Почесен конзул на Косово во Македонија и бизнисмен, во моментов се наоѓа во полициската станица Карпош, каде дава исказ во врска со истрагата за махинации во Државната лотарија. Во случајот е поврзан и поранешниот прв вицепремиер Артан Груби, кој се бара од полицијата.

Беше идентификуван како бизнисменот кој со своето возило со дипломатски таблички го превезол Артан Груби до Косово, непосредно пред започнувањето на полициската акција.

Во меѓувреме, Министерството за внатрешни работи објави потерница за поранешниот директор на Државната лотарија, Перпарим Бајрами и поранешниот прв вицепремиер Артан Груби, кој се сомничат за злоупотреба на службената положба и овластување во процесот на доделување на јавни набавки.

Во борбата со метежот со моторни возила и загадениот воздух, Министерот за транспорт и врски, Александар Николоски, најави две нови мерки кои ќе го намалат сообраќајниот хаос и ќе помогнат во борбата против загадувањето.

– Нови велосипедски патеки – Министерството работи на измени во Правилникот за урбанистичко планирање, кои ќе ги дефинираат правилата за изградба на велосипедски патеки. Ова значи дека инвеститорите ќе бидат обврзани да ги изградат патеките, што ќе ја подобри инфраструктурата за велосипедистите и ќе го реши проблемот со недостатокот на патеки.

– Субвенции за велосипеди – Од почетокот на следната година, Министерството ќе започне со субвенции за купување велосипеди. Оваа мерка е наменета да ги поттикне граѓаните да користат велосипеди како еколошки начин на превоз.

„Со овие мерки, од една страна ќе ја подобриме инфраструктурата за велосипедистите, а од друга, ќе им помогнеме на сите кои сакаат да купат велосипед. Верувам дека овие чекори ќе доведат до почесто користење на велосипеди, побрза комуникација и, секако, поздрава животна средина,“ изјави министерот Николоски по својатасредба со здружението Биди Зелен (Go Green).

Велосипедизмот има клучна улога во намалувањето на сообраќајниот метеж, бидејќи велосипедите не само што земаат помалку простор на патиштата, туку и значително ја намалуваат потребата за автомобили во урбаните области. Истовремено, велосипедите се еколошки транспортни средства кои не произведуваат штетни емисии, што директно придонесува за подобрување на квалитетот на воздухот и намалување на загадувањето. Овие мерки се дел од напорите за создавање поодржлива и поквалитетна животна средина, што е еден од главните приоритети на Министерството за транспорт и врски.

Министерството за внатрешни работи (МВР) на својата официјална веб-страница објави меѓународни потерници за Артан Груби и Перпарим Бајрами, кои се под истрага за сериозни кривични дела според Кривичниот законик на Република Северна Македонија.

Артан Груби (роден на 7 јуни 1977 година во Скопје) е жител на ул. Струмичка бр. 5/2-4, Чаир. Тој е под истрага според Наредба бр. XVII KO бр. 4232/24, издадена од Основното јавно обвинителство Скопје на 17 декември 2024 година. Груби се сомничи за сторено кривично дело по член 354 став 5 во врска со ставови 3 и 1 од Кривичниот законик на Република Северна Македонија.

Перпарим Бајрами (роден на 10 февруари 1993 година во Куманово) е жител на селото Ваксинце, општина Липково. И против него е распишана меѓународна потерница според Наредба бр. XVII KO бр. 4232/24 од 17 декември 2024 година, издадена од Основното јавно обвинителство Скопје. Бајрами е исто така осомничен за истото кривично дело како Груби, според член 354 став 5 во врска со ставови 3 и 1 од Кривичниот законик.

МВР ги повикува граѓаните кои имаат информации за лицата да се обратат до најблиската полициска станица или да се јават на бесплатниот телефонски број 192. Акцијата е дел од пошироката борба против организираниот криминал и корупција.