Connect with us

Македонија

Официјално промовирана „Оган да го гори“ во изведба на Ламбе Алабаковски

Published

on

Со песната „Оган да го гори“ во нова изведба на Ламбе Алабаковски официјално стартува голмиот музичко-патриотски проект „Македонијо, во срце те носиме“. 

Инаку оваа песна е оригинално изведена од Гоце Николовски.

Музиката за песната на Ламбе е на Војо Стојаноски, текстот на Гоце Николовски, а аранжманот на Никола Мицевски.

Звуците на зурла, кавал и гајда се во изведба на Гоце Димовски, а на тапан на Трајче Ристов.

Иницијаторка и идеен творец на овој проект кој привлече големо внимание во јавноста е нашата позната пејачка Бојана Скендеровски.

Станува збор за обработка на 12 патриотски песни во ново руво, кои ќе бидат испеани од популарни музичари, а најавен е и музички караван низ земјава, со цел да заживеат патриотските песни помеѓу помладите генерации.

Дел од ,„Македонијо, во срце те носиме” ќе бидат и Миле Кузмановски, Зуица Лазова, Сузана Спасовска, Наум Петрески, Александар Тарабунов, Мина Блажев и други.

Македонија

ПОВТОРНО СНЕГ И ВЕТЕР ДО 70 КМ/Ч Драматична промена од недела, понеделник уште постуден

Published

on

Во Скопје променливо облачно со подолги сончеви периоди. Ќе дува слаб до умерен ветер од северен правец. Температурата ќе се движи од 8 до 20 степени.

Времето денеска во целата земја ќе биде променливо облачно со сончеви периоди. Локално ќе има услови за развој на нестабилност со краткотраен пороен дожд и грмежи.

Минималните утрински температури ќе се движат од 0 во Маврово до 9 во Гевгелија, а максималните дневни од 12 во Маврово и 20 Целзиусови степени во Гевгелија.

Во Скопје променливо облачно со подолги сончеви периоди. Ќе дува слаб до умерен ветер од северен правец. Температурата ќе се движи од 8 до 20 степени.

В недела нѐ очекува претежно облачно со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10 до 15см). Ќе дува засилен северен ветер (над 70км/ч.).

Минималните утрински температури ќе се движат од 2 степени до 8 степени, а максималните дневни ќе бидат во интервалот од 4 степени до 13 степени.

Метеоролозите за во понеделник најавуваат променливо облачно и студено, наместа со провејување на слаб снег. Ќе дува умерен до засилен ветер од северен правец. Минималните утрински температури ќе се движат од -5 степени до 1 степени, а максималните дневни ќе бидат во интервалот од 2 степени до 10 степени.

Continue Reading

Македонија

Дисциплинска постапка за двајца полициски службеници кои лажно тврделе дека возилото “порше” е службено

Published

on

Дисциплинска постапка за двајца полициски службеници кои лажно тврделе дека возилото “порше” е службено

Од страна на Одделот за внатрешна контрола, криминалистички истраги и професионални стандарди на МВР извршени се проверки по објавена видео снимка на социјалната мрежа фејсбук на 04.04.2025. На видеото се гледа како група граѓани бараат од полициски службеник, кој постапува со специјално возило „пајак“, да го подигне возилото „порше каен“ со скопски регистарски ознаки, поради тоа што било паркирано на велосипедска патека, односно на коловоз.

Полициски службеници од ОВККИПС извршија проверки во ОБПС Скопје и утврдија дека од нивна страна е постапувано по прекршок за погрешно паркирање сторен од возач на патничко возило „порше каен“.

По извршен увид во службената документација, констатирано е дека полицискиот службеник С.Н. од ОБПС Скопје, на 22.03.2025 постапувал по Наредба за вршење дејност бр. 3626 од 21.03.2025 година за непрописно паркирани возила. Од страна на граѓанинот С.Н., на телефонскиот број 192 било пријавено дека на ул. “Орце Николов”, во близина на ресторан, непрописно било паркирано возилото „порше каен“.

Полицискиот службеник С.Н., со специјално возило „пајак“ и двајца вработени од ЈП за јавни паркиралишта на Општина Центар, се упатиле на наведеното место, каде што било затекнато возилото и револтирана група граѓани кои барале возилото да биде подигнато. На местото на настанот, од угостителски објект излегле две лица кои се легитимирале како полициски службеници и изјавиле дека возилото е службено. Полицискиот службеник С.Н. им наредил веднаш да го отстранат возилото и да го паркираат на соодветно место, по што влегол во кабината на „пајак“ возилото со цел да провери дали возилото навистина е службено.

Откако утврдил дека возилото не е службено и дека сè уште не е отстрането, на вработените од ЈП Јавни паркиралишта им дал наредба да го подигнат возилото, по што истото било пренесено во депото. Таму, од страна на полицискиот службеник Х.Ѓ. е составен записник за сторен сообраќаен прекршок по чл. 63 став 6 од ЗБСП, како и прекршочен платен налог, во кој е наведено дека сторител на прекршокот е С.К. (76) од Скопје. Сопственик на возилото е М.Т. (48) од Скопје.

Двете лица кои се претставиле како полициски службеници и тврделе дека возилото е службено, со патничко возило „форд мондео“ се упатиле кон депото. Полициските службеници од ОВККИПС извршиле проверки за возилото „форд мондео“ и констатирале дека истото го управувале полициските службеници Т.Д. и И.С., распоредени во Одделението за лично обезбедување на Претседателот на РМ.

Со овие полициски службеници е извршен службен разговор, при што е констатирано дека сториле потешко прекршување на работниот ред и дисциплина. Од страна на ОВККИПС до Одделот за дисциплински и судски постапки ќе биде поднесен предлог за утврдување на дисциплинска одговорност.

Continue Reading

Македонија

Oслободена заробена мечка во криволовна стапица

Published

on

Надлежните служби од Ресен попладнево ослободиле заробена мечка која била уловена во поставена криволовна замка.

Регионалниот Центар за управување со кризи во Битола примил пријава преку бројот за итни случаи 112 за заробено диво животно во атарот помеѓу селата Љубојно и Брајчино (Општина Ресен). Пријавителот претпоставил дека станува збор за мечка поради силното рикање што се слушало во близина на мостот на Брајчинска Река.

Одмах биле информирани Граничната полиција Маркова Нога, Полициската станица Ресен, ловното друштво и други релевантни органи за понатамошно постапување. По интервенцијата на надлежните служби, со присуство на ветеринар од Националниот парк Пелистер, мечката била успиена и безбедно ослободена, информираат од Центарот за управување со кризи.

Continue Reading
Advertisement
Advertisement

Трендинг

Copyright © 2024 Булевар.мк