничениот е задржан во полициската станица Гази Баба. Против него ќе биде поднесена кривична пријава по член 396 од Кривичниот законик, кој се однесува на недозволено поседување оружје и муниција.

„Известен е јавен обвинител, и по негова насока, пријавениот во текот на денешниот ден ќе биде изведен пред судија на претходна постапка,“ соопштија од МВР.

Полицијата продолжува со истрагата за случајот, а од МВР апелираат до граѓаните да пријавуваат слични случаи за да се спречат нелегалните активности поврзани со оружје.

Македонија

Градоначалникот Ѓорѓиевски доби плакета за придонес од МВР

Published

1 hour ago

December 27, 2024

Арлингтон

Денес, на настанот организиран од МВР и министерот Панче Тошковски на кој беа презентирани резултатите од нивната работа, на градоначалникот Орце Ѓорѓиевски му беше доделена плакета за особен придонес и соработка.

-Ова е признание кое ќе стои највисоко на мојата полица, бидејќи правото и правдата за мене се водилка низ животот. Почитувани припадници на македонската полиција, да се штитат граѓаните и да ѝ се служи на сопствената татковина е огромна чест. Да се извршува оваа задача професионално и пожртвувано е херојство, а вие, секој ден ни докажувате дека сте токму тоа – наши херои. Вие докажавте дека ја заслужувате нашата најдлабока почит! Продолжете храбро како и досега! Ви благодарам, изјави градоначаликот Орце Ѓорѓиевски.