На 17.12.2024 во 20.10 часот во Полициското одделение Групчин било пријавено дека малолетна штитеничка на Центарот за социјални работи Тетово, која имала здравствени проблеми и која со службено возило на центарот била транспортирана до здравствена установа во Скопје, физички нападнала вработена во центарот, која ја спречила да побегне. Се преземаат мерки за расчистување на случајот.

На 17.12.2024 во 15.35 часот во Тетово, полициски службеници од СВР Тетово го лишиле од слобода А.Ј.(26) од Тетово, постапувајќи по претходна пријава дека на 16.12.2024 околу 17.00 часот ѝ се заканувал и ја вознемирувал неговата 51-годишна мајка. По целосно документирање на случајот ќе следува соодветен поднесок.

На 17.12.2024 во 14.00 часот во СВР Тетово, С.Ј.(23) од Тетово пријавил дека околу 17.00 часот на работното место во пајак возило на Јавното претпријатие „Градски паркинг“ Тетово бил физички нападнат од две лица. Се преземаат мерки за расчистување на случајот.