ИЗВЕСТУВАЊЕ!!

Почитувани граѓани.

Ве известуваме дека рестрикции на вода ќе има од 12:30 до 17:00 часот

Ви благодарам.

https://www.facebook.com/share/p/1HEf6xZWuv/?mibextid=wwXIfr

Генц Мерко, најстариот син на струшкиот градоначалник Рамиз Мерко,повеќе не е сопственик на Меѓународниот универзитет Струга, кој обезбедува дипломи за високо образование од неколку факултети.

Синот на Мерко од минатиот месец целосно му ја препуштил „Еуро Колеџ 2007“ на партнерот Армен Кадриу, исто бизнисмен од Струга. Инаку „Еуро Колеџ 2007“ е фирма со минимални приходи, но истовремено сопственик на Меѓународен универзитет Струга. Ова правно лице на Кадриу и на Мерко редовно им носи приходи во последните години од околу 750.000 евра годишно и постојана добивка од четврт милион евра.

Генц и Рамиз Мерко, како и другите возрасни членови на семејството, од почетокот на летото се најдоа на т.н. „црна листа“ на САД. Од тогаш партнерот Кадриу тврдеше дека е единствен сопственик на универзитетот, а преку маркетинг соопштенија беа најавувани нови косопственици и отстапување на удели.

Приватниот универзитет беше редовно критикуван од коалиционите партнери од актуелната власт дека е „продавач“ на итни дипломи, каде, како што тврдеа низ годините, преку ноќ, дипломираат идни функционери, но и многумина други кои бараат вработување со високо образование во јавниот сектор.

МУС пред летото доби и акредитација за основање на Факултет за здравствени науки, односно за медицински сестри.Од Министерството за образование тогаш рекоа дека одлуката е донесена поради потреба од повеќе здравствени работници во државата и дека факултетот ќе започне со работа од следната академска година. МУС има акредитација и за Факултет за економски науки, Правен факултет, Факултет за информатички технологии и Факултет за политички науки.

Рамиз Мерко за кратко време нанижа повеќе кривични пријави. Против него во моментов има вкупно девет такви. Последната е за „несовесно работење во службата“, а повеќето се поврзани со одлуки за јавни набавки,дозволи и концесии.

Извор: Faktor.mk

Поранешниот генерален секретар на Владата, Мухамед Зеќири, објави фотографија со својата сопруга Бисера.

На фотографијата двајцата се среќни и расположени, но се гледа дека е направена во некој потопол период. 

Како што е познато, на почетокот на декември 2023 година, што значи пред околу една година и еден месец, Зекири беше осуден на 2,5 години затвор за злоупотреба на службената положба и овластување, а беше пресудено и дека треба да врати над 71 милион денари, односно над еден милион евра во државниот буџет. Ова беше неправосилната пресуда која што ја донесе кривичниот суд во Скопје. На Зеќири му се судеше поради договорот со фирмата „Интерхолдинг“ за консултантски услуги за потенцијална приватизација на „Пошта“ и Железници транспорт. Според обвинението, тој направил штета од над 57 милиони денари на државниот буџет. 

Со оглед на тоа што во пресудата ќе биде пресметано и времето што Зеќири го помина во притвор во Затворот во Шуто Оризари, а потоа и во куќен притвор,  тогаш медиумите пишуваа дека му остануваат уште 11 месеци за издржување на казната, по правосилноста на пресудата. 

Што значи дека времето се поклопува и тој ја отслужил казната.

Зеќири изјави за медиумите дека пресудата е неоснована и најави жалба.

„Во целиот процес никаде и ниту во еден момент не беше докажана моја умисла во склучувањето на договорите, затоа што јас само сум спровел умисла на други, односно на Владата, кои беа предложени од вицепремиерот за економски прашања Фатмир Битиќи“, рече Зеќири по објавувањето на пресудата. 

За време на судењето Зекири се повика и на тогаш лошата здравствена состојба на неговата сопруга.

Инаку, Зекири објавил и на 9 декември 2024 година фотографија со сопругата, а на истиот датум ја сменил и профилната фотографија. 

На 8 април 2022 година тој објави писмо до тогашниот премиер Димитар Ковачевски, во кое нагласи дека поднесува неотповиклива оставка од фунцијата генерален секретар на Владата. 

„Низ мојот работен век секогаш го одбирал вистинскиот пат, патот на чесноста, праведноста и вистината, на кои животни вредности сакам да останам доследен. Затоа, како човек со личен интегритет, ја поднесувам мојата неотповиклива оставка од функцијата Генерален секретар на Владата на Република Северна Македонија. Верувам во институциите на системот, верувам во правичноста и праведноста и верувам дека вистината ќе излезе на виделина. На сите институции им стојам на располагање во секое време, за да ја докажам мојата невиност“, напиша тогаш Зекири. 

Инаку, на свадбата на Зекири со Бисера, кум му беше поранешниот премиер и негов сопартиец, Зоран Заев.

https://www.facebook.com/share/1BnkAXP7KN/?mibextid=wwXIfr

Извор: fakor.mk