Македонската ракометна репрезентација одигра одличен прв дел, но потоа попушти и претрпе пораз од Словенија (26-32) во Скопје, во рамките на третото коло од квалификациите за Европското првенство.

Ова е втор неуспех за нашата селекција во овој циклус, но нема време за одмор – веќе во недела следи нов дуел со Словенија, овој пат во Копер.

Младиот среден бек Марко Митев по натпреварот го сподели своето видување:

„Имавме многу квалитетен старт, но во финишот на првото полувреме пропуштивме шест гола предност. Тоа не смее да се случи против селекција која играше полуфинале на ЛОИ. Словенија е поквалитетна, но ќе се подготвиме и во реваншот ќе одиме на изненадување. Ако сакаме победа, мора да ги исправиме денешните грешки и да ја подобриме одбраната.“

Одлуката за пласманот на Европското првенство ќе падне во мај, кога Македонија ќе гостува во Естонија и ќе ја пречека Литванија во клучниот меч.

Македонската тенисерка Лина Ѓорческа е елиминирана во првото коло на ИТФ W75 турнирот што се игра во унгарскиот град Секешфехервар. Таа и покрај водството од 1-0 во сетови го загуби мечот со 2-1 во сетови (46 61 64) од првата носителка на турнирото Аранча Рус од Холандија за два часа игра. Турнирот се игра за награден фонд од 60.000 долари.

Лина дојде до водството по добриот почеток на мечот и првиот сет и припадна со 6:4 во гемови, но првата фаворитка на турнирот успеа да изедначи откако вториот сет го доби со 6:1 во гемови. Во решавачкиот сет ривалката имаше предност и на крајот успеа да стигне до победата откако го доби сетот со 6:4 во гемови.

Во текот на следната недела Лина Ѓорческа ја очекува настапот на турнир во словенечкиот град Марибор.

Фудбалската федерација на Македонија (ФФМ) добива нов силен партнер – компанијата Новоматик Македонија, која станува официјален спонзор на федерацијата.

Претседателот на ФФМ, Месар Омерагиќ, ја истакна важноста на оваа соработка, нагласувајќи дека поддршката од Новоматик ќе овозможи значајни инвестиции во македонскиот фудбал.

“Со ова партнерство ќе можеме да вложиме во развојот на фудбалот, подобрување на инфраструктурата, унапредување на младинските категории и организирање на уште поквалитетни натпреварувања,” изјави Омерагиќ.

Оваа соработка претставува важен чекор напред за македонскиот фудбал, отворајќи нови можности за раст и подобрување на условите во спортот.