Унгарската влада го критикуваше денешниот состанок во Париз на кој ќе се соберат десетина лидери од Европската Унија, Велика Британија и НАТО за да се договорат како да реагираат на американскиот план за крај на војната во Украина во кој нема учество на Европската Унија.

„Денес во Париз, фрустрираните европски лидери, кои се за војна и против Трамп, се собираат за да спречат мировен договор за Украина“, изјавил унгарскиот министер за надворешни работи Петер Сијарто на маргините на прес-конференција во Казахстан, што ја објави на својот фејсбук профил.

„За разлика од нив, ние ги поддржуваме амбициите на Доналд Трамп и за разлика од нив ги поддржуваме преговорите меѓу Русија и САД“, додаде Сијарто.

Унгарскиот премиер Виктор Орбан е еден од ретките лидери на ЕУ кој јавно демонстрира блискост со американскиот претседател Доналд Трамп и рускиот претседател Владимир Путин.

Орбан постојано постојано се залага за прекин на огнот во Украина и почеток на мировни преговори и одбива да испрати воена помош за Киев.

Од враќањето на Трамп во Белата куќа, Орбан верува дека има поддршка за неговите ставови и ја критикува „неспособноста“ на ЕУ да организира преговори за Украина.

Францускиот претседател Емануел Макрон за денеска (17 феврауари) во Париз закажа неформален состанок на европските лидери на кој ќе присуствуваат шефовите на владите на Германија, Велика Британија, Италија, Полска, Шпанија, Холандија и Данска, како и претседателот на Европскиот совет, претседателот на Европската комисија и генералниот секретар на НАТО.

Од сите присутни само Полска е дел од таканаречената,,Нова Европа” а сите други се од основачите или првите членки на ЕУ и НАТО.

Состанокот на европските лидери доаѓа неколку дена по телефонскиот разговор меѓу американскиот претседател Доналд Трамп и неговиот руски колега Владимир Путин и нивната одлука директно да разговараат за Украина на самитот во Саудиска Арабија. 

Трамп вчера изјави дека наскоро би можел да има средба со Путин а државниот секретар Марко Рубио веќе денска е на пат за Ријад каде патува и рускиот министер за надворешни работи Сергеј Лавров.

Преходно ,,Стара Европа +” беше критикувана и од Софија и од Љубљана 

Судир меѓу членките на ЕУ или ,,Пуче пушка ……”

Зеленски: Најмалку 46.000 украински војници загинаа од почетокот на инвазијата.

Украинскиот претседател Володимир Зеленски изјави дека повеќе од 46.000 украински војници се убиени од почетокот на руската инвазија во февруари 2022 година, додека десетици илјади се исчезнати или се во заробеништво.

Тој изјави за NBC News дека исчезнатите може да бидат или мртви или заробени.

Пред десет дена, на 6 февруари, Зеленски изјави дека 45.100 украински војници биле убиени, а околу 390.000 биле ранети. Воените аналитичари во Украина и на Запад веруваат дека реалните бројки се значително повисоки.

Зеленски изјави и дека 19.500 украински деца биле депортирани во Русија.

Русија не ги објавува сопствените жртви, но британското воено разузнавање во декември процени дека Русија во просек трпи 1.523 убиени и ранети војници дневно.

Зеленски тврди дека до 350.000 руски војници се убиени, додека други извори сугерираат дека бројот може да биде поголем.

Зеленски предупредува дека Путин обучува 150.000 луѓе во Белорусија.

Русија планира да обучи дополнителни 150.000 војници додека тој ги засилува своите предупредувања до Европа поради промените во американската политика за завршување на војната.

Во интервју за американската телевизиска мрежа NBC, украинскиот претседател тврди дека плановите за обука во Белорусија биле слични на времето кога Русија се подготвувала за својата целосна инвазија на Украина во февруари 2022 година.

Работите се менуваат? На повидок љубов помеѓу Москва и Вашингтон: “Отсега ќе разговараме на поинаков начин”