На граничниот премин Меѓународен Аеродром – Скопје, полициски службеници лишиле од слобода две шеснаесетгодишни лица шпански државјани, кои патувале со своите родители, а поради тоа што при ПДЗ контрола кај нив биле пронајдени и одземени пиротехнички средства.

За настанот бил известен дежурен ЈО од ОЈО Скопје и обвинител за малолетни лица, и биле дадени насоки против малолетниците да се поднесе прекршочна пријава по основ на Закон за експлозивни материи, а додека со родителите да се изврши информативен разговор, информира МВР.

Во Секторот за внатрешни работи – Битола, ноќеска на полноќ било пријавено дека на улицата „Глигор Прличев“ настанал пожар во патничко моторно возило марка „пежо“ со битолски регистарски ознаки. Тоа било сопственост на В.А .од Битола.

Од СВР – Битола соопштија дека пожарот бил изгаснат од страна на битолската Територијална противпожарна единица. Повредени лица нема, причинета била материјална штета. Увидот го извршила увидната екипа на СВР – Битола.

Се преземаат мерки за расчистување на настанот.

Физичка пресметка се случила рано утрово пред казино во Неготино, информираат од Секторот за внатрешни работи Велес.  

– Утринава во 04.15 часот, полициски службеници од ОВР Неготино го привеле А.Ј.(39) од неготинско село, затоа што пред казино во градот, тој и неготинецот Д.Ј.(35), по  вербална расправија, го нарушиле јавниот ред и мир со меѓусебна физичка пресметка, појаснија од СВР Велес. 

Оттаму додадоа дека со Д.Ј. бил извршен службен разговор, а А.Ј. бил задржан во полициска станица и по документирање на настанот, против нив ќе бидат поднесени соодветни пријави.